AC-fuldmægtig-imut Perorsaanermik Ilinniarfimmut (PI/SPS) AC-fuldmægtig-imut sulisussarsiorpugut

Ilinniartitaanermut tunngasuni piginnaasatit misissueqqissaarnernut atorusuppigit, aamma ineriartortitsinermut suliniutinik arlalinnik ataqatigiissaarisutut akisussaaffeqarusuppit?

Taamaappat Perorsaanermik Ilinniarfimmik-imi AC-fuldmægtig-itut atorfiup neqeroorutigisinnaasai soqutigisinnaavatit.

AC-fuldmægtig-imik ataatsimut isiginnittumik, piumassusilimmik ineriartortitsinermillu soqutiginnittumik sulisussarsiorpugut. Misissueqqissaarnerit, paasissutissat ilisimasallu tunngavigalugit aaqqiissutissanik piviusunngortitsisinnaassaatit. Ilinniartitaanerit pitsaassusaannik qulakkeerineq, ineriartortitsinermut suliniutit, misissueqqissaarnerit kiisalu allaffissornikkut suliassat assigiinngitsut akornanni pingaarutilimmik inissisimassaatit.

PI/SPS pillugu

Socialpædagogisk Seminarium (PI/SPS) Ilulissani qullersaqarfeqarpoq kiisalu Nuummi immikkoortortaqarfeqarluni. Sulisut 60-it missaanniipput, ilinniartullu 300-t missaanniillutik ilinniagassat arfineq-pingasut akornanni agguataarsimasut:

• Meeqqerivimmi ikiortinngorniarneq
• Isumaginninnermi ikiortinngorniarneq
• Isumaginninnermi assistentinngorniarneq
• Perorsaanermi assistentinngorniarneq
• Socialpædagog-imut professionsrettet bachelorinngorniarneq
• Siunnersortimut assistentinngorniarneq
• Isumaginninnermi siunnersortinngorniarneq
• Immikkut perorsaanermut isumaginninnermullu diplomuddannelse

Tamatuma saniatigut isumaginninnermi perorsaanermilu suliallit piginnaasaannik ineriartortitsisumik pikkorissaanerit assigiinngitsut neqeroorutigisarpavut.

Suliassat

AC-fuldmægtig-itut sulinermi avatangiisinni suleqatigiinneq, ineriartortitsineq pitsaassutsimillu qulakkeerineq pingaaruteqarput.

Suliassat ilaatigut tassaassapput:

• PI/SPS-ip akisussaaffigisaani misissueqqissaarnernik, killiffinnik nalunaarusianik nalilersuinernillu suliaqassaatit
• Ilinniagaqarnermut allaffissorneq suleqatigalugu paasissutissanik katersinerup paasissutissanillu suliaqarnerup pitsaanerulersinneqarnissaa suleqataaffigisassavat
• Pitsaassutsimik qulakkeerinermi suleriaatsit atuutsinneqalernissaannut ingerlaannartinneqarnissaannullu ataqatigiissaarisutut akisussaassaatit
• Ineriartortitsinermut suliniutini ingerlatseqataasassaatit, assersuutigalugu ilinniagassat pilersaarutaannik aamma ilinniartunut ilinniartitsisunullu najoqqutassanik nutarterinerni
• Ilinniartitaanernut tunngatillugu iliuusissanut pilersaarutinik aamma periusissianik suliaqarnermut peqataassaatit
• Social media-ni, ilaatigut LinkedIn-imi Facebook-imilu, paasissutissanik nutarterinernik saqqummiussinernillu ataqatigiissaarisutut akisussaassaatit
• Aqutsisut allaffissornikkut ineriartortitsinermullu tunngasunik suliassaani assigiinngitsuni ikiuuttassaatit
• Nunat tamat akornanni ataqatigiissaarisutut suliassaq isumagissallugu
• Sammisanik ilinniartitsisassaatit kiisalu sammisaqartitsinerni, isumasioqatigiinnerni ataatsimeersuarnernilu ingerlatsisassallutit.

Ineriartortitsinermut suliassat, misissueqqissaarnerit, killiffinnik nalunaarusiat kiisalu ilinniartitaanernik pitsaassutsimik qulakkeerineq pillugit aqutsisut piujuartitsisumik suleqatigiiffigissavatit.

Ilinnit suut naatsorsuutigaarput?

Piginnaasatit inuttullu pissusilersortarnerit pingaartippavut.

Naatsorsuutigaarput:

• ilinniagaqarnikkut naleqquttumik akademikeritut tunuliaqutaqartutit, ilinniartitaanermilu misilittagaqarsimanissat iluaqutaassalluni
• misissueqqissaarnernik suliaqarsinnaasutit, paasissutissallu ilisimasallu sulinermut atorsinnaagitit
• kisitsisinut paasisimasaqartuusutit, paasissutissanillu misissueqqissaarnernillu aaqqissuussaasumik suliaqarsinnaasutit
• allaffissornikkut IT-mullu tunngatillugu piginnaasaqarluartutit
• suliassat assigiinngitsut amerlasuut ataatsikkut suliarisinnaagitit, piffissallu ulapaarfiup nalaani tamakkiisumik isiginnittuarsinnaasutit
• namminersorlutit aaqqissuussaasumillu sulisinnaasutit, aammali suleqatigiinni suleqataalluartuusutit
• tatiginartuusutit, akisussaassuseqartutit aamma suleqatinnut suleqatigisartakkanullu akuerinnittumik pitsaasumillu attaveqartartutit
• piumassuseqartutit, allannguinissamut ammasuusutit avatangiisinillu pitsaasumik isiginnittaaseqartuusutit.

Ilinniartitaanermi projektledelse-mik, sulianik ataqatigiissaarinermik, pitsaassutsimik qulakkeerinermik imaluunniit ineriartortitsinermik misilittagaqarsimaneq iluaqutaassaaq.

Neqeroorutigaarput

PI/SPS-imi suliassat assigiinngitsorpassuit attavigisassavatit, ilinniartitaanerillu suliffeqarfiullu ineriartortinneqarnerannut sunniuteqarnissamut periarfissaqassallutit.

Suleqatigiinnermi pingaartitavut tassaapput:

• suliatigut ineriartortitsineq pitsaassutsillu
• suleqatigiinneq ilisimasanillu avitseqatigiinneq
• akisussaaffik sunniuteqaqataanerlu
• suliffimmi avatangiisit pitsaasut akuerinnittumillu ingerlatsineq
• misissueqqissaarnernik, ineriartortitsinermik, allaffissornermik ilinniartitsinermillu suliaqarnissamut periarfissaq.

Aningaasarsiatigut atorfinitsitaanermilu atugassarititaasut

Atorfik 1. december 2026 imaluunniit isumaqatigiissuteqarnikkut inuttalerneqassaaq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
 

Attaveqarneq

Atorfik pillugu paasisaqarnerorusukkuit attaveqarfigisinnaavat:

Souschef Ane Solveig Hansen
Oqarasuaat: 38 35 50
E-mail: allaffik@pi.sps.gl

PI/SPS pillugu paasissutissat amerlanerit nittartakkamiipput:
www.pi.sps.gl

Qinnuteqarnissamut killigititaq tassaavoq 23. oktober 2026 nal. 09.00.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaqqilerlutit tusarnissatsinnut qilanaarpugut!