Kalaallit Nunaanni ilinniusianik inerisaaqataarusuppit?
Ilinniartitaanermut Aqutsisoqarfimmi, Ilinniusiorfik, aaqqissuisumik aallussisumik oqaatsinullu pikkorissumik pissarsiorpoq. Aaqqissuisuusussap ilinniusiorneq uummateqarfigissavaa, Kalaallit Nunaannilu atuarfinni ilinniusiaqarnerup iluani inerisaarusussusseqartuussalluni.
Ilinniusiorfik ilinniusianik kajuminnartumik imaqarluartunillu atuartunik ingerlataqartitsisuusunik, ataqatigiissakkanik digitalimillu periarfissaqartunik suliaqartarpoq. Aaqqissuisutut suleqatit pikkorissut akornanni, Ilinniartitaanermut Aqutsisoqarfimmilu atuarfinnut siunnersortit allat, avataaneersullu suleqatigisartakkagut peqatigalugit ilinniusiat naleqquttut suliarisassavatit.
Aaqqissuisumik nutaaliorsinnaassusilimmik, siunnerfeqarluni sulisinnaasumik aammalu ilinniusianik inerisaanermi oqaatsit, ilisimasat teknologiillu nutaat atornissaannik oqimaaqatigiissaarisinnaasumik ujartuivugut. Pingaarnertut faagi kalaallisut suliassaqarfigissavat, taamaattumik oqaatsitigut ilisimasatigullu atuartut inerisarnissaat peqataaffigilissavat.
Atorfik pillugu
Ilinniusiorfimmi ilinniusiat nutaat kiisalu ilinniusiat pioreersut inerisarneqarlutillu naleqqussarneqartarput. Ilinniusiorfimmittaaq ilinniusiat naqitat digitaliusullu, Kalaallit Nunaanni atuarfinni pisariaqartitat aallaavigalugit didaktiskimik suliaasimasut siammarterneqartarput oqaatsitsigullu aaqqissuunneqartarlutik.
Aaqqissuisutut aaqqissuisut allat peqatigalugit sulissaatit, suleqatitillu peqatigalugit ilinniusiat pitsaasut ullutsinnullu naleqquttut suliarissallusigit. Taakkua saniatigut Ilinniartitaanermut Aqutsisoqarfiup iluani suliassat allat suleqatit allat, avataaneersullu peqatigalugit sulissaatit.
Illit pillutit:
Qinnuteqartoq piukkunnaatilik naatsorsuutigaarput:
- Naleqquttumik ilinniagaqassasoq
- Pamersaanermut kiisalu didaktikimut nutaajunerusumut ilisimasaqassasoq
- Aaqqissuisutut suliaqarnermik misilittagaqassasoq IT-millu atuisinnaassasoq
- Teknologi atorlugu atuartitsinermik misittagaqassasoq
- Aaqqissuussaasumik, akisussaassuseqartumik naammassissaqarfiusumillu sulisinnaassasoq
- Nutaaliortuullunilu aallarnisaasinnaassasoq
- Eqaatsumik namminersorlunilu suliaqarsinnaassasoq
- Paasinarluartumik attaveqariaaseqassasoq
- Kalaallisut qallunaatullu qaffasissumik atuisinnaassuseqarluassasoq
Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik politikikkut aqutaavoq, aqutsisoqarfik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani inissisimavoq. Aaqqissuisoqarfimmi suliarineqartartut arlaqarput, aqutsisoqarfinni nalinginnaasumik suliarineqartartut saniatigut ilaatigut nammineq saqqummersitsisarfiuteqarpugut, naqiteriveqarpugut, paasissutissiisarfeqarlutalu atuakkanullu atorniartarfiuteqarluta. Aqutsisoqarfimmi pingaarnertut atuarfiit, efterskolit friskolillu kiisalu GUX-it, Attat NUIKI-lu suliassaqarfigaagut. Suleqatigiit 55-it missaanniippugut, persuarsiortorsuunngikkaluarluta sammisatsinnut tunngasutigut qaffasissumik pitsaassusilinnik naammassisaqartarnissamik pingaartitsisuuvugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Januaarip aallaqqaataa 2027 isumaqatigiissusiornikkulluunniit atorfinittoqassaaq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqarneq
Kingusinnerpaamik 25. Novembari 2026 qinnuteqartoqarsinnaavoq. Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
Sukumiinerusumik paasissutissat
Atorfik pillugu annertunerusumik paasisaqarusukkuit uunga saaffiginnissinnaavutit: Immikkoortortami aqutsisoq Anna Karina K. Lyberth, oqarasuaat: +299 34 50 60, e-mail: akly@nanoq.gl
Ilinniartitaanermut Aqutsisoqarfik E-mail-ikkut qinnuteqaatinik tigusineq ajorpoq.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job