Imarsiornermik Ilinniarfimmi ilinniartitaanermut pisortaq

Imarsiornermik Ilinniarfik ilinniartitaanermut pisortassarsiorpoq tunniusimasumik, suliamigut piginnaasaqarluartumik, Kalaallit Nunaanni imarsiornermik ilinniartitaanerit ineriartortinneqarnerannut pitsaassusaasalu qulakkeerneqarnerannut peqataarusuttumik.

Ilinniartitaanermut pisortatut ilinniarfiup ilinniartitaanernik ulluinnarni ingerlatsinerani aamma periusissatigut ineriartortitsinerani qitiusumik inissisimassaatit. Ilinniarfiup aqutsisoqatigiivinut ilaassaatit, pisortarlu aqutsisoqatigiit allat peqatigalugit qulakkiissallugu ilinniartitaanivut suliamut tunngatillugu aamma perorsaanikkut qaffasissumik pitsaassuseqarlutik ingerlanneqarnissaat kiisalu imarsiornermut tunngatillugu malittarisassat piumasaqaatillu atuuttut naapertorlugit ingerlanneqarnissaat.

Atorfik imarsiornermut tunngasunik pitsaasumik ilisimasaqarnissamik, perorsaanikkut paasinninnissamik kiisalu aqutsinermik suleqateqarnermillu pitsaasunik piginnaasaqarnissamik piumasaqaateqarpoq.

Suliassatit pingaarnerit

Ilinniartitaanermut pisortatut ilaatigut makkununnga akisussaasuussaatit:

ilinniarfiup imarsiornermik ilinniartitaanerinik aqutsineq, ataqatigiissaarineq ineriartortitsinerlu,

ilinniartitsinerup suliamut tunngasortaani perorsaanikkullu pitsaassusaata qulakkeerneqarnissaa,

ilinniartitaanermut pilersaarutinik, ilinniartitaanermut aaqqissuusaanik, ilinniartitsinermut pilersaarutinik ilinniarnermilu anguniakkanik malitseqartitsineq,

ilinniartitaanerit inatsisit, nalunaarutit aamma imarsiornermut tunngatillugu piumasaqaatit attuumassuteqartut atuuttut naapertorlugit ingerlanneqarnissaasa qulakkeerneqarnissaat,

ilinniarfiup ilinniartitaanerinik ineriartortitsinermut nutarterinermullu peqataaneq,

ilinniartitsinerup, ilinniartitsisut, ilinniartut ilinniartitaanermilu ingerlatat ataqatigiissaarneqarnerat,

ilinniartitsisut suliamut tunngasumik perorsaanikkullu ineriartornerannik tapersersuineq,

ilinniartut ilinniarnerminni ineriartornerannik, naammassinninnerannik atugarissaarnerannillu malinnaaneq kiisalu ilinniakkamik taamaatitsiinnartarnerup pinaveersaartinnissaanut peqataaneq,

sulinermi misiliinermi, meritimut ilinniartitaanermullu tunngasunut allanut suliassanut peqataaneq,

pitsaassutsimik qulakkeerinninnermut, auditimut aamma oqartussaasunit nakkutilliinermut peqataaneq,

oqartussaasut attuumassuteqartut, imarsiornermik suliffeqarfiit, sulinermi misiliiffiit, ilinniartitaanermik ingerlatsiviit suleqatillu allat suleqatiginerat,

ilinniarfiup periusissatigut ineriartortinneqarneranut peqataaneq aamma ilinniarfiup aqutsisoqatigiivinut ilaasutut atuuffeqarneq.

Atorfimmut atatillugu angalasarnissaq naatsorsuutigineqassaaq.

Piginnaasatigut piumasaqaatit avaqqunneqarsinnaanngitsut

Atorfimmut qinnuteqartutut eqqarsaatigineqassaguit makku piumasaqaataapput:

minnerpaamik fiskeskipper af 1.grad imaluunniit sætterskipperitut ilinniagaq attuumassuteqartoq naammassisimassavat,

pædagogisk grunduddannelse (PG) naammassisimassavat imaluunniit maanna ilinniagaq tamanna ingerlattussaassavat,

kalaallisut oqalussinnaassaatit ilinniartunik, sulisunik suleqatinillu suliamut naleqquttumik attaveqarsinnaassuseqarlutit,

kalaallisut allassinnaassaatit suliamut naleqquttumik qaffasissuseqartumik.

Atorfimmut piumasaqaataavoq avaqqunneqarsinnaanngitsoq qinnuteqartup kalaallisut oqalussinnaanissaa aamma kalaallisut allassinnaanissaa.

Tamatuma saniatigut pingaartippavut, illit:

imarsiornermut tunngasuni misilittagaqarnissat, ajornanngippallu umiartornermi imaluunniit aalisarnermi sulinikkut misilittagaqarnissat,

ilinniartitsinermik, ilinniartitaanermik pilersaarusiornermik imaluunniit aqutsinermik misilittagaqarnissat,

imarsiornermik ilinniartitaanernut piumasaqaatinik ilisimasaqarnissat, ajornanngippallu STCW/STCW-F-imik ilisimasaqarnissat,

ilinniartitaanermi pitsaassutsimik qulakkeerinninneq allakkatigullu pillugit ilisimasaqarnissat,

aaqqissuussaasumik namminersorlutillu sulisinnaanissat, peqatigisaanillu aqutsisoqatigiinni pitsaasumik suleqataasinnaanissat,

suleqateqarnermut attaveqaqatigiinnermullu pitsaasunik piginnaasaqarnissat,

aalajangiisinnaanissat aamma isumaqatigiissutinik suliassanillu malitseqartitsisinnaanissat,

ilinniartoq aamma ilinniarfiup ilinniartitaanikkut ataatsimut ineriartornera isiginiarsinnaanissaat,

ineriartortitsinissamut kajumissuseqarnissat aamma piumasaqaatit pisariaqartitallu nutaat ilinniartitaanermi suliniutinut piviusunngortisinnaanissaat,

IT-mik pitsaasumik piginnaasaqarnissat aamma nalinginnaasumik allaffissornikkut atuisinnaanissat.

Kalaallit Nunaanni inuiaqatigiinni pissutsinik, aalisarnermik imarsiornermillu inuussutissarsiutinik kiisalu Kalaallit Nunaanni ilinniartitaanermut aaqqissuussaanermik ilisimasaqarneq iluaqutaassaaq.

Neqeroorutigaavut

Atorfik pissanganartoq akisussaaffeqarluartorlu neqeroorutigaarput, Kalaallit Nunaanni imarsiornermik ilinniartitaanerit ineriartortinneqarnerannut annertuumik sunniuteqarnissamut periarfissalik.

Suliffeqarfimmi imarsiornermi ileqqutoqqat siunissami ilinniartitaanerit ineriartortinneqarnerannik ataatsimoortinneqartut  suleqataassaatit. Ilinniartunik, inuussutissarsiortunik, oqartussaasunik aamma nunatsinni nunanilu allani suleqatinik qanimut attaveqarneq suliffimmi pingaarutilittut inissisimavoq.

Ilinniartitaanermut pisortatut Imarsiornermik Ilinniarfiup suliamut tunngasumik, perorsaanikkut aamma aaqqissuussaanikkut ineriartortinneqarneranut sunniuteqarnissamut periarfissaqassaatit.

Suliffik: Imarsiornermik Ilinniarfik / Grønlands Maritime Center, Nuuk.

Aningaasarsiatigut atorfinitsitaanermilu atugassarititaasut

Atorfik akissaateqarfimmi LR 36-mi maanna inissisimavoq.  1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 57.531 ukiumullu Kr. 690.372.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. 

Qinnuteqarneq

Qinnuteqaat tunngavilersugaq, CV kiisalu ilinniakkanut piginnaasanullu attuumassuteqartunut uppernarsaatit qinnuteqaammut ilanngunneqassapput.

Fiskeskipper af .1.grad imaluunniit sætteskipperitut ilinniarsimanermut kiisalu pædagogisk grunduddannelse (PG)-mik naammassinnissimanermut imaluunniit maanna ilinniagaqarnermik ingerlatsinermut uppernarsaatit ilanngunneqassapput.

Qinnuteqarfissaq kingulleq: 15. oktober 2026

Atorfiniffissaq: 1. november 2026 imaluunniit isumaqatigiissuteqarnikkut.

Atorfik pillugu paasissutissat annertunerusut uunga saaffiginninnikkut pissarsiarineqarsinnaapput:

Piosrtaq Bent Olesen

Imarsiornermik Ilinniarfik / Grønlands Maritime Center