Kalaallit Nunaata GIS-ianut - Tunngaviusumik paasissutissat aaqqissuunneqartarnerinut - aaqqissuussamut akisussaasoq
Kinaluunniit suleqatigisinnaaviuk aamma Kalaallit Nunaata paasissutissaatai tamaasa aqunnissaanut sapiissuseqarpit?
Uagut tassaavugut inutsialaat suleqatigiit ilinnik suleqateqarusuttut.
Taamaassimappat, atuarnerit nangiinnassavat.
Atorfik qaqutiguinnaq inuttassarsiortagarput pigaarput, tassani pisortat immikkoortortaqarfiisa tunngaviusumik teknikkikkut atortuisa pingaarnerit ilaat ataaseq illit akisussaaffigilersinnaavat – uagut GIS-itta tunngaviusumik paasissutissat aaqqissuunneqartarnerini aaqqissuussaaterput. Tunngaviusumik paasissutissat kommunini, oqartussani aamma qitiusumik aalajangersaariaatsini assigiinngitsuni atorneqartarput. Taamaattumik Aaqqissuussanut akisussaasussarsiorpugut, patajaatsumik ingerlatsinermik qulakkeerinnissinnaasoq, sulianik tamanik takunnissinnaalersitsisoq aamma sulianik pingaartitsilluni periusissianillu tunngaveqarluni ingerlatsinermik inerisaasoq.
Tunngaviusumik paasissutissat qanoq nalunaarsorneqarnissaannik, agguataarneqarnissaannik, atorneqarnissaannillu - ullumikkut aamma siunissami - tassani inissisimallutit piviusumik sunniiffigisinnaassavatit.
Kikkuuvugut?
Digitalinngortitsinermut Aqutsisoqarfik inuiaqatigiit kalaallit digitalikkut siunissami isumannaatsuunissaannut tikkuussisuuvoq aamma digitalikkut aaqqiissutit isumannaatsuunissaannut, assigiissarneqarnissaannut inerisarneqarnissaannullu siuttuulluni. Digitalinngortitsinermut Aqutsisoqarfimmi Kalaallit Nunaata digitalinngorsarnissaanik, Namminersorlutillu Oqartussat IT-qarneratigut ingerlatsineq suliarisarpavut.
Taamaalilluni IT-mik attaveqaatitsinni innuttaasunut namminneq imminnut sullinnissaannut aaqqiissutinik allannguinernik ingerlatsillutalu suliarisarpagut, taamaalillunilu suliassat assigiinngiiaartuussapput.
Kalaallit Nunaata Tunngaviusumik paasissutissaataasa tamarmiusut akisussaaffiginerini suliaq ilaatigut Kalaallit Nunaanni Nunaminertanut nalunaarsuiffiup avitseqatigiissutigineqarneranik aamma najukkat paasissutissartaasa tunngaviusumik nalunaarsuiffianik qulakkeerinnissinnaaneq, aamma nuna tamakkerlugu suliaqartartut suleqatigalugit atortut atorsinnaanerinik inerisarneqarnissaannillu isumagineqartassapput.
Aqutsisoqarfimmi suleqatigiit 30-t missaanniippugut, suleqatigiiginnanngilagut, aammali suliat assigiinngitsut pillugit ikioqatigiittarpugut.
Atorfik pillugu
Aaqqissuussamut akisussaasutut illit sinnerfiliinissamut, ataqatigiissaarinninnissamut aamma GIS-itta tunngaviusumik paasissutissat aaqqissuunneqartarnerinut siuarsaanermut siuttuussaatit. Atuisut, suleqatigisartakkat, kommunit pilersuisullu qanimut suleqatigisassavatit aamma erseqqissumik pingaarnersiukkat aalajangersimasunillu pilersuisoqarnerit pisariaqartitsininnguutsissavatit.
Oqaloqatigiinnermik, suleqatigiinnermik ataqatigiissaarinninnermillu pingaartitsisunik avatangiiseqarneq iluarissavatit. Isit toqqarlugit soqutiginnittut naapittassavatit aamma aalajangikkat piviusumi atorneqarsinnaalernissaat qulakkeertassavatit.
Tunngaviusumik paasissutissat aaqqissuussartaasa imminnut ataqatigiinnerinik paasissutissiineq paasinninnerlu Aaqqissuussamik piginnittutut illit sulininni tunngaviusumik pingaaruteqartorujussuussapput. Soqutiginnittut iluaqutinik ajoqutinillu nalilersuinerisa kingorna kissaatigineqartut illit sulinerni malunnartumik tunngavigineqassapput tamatumalu kingorna piffissaliussap missingersuutitullu isumaqatigiissutigineqartut iluini inerisaanermik qulakkeerinnittoqassalluni. Taamaalilluni pilersaarusiorneq attaveqatigiinnerlu illit suliavit pingaarnersaasa ilagissavaat, tassuunakkummi GIS-p tunngaviusumik paasissutissat aaqqissuussartaasa iluatsittumik atuutilersinneqarneri inerisarneqarnerilu illit qulakkeertartussaassavatit.
Illit imaattuusutit ujarpatsigit...
- Pitsaasumik isumaqarluni sullissiniartoq
- Suleqatigiinnermut pikkorissoq – inunnut ilisarisimasannut inunnullu naapissimanngisannut
- Piumassuseqarluartoq – aamma naak suliassat amerliartortuaraluartut
- Suliniutinik aqutsinermik immaqa misilittagaqartuuvutit – ajornanngippat IT-ip iluani, ammaffigaarpulli
- GIS pillugu immaqa ilisimasaqarputit
- Nutaanik ilikkagaqarusuttoq inunnillu nutaanik naapitserusuttoq
Kalaallit Nunaat ilisarisimanngikkukku
- Inuit naapikkuminartuupput aamma ikiuukkumatuujupput
- Kikkut tamarmik iluatsitsiniassammata ikioqatigiittarpugut – aamma suliffimmi
Imaattussasutut naatsorsuutigaarput:
- Aaqqissuussamik uppernarsaasersuinermillu sulinermik iluaagisaqarani iluarinnittoq
- Sunik tamanik takunnissinnaaneq annaanngikkaluarlugu suliassaqarfinni assigiinngitsuni suleqatigiinnik suleqatiginnissinnaasoq
- Paasissutissat paasiuminaatsut oqaatsit allattorsimaffianik misissortariaarullugit paasinartumik paasissutissiisinnaasoq
- Suleqatinut periusissiatullu anguniakkatsinnut tunniusimasoq
- Kalaallisut, danskisut tuluttullu oqalussinnaallutillu allassinnaallutit
Neqeroorutigaavut
- GIS-imi tunngaviusumik paasissutissat aaqqissuunneqarnerinut aaqqissuussanut akisussaasoq.
- Atorfik aqqutigalugu illit oqartussat suliffeqarfiillu namminersortut assigiinngitsut akornanni atuisut, pilersuisut soqutiginnittullu suliassartaannik ataqatigiissaarinnittassaatit.
- Pilersuisut suleqatigisartakkallu allat immaqa aamma ilanngullugit suleqatigalugit atortut pisariaqartitat pilersaarusiornissaannut malitseqartitsiviginissaannullu suliaqaqqusaasassaatit.
Akissarsiat atorfeqarnermilu atugassarititaasut
Akissarsianut atorfeqarnermilu atugassarititaasunut, taakkununngalu ilanngullugit atorfininnermi soraarnermilu angalanissamut pisattanik nassiussinissamut akiliunneqarsinnaatitaanermik piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissut naapertorlugit pissapput.
Atorfinittussatut piukkunnaateqartoq ukiuni arlalinni misilittagaqareersoq, aalajangersimasumik nalilersuisoqareernerata kingorna immikkut siunnersortitut imaluunniit siunnersortaanertut atugassarititaasut malillugit atorfinitsinneqarsinnaavoq.
Ineqarneq
Atorfimmut atasumik inissaqartitsisoqanngilaq. Qinnuteqartup Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffini pigiinnassavaa. Sulisutut inigisaq atorfeqarnermut atavoq, atorfeqarunnaarnermilu qimanneqartussaassalluni.
Qinnuteqaat oqaloqatiginninnissallu
Qinnuteqarnissamut killigititaq: 29. november 2026. Ingerlaavartumik oqaloqatiginninnerit ingerlatissavagut, naleqquttumillu nassaariarutta atorfinitsitsissalluta. Piaarnerpaamik atorfinitsitsineq – taamaattorli pisattatit poortoqqaartariaqassagukkit utaqqisinnaakuttoorpatsigit.
Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat allat pingaaruteqartut "Qinnuteqaat nassiuguk" toorlugu nassiutikkit. Mailikkut qinnuteqaatinik tigusineq ajorpugut.
Paasisaqarnerorusuppit?
Atorfik pillugu paasissutissat sukumiinerusut IT-eqarnermut pisortamut Nicolai Ramskov Galamba-mut saaffiginnilluni pissarsiarineqarsinnaapput,
oqa. +299 48 21 21-imut, e-mail: nrg@nanoq.gl saaffigalugu pissarsisoqarsinnaavoq
Tunngaviusumik paasissutissat pillugit pilersaarut uani aamma atuarsinnaavat: https://digitalimik.gl/da/lovgivning/grunddataprogrammet
Naalakkersuisut pillugit
Unammilligassanik ujartuiguit aamma sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.
Akisussaaffeqarusunnerunissaq aamma suliatigut piginnaaneqarnissaq, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnat ilusilersornissaannut piginnaaneqarnissat sulianillu ilisimasaqartuunissat pingaartipparput.
Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassai tassaapput, Naalakkersuisut aalajangernissaannut tutsuiginartumik tunngavissinissaat aamma naalakkersuinikkut aalajangikkat piviusunngortinnissaasa qulakkeernissaat.
Namminersorlutik Oqartussat pillugit annerunerusumik atuagaqarsinnaavutit, uani:http://www.naalakkersuisut.gl
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job