Perorsaasoq
Ilulissani innarluutilinnut ulloq unnuarlu angerlarsimaffik Sungiusarfik Ikinngut Perorsaasusmik pissarsiorpoq
Atorfik sapaatip akunneranut akunnerit 40-t nikerartumik suliffiusarpoq, ulloq unnuarlu kiisalu sap. Akunnerit naanerani suliffiusarluni. Atorfik aqqutingalugu aammattaaq piffissani aalajangersimasuni sivikinnerusunilu sullitanik angallassinerit ingerlanneqartarput illoqarfimmi najukkap avataanut.
Sungiusarfik Ikinngut inuusuttunut inersimasunullu ataavartumik timikkut, tarnikkut, silassorissutsikkut aammalu / imaluunniit malugisaqarsinnaanikkut piginnaanikillisimasunut nuna tamakkerlugu ulloq unnuarlu paaqqinniffiuvoq.
Suliassaq pingaarneq tassaavoq najugaqartut ataasiakkaat sapinngisartik tamaat nammineersinnaalernissaat siunertaralugu nakkutigineqarlutillu sungiusarneqassasut.
Angerlarsimaffik pingasunik imikkoortortaqarfeqarpoq, taakkua saniatigut illersugaasumik Sannaveqarpoq iffiorfeerartalimmik.
Perorsaasutut akisussaaffit suliassallu
- Sungiusarfik Ikinngutip perorsaanilerikkut anguniagai kiisalu immikkut ilisimasaqarluni perorsaanilernermi periutsit atugai malillugit sulineq
- Najugaqartut akisussaassuseqartumik isumannaatsumillu isumassornissaat nakkutigineqarnissaallu
- Immikkoortortarisami immikkoortortallu allat akornanni suleqatigiinnermut pitsaasumut tapertaasinnaaneq
- Aaqqissuussamik namminerlu suleriaatsinik nalilersuisinnaalluni sulineq
- Perorsaanilermi anguniakkanut timitaliineq kiisalu suleqatit timitaliinissaanut pitsaasumik sinaakkusioqataasinnaaneq
- Perorsaanilerinermi allattariarsorluni suliassat pitsaasumik suliarisinnaanissaat
Atorfimmut tunngatillugu naatsorsuutigaavut:
- Perorsaasutut ilinniarsimasuunissaq
- Akisussaassuseqarneq
- Suliannut atatillugu tamakkiisumik isiginnissinnaasseqarneq isumassarsiullaqqissuseqarnerlu
- Suleqatikkuminartuunissaq kiisalu suliffinnut tunniusimasuuneq
- Qanilaartuuneq aalajaatsuunerlu
- Timikkut tarnikkullu peqqissuuneq
- Suliniutinut nutaanut ammasuuneq
- Killiliisinnaassuseqarneq
Neqeroorutigaavut:
- Suliffik sunniuteqarluarfiusoq, assigiinngisitaartoq namminersorfiusorlu
- Suleqatit suliaminnut tunniusimasut suliffimmilu avangiisit pitsaasut
- Suliassat pilersaarusiorneranni nammineq sunniuteqarnissamut periarfissalik
- Illoqarfimmi sap.ak. marloriarluni timigissartarfimmi akeqanngitsumik sungiusarsinnaaneq
Perorsaasutut atorfininnissaq 01. november 2026 imaluunniit isumaqatigiissuteqarnikkut kissaatigineqarpoq.
Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititaasut, ilanngullugit sulilernerup nalaani angalanissamut aamma suliffimmit soraarnermi angalanissamut pisinnaatitaaffik kiisalu pigisat nuunnissaannut pisinnaatitaaffik, atorfininnerup nalaani Kalaallit Nunaanni Namminersorlutik Oqartussat aamma kattuffiup pineqartup isumaqatiginninniarsinnaatitaasup akornanni isumaqatigiissut/overenskomst atuuttoq naapertorlugu pissapput.
Inissaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
Paasissutissat allat
Atorfik pillugu paasissutissanik allanik kissaateqaruit uunga saaffiginninnissarnut tikilluaqqusaavutit:
Forstander Cecilie Nikolajsen
Oqarasuaat: 38 94 00
E-mail: cen@ikinngut.gl
Qinnuteqaat ilinniarsimanermut uppernarsaatit, siornatigut atorfigisimasamut takussutissat piumasaqaataapput.
Qinnuteqartut pillagaasimanermut allagartaq tunniutissavaat aamma meeqqanik atornerluisimannginnermut uppernarsaat pissarsiariniarneqassaaq.
Qinnuteqarfissaq kingulleq 18.10.2026.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job