Akileraartarnermut Aqutsisoqarfimmi aningaasaqarnermut immikkoortortaqarfik akileraartarnermut akitsuutinullu siunnertsortimik ataatsimik marlunnilluuniit sulisussarsiorpoq
Akileraartarnermut Aqutsisoqarfik ataatsimik marlunnilluuniit suliaminnik pimoorussilluartunik sullissilluarusuttunillu, allaffissornermi ataatsimut isiginnilluarsinnaasunik 1. januar 2027 imaluunniit isumaqatigiissut naapertorlugu sulilersinnaasunik sulisussarsiorpoq.
Atorfik Nuummi Aningaasaqarnermi immikkoortortaqarfimmi, ullumikkut 22-nik sulisulimmi pingasunillu ilinniartoqarfiusumi inissisimavoq. Ataatsimoorluta aqutsisoqarfiup naatsorsuutai, aningaasanik aqutsinermi aaqqissuussinerit kiisalu akileraarutinik akitsuutinillu akiliisitsinerit, nalunaarutinik nakkutilliinerit akisussaaffigisatta ilagaat.
Akileraartarnermut Aqutsisoqarfimmi suleqatigiinneq, piginnaasaqarneq inuttullu ineriartorneq pingaartitaraavut. Suliassat unammillernarsinnaasut arlaqartut ataatsikkut suliarisinnaassavatit suleqatillu assigiinngitsunik tunuliaqutaqartut suleqatigisinnaassallugit.
Akisussaaffitit
Akileraartarmut Aqutsisoqarfimmi aningaasanik aqutsinikkut qarasaasiatigut atortorissaarutinik ingerlatsinerit nakkutilliinerillu kiisalu akileraarutinik akitsuutinillu akiliisitsinerit pingaarnertut suliassarissavatit. Tassani sulisutut sullissinermi allaffissornermilu ajunnginnerpaamik pitsaassuseqarnissarput qitiusumik suleqataaffigissavat.
Pingaarnertut suliassat:
- Naatsorsuuserineq, naatsorsuutinik inaarsaaneq ukioq akileraarfiusumut inaarsaanerit il.il.
- Ukiumoortumik aningaasanut inatsisissap suliarineranut ikiuunneq.
- § 37 naapertorlugu apeqqutinut akissutissanik suliaqarnernut ikiuineq.
- Ingerlaavartumik, ukiullu sisamararterutaani kisitsisinik kukkunersiuineq.
- Umiarsualivimmiinnermut akitsuutinik, unnuinermi akitsuutinik, nioqqutissanik eqqussuinermi akitsuutinik, immiorfeeqqanullu akitsuutinik il.il. allaffissorneq, kisitsisinik kukkunersiuineq, aammalu naatsorsuuserineq.
- Umiarsualivimmiinnermut akitsuutinik unnuinermullu akitsuutinik nalunaaruteqartussaatitaasunik siunnersuineq oqaloqatiginninnerlu..
- Aningaasanik aqutsinermut qarasaasiatigut atortorissaarutinik misissuineq nakkutiginninnerlu.
- Qaammatikkaartumik akileraarutit naatsorsorneqartarnerini ikiuunneq aammalu peqanngittoqartillugu taartaasinnaaneq.
- Akileraartarnermut akitsuutinullu suliassaqarfinni suliassanut allanut ikiuunneq, soorlu nalunaarsugassat, naatsorsuuserinerit, kisitsisilerineq aammalu misissugassat allat suliarinerinut ikiuunneq.
- Aqutsisoqarfimmi allaffeqarfiit akornanni qarasaasiatigut kisitsisinik tunniussuineq, soorlu naatsorsuuserinermut suliassat assigiinngitsut aammalu kukkunernik iluarsartuussisarnerit.
- Ingerlatseqatigiiffiit iluanaarutaannik taakkunanngalu utertoorutaannik suliaqarneq.
- Piffissani aalajangersimasuni akissarsianik missingersuutinillu aqutsisunut malinnaatitsineq.
- Akiligassiissutinik qarasaasiatigut atortorissaarummi IRIS-imi nalunaarsuineq agguaassinerlu.
- Akileraartarnermut Aqutsisoqarfimmi ilinniartunik ilinniartitsinerni peqataaneq.
- Akitsuutinut tunngasunik allaffissornikkut suliassat, matumani suliassanik ingerlatsineq innuttaasunut suliffeqarfinnullu attaveqarneq ilanngullugit.
- Suliassat suliniutillu assigiinngiiaartut allat.
Pingaarnertut naleqartipparput illit eqqarsartariaatsit. Nammineerlutit suleqatigiinnilu sulisinnaassutsit. Suliassanik piffissaq eqqorlugu naammassinnissinnaanermik anguniagaqarsinnaassaatit aammattaarlu ilikkagaqarnissamut ineriartoqqinnissamullu alapernaatsuullutillu ammaffiginnittuussallutit.
Illit tunuliaqutit
Naatsorsuuserinermik assigisaanillu misilittagaqarnissat kissaatiginarpoq, aalajangiisuunngilarli.
Misilittakkat tunuliaqutitut tulluarsinnaasut piumasaqaataangitsulli:
- Allaffimmiutut ilinniarsimaneq, EVU, NI2, AU, Inuussutissarsiornermi aningaasaqarnermut ilisimatusarneq imaluunniit allamik naleqquttumik
- Naatsorsuutinik suliaqarnermik misilittagaqarneq.
- Qarasaasiaq atorlugu suliaqarnermik misilittagaqarneq ilisimaarinninnerlu.
- Suliffimmi assigiinngissitaarsinnaasumi sulianillu nikerartuni suliaqarnermik nuannarisaqarneq.
- Excel-imut nalunngisaqarneq
- Kalaallit oqaasiinik, qallunaatut tuluttullu piginnaasaqarneq iluaqutaassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job