Akileraartarnermut aqutsisoqarfik nuummi qitiusumi allaffimmi soraarnerussutisianut akileraarusiinermullu suliassaqarfimmi sulisussarsiorpoq.
Kalaallit Nunaanni Namminersorlutik Oqartussat, Akileraartarnermut Aqutsisoqarfik, Innuttaasut inuussutissarsiortullug allaffianni soraarnerussutisianut akileraarusiinermullu sulisussarsiorpoq.
Akileraartarnermut Aqutsisoqarfimmi, Akileraaruserinermut akitsuuserinermullu ulluinnarni ulapaarfiusartumi peqataarusussuseqartumik, innuttaasut inuussutissarsiortullu saaffiginnittarfiani soraarnerussutisianut akileraarusiinermullu suleqatissarsiorpugut Nuummi. Suliassaqarfia suliffiuvoq pissanganartoq suliassanik unammillernartunik peqarluartoq kiisalu sulinermut piginnaasanik ineriartorfiulluarsinnaasoq.
Innuttaasut inuussutissarsiortullu saaffigittarfiani 12-iulluta suleqatigiiuvugut illoqarfinni tallimani siammarsimalluta. Akileraartarnermut Aqutsisoqarfiup akileraarusiinernik inaarutaasumillu naatsorsuutinik inaarsaanernik suliaqartarpugut.
Illit akisussaaffiit
Soraarnerussutisianut akileraarusiinermullu sulisussap ulluinnarni pingaarnertut suliassarivai soraarnerussutisiaqalernissamut ileqqaartussaatitaanermut aammalu akileraarutinut tunngassutilinnik saaffiginnittulerinerit.
- Innuttaasut suliffeqarfiillu e-mailikkut, oqarasuaatikkut ornigullutilluunniit saaffiginnittut kiffartuuttarneri.
- Avammut aqutsisoqarfiullu iluani eqqortumik pitsaasumillu paasititsisarnissaq qulakkeerinneqataaneq.
- Atortunik suleriaatsinillu nutaanik inerisaanermi peqataaneq.
- Nunani allani soraarnerussutisiaqartitsivinnut tapiissutinut qinnuteqaatit suliarineri
- Soraarnerussutisiaqalernissamut aaqqissuussinermut peqataasussaatitaaneq pillugu ukiumoortumik naatsorsuutinik nassiussuinissamut piareersaaneq.
- Soraarnerussutisianik aaqqissuussinermik piffissaatinnagu atorunnaarsitsinermik nalunaarutinik tigusineq naligiissaarinerlu.
- Inuussutissarsiortut ammalu akissarsiortut nammineerlutik nalunaarsugaannik misissuinerit, soorlu akileraarusiineq.
Sullissivimmi nalinginnaasumik makkununnga saaffiginnissutit suliarisaqartarpugut.
- Akileraarutit
- Nioqqutissanik eqqussuinernut akileraarutit
- Sulisitsisunik nalunaarsuutit, allallu.
Pisinnaasaqarfiit piginnaasaqarfiillu:
- TNI-tut.NI-tut, NI 2-tut, AU assigisaannilluunniit ilinniagaqarputit.
- Qarasaasiamik atuisinnaasuussaatit.
- Namminersorlutit, pimoorussillutit akisussaaffeqarluartumik sulisinnaassuseqarputit.
- Sullissinermi nuannarisalik.
- Kalaallisut/danskisullu marlunnik oqaaseqassaatit.
Atuisunik oqarasuaatikkut sullississallutit kajungerissavat. Nutaanik ilinniagaqassallutit soqutigissavat suliassanillu nutaanik suliaqassallutit akunnattoorfigissanagu. Atorfinitsitsinermut atatillugu suliassanut qulaani taaneqartunut ilinniartinneqassaatit. Ataatsikkut arlalinnik suliaqassallutit sapinngisarissavat, akisussaaffeqarsinnaallutillu pilersitsiniarsinnaassallutit, kiisalu aamma suleqateqallaqqissuussallutit, suleqatigiinni assigiinngitsunik sulianut tunngasutigut piginnaasalinnik suleqateqarsinnaassallutit.
Ulloq atorfik aallartiffigineqarsinnaalerfia
Atorfik aallartiffigineqarsinnaalissaaq 1. Decembari 2025-miit isumaqatigiissuteqarnikkulluunniit.
Paasissutissat allat
Atorfik pillugu annertunerusumik paasissutissat Allaffimmi Pisortaq Anders Martinsen-imut saaffiginninnikkut piniarneqarsinnaapput Oqarasuaat toqqaannaartoq 34 65 22, e-mail: anmar@nanoq.gl.
Atorfik Nuummi Akieraartarnermut Aqutsisoqarfimmi inissisimavoq.
Qinnuteqaat ilinniarsimasanut, siusinnerusukkut atorfigisimasanit oqaaseqaatit soraarummeersimanermut uppernarsaatit allallu qinnuteqaammi ilanngunneqassapput ”Qinnuteqarit” toorlugu.
Qinnuteqaatit mail-ikkut nassiussat tigusinnaangilagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job