Qaqortumi Allorfik Kujallermi suleqatigiinnut aqutsisoq sulianut akisussaaffilik
Innuttaasunut aanngajaarniutinik aningaasanoorajunnermillu ajornartorsiuteqartunut allanngueqataarusuppit?
Allorfik Kujalleq 1. januaari 2027-mi isumaqatigiissuteqarnikkulluunniit atorfinissinnaasumik sulianut akisussaaffeqarluni suleqatigiinnut aqutsisutut atorfimmut, tunniusimasumik katsorsaasussarsiorpoq.
Katsorsaalluni sulineq - aamma suliatigut ataqatigiissaarineq, najukkami ineriartortitsineq ulluinnarnilu ingerlatsineq pillugu ikiuunneq - atorfimmi ataqatigiissinneqarput. Kommune Kujallermi najukkami innuttaasunut aanngajaarniutinik aningaasanoorajunnermillu ajornartorsiutilinnut tunngatillugu pingaarutilimmik inissisimassaatit.
Atorfik pillugu
Suleqatigiinnut aqutsisutut sulianut akisussaaffeqarluni suleqatigiinnut aqutsisutut toqqaannartumik innuttaasut sullitissavatit aamma Allorfiup suliatigut aaqqissuussaanikkullu ineriartortinnissaanik suliaqassaatit.
Pingaarnertut suliassatit tassaassapput:
- Innuttaasunik aanngajaarniutinik aningaasanoorajunnermillu pinngitsuuisinnaanngitsunik katsorsaaneq.
- Allorfimmi Pinngitsuuisinnaannginnermik Paasisimasaqarfiup aamma Kommune Kujalliup suleqatiginerisigut najukkami katsorsaanermik suliniuteqarnerup ataqatigiissarneqarnissaanik qulakkeerinninnissaq.
- Aanngajaarniutinut aningaasanoorajunnermullu tunngatillugu pinaveersaartitsinermi suliat paasititsiniaanerullu pilersaarusiorneqarnerannut suliarineqarnerannullu atatillugu ikiuineq.
- Najukkami katsorsaanermi ineriartortitsinermilu suliniutit nutaat atuutilersinneqarneranni ikiuineq.
- Najukkami aningaasatigut atugassanik, pisiniarnermik aamma malittarisassat atuuttut aningaasatigullu killiliussat naapertorlugit missingersuutitigut malitseqartitsinermik isumaginninneq.
- Kommunit suleqatigisartakkallu avataaneersut allat suleqatigineranni Allorfiup Kujalliup najukkami aallartitaatut sulineq.
- Suliatigut pitsaassutsip qaffasissuunissaanik qulakkeerinninnissamut aamma najukkami katsorsaanermi neqeroorutit ingerlaavartumik ineriartortinneqarnissaannik qulakkeerinninnissamut ikiuunneq.
Aqutsisutut ataqatigiissaarinissamillu akisussaaffik
Atorfiup malitsigisaanik najukkami suliniutit ataqatigiissarneqarnissaat ineriartortinneqarnissaallu suliatigut akisussaaffigineqassapput.
Suliatigut akisussaaffik najukkamilu ingerlatsinerup tungaatigut ataqatigiissaarinissaq atuuffimmi pineqarpoq, sulisunulli akisussaaffik pineqarnani. Sulisunik aqutsineq, atorfeqarnermi atugassarititaasut aqutsisullu aalajangiinerat Pinngitsuuisinnaannginnermik Paasisimasaqarfimmi aqutsisunit attuumassuteqartunit isumagineqassapput.
Illit ujartorpatsigit
- Allaffissornikkut aaqqissuussaanikkullu piginnaasalik.
- Katsorsaanermut tunngatillugu soqutigisalik misilittagalilluunniit.
- Attaveqateqallaqqissoq, inissaqartitsisoq isumalluartorlu.
- Innuttaasumik qitiutitsisoq aamma ataqqinnilluni suliamillu ilisimasaqarluarluni sullissisartoq.
- Namminersorsinnaasoq, aaqqissuussaasumik akisussaassusilimmillu sulisartoq.
- Pinngitsuuisinnaannginnermut tunngatillugu suliatigut ingerlaavartumik ineriartorusussusilik.
- Suliassaqarfiit assigiinngitsut akornanni suleqateqarsinnaasoq sulisunullu allanut ilisimasanik ingerlatitseqqissinnaasoq.
- Suleriaatsinut nutaanut ammaffiginnittoq piginnaasanillu ineriartortitserusuttoq.
Isumaginninnermut, perorsaanermut peqqissutsimulluunniit tunngatillugu akunnattumik sivisussusilimmik sivisunerusumilluunniit sivisussusilimmik ingerlariaqqiffiusumik ilinniarsimasuusutit takorloorparput, assersuutigalugu soorlu:
- Aanngajaarniutinik ajornartorsiutilinnik katsorsaasoq
- Isumaginninnermi siunnersorti
- Perorsaasoq
- Ilinniartitsisoq
- Peqqissaasoq
- Pillorissaasoq
- Isumaginninnermi perorsaasutut attuumassuteqartumilluunniit allamik ilinniarsimasoq
Aanngajaarniutinik ajornartorsiutilinnik katsorsaasutut ilinniagaqareersimanngikkuit Peqqissaanermik Ilinniarfimmi (modul 1-6) ilinniarneq neqeroorutigineqartillugu aanngajaarniutinik ajornartorsiutilinnik ilinniarnissat atorfininnermi piumasaqaataavoq.
Ilisimatusarnermi paasisat tunngavigalugit katsorsaariaatsit marluk ilinniarnermi tunngavigineqartut aallaavigalugit Allorfimmi katsorsaasut akornanni suliatigut ataatsimoorussaqarnissaq qulakkeerniarlugu ilinniarnissaq piumasaqaataavoq.
Allorfik Kujalleq pillugu
Kommune Kujallermi innuttaasunik imigassamik, ikiaroornartumik, nakorsaatinik atuinermik aningaasanoorajunnermillu ajornartorsiutilinnik katsorsaanissaq Allorfik Kujallermi neqeroorutigineqartarpoq.
Katsorsaaneq, pinaveersaartitsineq najukkamilu susassaqartunik suleqateqarneq sulinermi pineqarput. Taamaammat kommunip iluani illoqarfinnut nunaqarfinnullu angalasarnissaq naatsorsuutigineqassaaq.
Kajumissuseq pillugu oqaloqatiginninneq (MI) aallaavigalugu aamma inuup nammineq imminut ajornartorsiutiminullu qanoq isumaqarfiginera qitiutillugu katsorsaasoqartarpoq. Pinngitsuuisinnaannginnermik katsorsaanermut tunngatillugu attuumassutilimmik ilinniagaqareersimanngikkuit Allorfik attuumassutilimmik piginnaasanik ineriartortitsinissamik neqerooruteqarumaarpoq.
Allorfiup najukkami katsorsaavii Nuummi Pinngitsuuisinnaajunnaarnermik Paasisimasaqarfiup ataani inissisimavoq, tassani aanngajaarniutinut aningaasanoorajunnermullu tunngasut nuna tamakkerlugu suliniutit isumagineqartarput. Suleqatigiinnut ikioqatigiittunut ilanngutissaatit, tassani ingerlaavartumik siunersiueqateqartarnissamut supervisionertarnissamut piginnaasanillu ineriartortitsinissamut periarfissaqassaatit.
Qinnuteqaat
Qinnuteqaat, ilanngussat attuumassutillit assilineri ilanngullugit "qinnuteqaat nassiuguk" toorlugu nassiutikkit.
Atorfiniffissaq: 1. januaari 2027 isumaqatigiissuteqarnikkulluunniit.
Qinnuteqarnissamut killigitinneqartoq: 11. decemberi 2026, atorfik pillugu paasissutissat sukumiinerusut Efraim Olsenimut, Tlf. 34 14 52 - e-mail: efol@peqqik.gl, imaluunnit Birgit Hansenimut, Tlf. 23 25 50 - e-mail: biha@peqqik.gl, attaveqarnikkut pissarsiarineqarsinnaapput.
Atorfinitsitsinissaq pillugu oqaloqatiginninnerit ingerlaavartumik ingerlanneqarumaarput.
Ineqarneq
INI A/S-imi malittarisassat qaqugukkulluunniit atuuttut malillugit inissiamik innersuussisoqarsinnaavoq.
Akissarsiat atorfeqarnerlu
Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.
Naalagaaffimmi innuttaassuseq
Nunani avannarlerni naalagaaffimmi innuttaassuseqanngikkuit atorfininnermut atatillugu Kalaallit Nunaanni najugaqarsinnaanermut sulisinnaanermullu akuersissuteqarnissat eqqaamassavat. Atorfinitsitsinissaq pillugu isumaqatigiissuteqarnerup kingorna aatsaat taakku pillugit qinnuteqartoqarsinnaavoq.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job