Illit tassaavit qiimaatigalutit – aamma pilersaarutit allanngoraangata - suliniutinik aqutsisinnaasoq? IT-p silarsuaani paatsiveerunnak sumiissusersisinnaavit, immaqalu Nuummi nuannersumi qilammilu ulloriaqartumi tamaasa suliarerusullugit?

Taava illiuvoq ujagarput!

Kikkuuvugut?

Digitalinngortitsinermut Aqutsisoqarfik inuiaqatigiit kalaallit digitalikkut siunissami isumannaatsuunissaannut tikkuussisuuvoq aamma digitalikkut aaqqiissutit isumannaatsuunissaannut, assigiissarneqarnissaannut inerisarneqarnissaannullu siuttuulluni. Digitalinngortitsinermut Aqutsisoqarfimmi Kalaallit Nunaata digitalinngorsarnissaanik, Namminersorlutillu Oqartussat IT-qarneratigut ingerlatsineq suliarisarpavut.

Tassa imaappoq IT-mik attaveqaatitsinni innuttaasut imminnut sullinnissaannut aaqqiissutiniit allannguinerit ingerlatsinerillu suliarisarpagut, taamaalillunilu suliassat assigiinngiiaartuussapput.

Aqutsisoqarfimmi suleqatigiit 30-t missaanniippugut, suleqatigiiginnanngilagut, aammali suliassaqarfiit assigiinngitsut aqqusaarlugit ikioqatigiittarluta.

Suleqatissarput tassaassaaq:

• Pitsaasumik isumaqarluni sullissiniartoq
• Suleqatigiinnermut pikkorissoq – inunnut ilisarisimasannut inunnullu naapissimanngisannut
• Piumassuseqarluartoq – aamma naak suliassat amerliartortuaraluartut
• Suliniutinik aqutsinermik immaqa misilittagaqartuuvutit – ajornanngippat IT-p iluani, ammaffigaarpulli
• Nutaanik ilikkagaqarusuttoq inunnillu nutaanik naapitserusuttoq

Kalaallit Nunaat ilisarisimanngikkukku

• Inuit naapikkuminartuupput aamma ikiuukkumatuujupput
• Kikkut tamarmik iluatsitsiniassammata ikioqatigiittarpugut – aamma suliffimmi

Suliassavit makku ilagissavaat..

• Naalakkersuisoqarfiit tamarmik akornanni suliniutinik aqutsineq
• Nuna tamakkerlugu aamma aqutsisoqarfiup iluani qarasaasiaqarnikkut suliniutinik aqutsinermut ataqatigiissaarinermullu akisussaasuussaatit.
• Suliniutinik misissueqqissaarneq, pilersaarusiorneq aamma ataqatigiissaarineq
• Aaqqissuussanik suleriaatsinillu pitsanngorsaaneq
• Suleqatinik avataaniillu siunnersortinik suleqateqarneq
• Taava aamma uppernarsaaneq

Imaattuussasutit naatsorsuutigaarput:

• Aaqqissuussamik uppernarsaasersuinermillu sulinermik iluarinnittoq
• Sunik tamanik takunnissinnaaneq annaanngikkaluarlugu suliassaqarfinni assigiinngitsuni suleqatigiinnik suleqatiginnissinnaasoq
• Paasissutissat paasiuminaatsut oqaatsit allattorsimaffianik misissortariaarullugit paasinartumik paasissutissiisinnaasoq
• Suleqatinut periusissiatullu anguniakkatsinnut tunniusimasoq
• Ajornanngippat kalaallisut, danskisut tuluttullu oqalussinnaallutillu allassinnaallutit

Suliniuteqarnermut periutsit soorlu Prince2 ITIL-iluunniit misilittagaqarfiginngikkukkit nalorneqinak – piginnaasatit amerlanerulersissallugit kajumissuseqaruit ikiorusuppatsigit.

Neqeroorutigaavut…

• Suliffeqarfik suliatigut aamma inuttut ulluinnarni nalinginnaasumik ineriartorfiusoq
• Suleqatit sulinerminnik ataatsimoornermillu pimoorussisut

Akissarsiat atorfeqarnermilu atugassarititaasut

Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.

Atorfinittussatut piukkunnaateqartumut ukiuni arlalinni misilittagaqareersumut, aalajangersimasumik nalilersuisoqareernerata kingorna immikkut siunnersortimut atugassarititaasut malillugit atorfinitsitsisoqarsinnaavoq Immikkut siunnersortitut ukiuni arlalinni atuuffeqareersimagaanni, siunnersortaanertut atorfinitsinneqarnissamut immikkut nalilersuisoqarsinnaavoq.

Ineqarneq

Atorfimmut atasumik inissaqartitsisoqanngilaq. Qinnuteqartup Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffini pigiinnassavaa. Sulisutut inigisaq atorfeqarnermut atavoq, atorfeqarunnaarnermilu qimanneqartussaassalluni.

Qinnuteqaat oqaloqatiginninnissallu

Qinnuteqarnissamut killigititaq: 30. november 2026. Ingerlaavartumik oqaloqatiginninnerit ingerlatissavagut, naleqquttumillu nassaariarutta atorfinitsitsissalluta. Piaarnerpaamik atorfinitsitsineq – kisianni ukiorsiutissatit poortoqqaartariaqassagukkit utaqqisinnaakuttoorpatsigit.

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat allat pingaaruteqartut "Qinnuteqaat nassiuguk" toorlugu nassiutikkit. Mailikkut qinnuteqaatinik tigusineq ajorpugut.

Annertunerusumik paasisaqarusuppit?

Atorfik pillugu paasissutissat sukumiinerusut IT-eqarnermut pisortamut Nicolai Ramskov Galamba-mut saaffiginnilluni pissarsiarineqarsinnaapput,

tlf. +299 48 21 21-imut, e-mail: nrg@nanoq.gl saaffigalugu pissarsisoqarsinnaavoq

Naalakkersuisut pillugit

Unammilligassanik ujartuiguit aamma sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.

Akisussaaffeqarusunnerunissaq aamma suliatigut piginnaaneqarnissaq, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnaat ilusilersornissaannut piginnaaneqarnissat sulianillu ilisimasaqartuunissat pingaartipparput.

Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassai tassaapput, Naalakkersuisut aalajangernissaannut tutsuiginartumik tunngavissinissaat aamma naalakkersuinikkut aalajangikkat piviusunngortinnissaasa qulakkeernissaat.

Namminersorlutik Oqartussat pillugit annerunerusumik atuagaqarsinnaavutit, uani:http://www.naalakkersuisut.gl