Isumaginninnermi Aqutsisoqarfimmi suliniummik aqutsisoq, Avannaata Kommuniani Ilaqutariinnut Sullissivimmi inissisimasussaq
Kalaallit Nunaanni meeqqanut - inuusuttunut ilaqutariinnullu suliassaqarfimmi suliniutit pitsaanerulernissaannut Avannaata Kommuniata aamma Namminersorlutik Oqartussat ataatsimoorlutik nukittorsarniarpaat, taamaammat tunniusimasumik suliniummik aqutsisussarsiorpugut, matumani siuariartortitsinermut, ataqatigiissaarinermut kiisalu pitsanngorsaanitsinnut arlaliusunut akimorlugit uppernarsaanermut qulakkeerinnissinnaasumik pissarsiorpugut.
Atorfik ulloq 31 december 2027-ip tungaanut killilimmik piffissaligaavoq, tamannalu Avannaata Kommuniata aamma Namminersorlutik Oqartussat akornanni suleqatigiinnissamik isumaqatigiissuteqarnikkut ima qulequtserlugu ”Pitsaaliuineq pitsaanerusoq – inissiinerit ikinnerusut” pilersinneqarpoq. Taamaammat innuttaasut atugarissaarnerannut pingaaruteqarluinnartumik pilersaarusiukkanik ineriartortitsinissamullu qitiutitsisumik suleqataanissamik immikkut ittumik periarfissaavoq.
Ilaqutariinnut sullissivimmi suliniummut aqutsisutut Avannaata kommuniani, Namminersorlutik Oqartussani suleqataasullu allat sulisuisa aqutsisuisalu akornanni qitiusumik attaveqaataassaatit. Suliffeqarfimmi ineriartortuartuusumi allanngorartuusumilu ataavartitsisutut, atuutilersitsinissamik qulakkeerinnittussatut kiisalu aaqqissuussaanermik pilersitsisussatut pingaarnertut inissisimassaatit.
Suliassariumaakkatit
Suliniummik aqutsisoq aqutsinermut tunngatillugu Isumaginninnermut Aqutsisoqarfimmi, Allattoqarfimmi pisortamut qullersaqartuuvoq, atorfik Ilulissani Ilaqutariinnut Sullissivimmi inissisimalluni.
Suliniummik aqutsineq
- Ineriartortitsinermut suliniutinut ataqatigiissaarineq aalajangiinernullu atuutsitsinissanut qulakkeerinninneq
- Pilersaarusiorneq saqqummiussassaliornerlu, matumani suliniummut pilersaarusiornerit, killiffimmut nalunaarusiornerit, nalilersuinerit kiisalu aalajangiinernut tunngavilersuinerit
- Isumaqatigiissutinut, killiffinnut siuariartortitsinernullu malitseqartitsineq kiisalu paasissutissanik misilittakkanillu katersineq
- Ataatsimiititsinernut workshop-itsitsinernullu ataqatigiissaarineq matumani ilanngullugit oqaluuserisassaliornernik imaqarniliornernillu suliaqarneq
- Pilersaarusiornermi, aaqqissuussaanikkut malitseqartitsinikkullu aqutsisunut ikorfartuineq, matumani ilanngullugit qinnuteqaatinut ineriartortitsinermullu suliniutinut nutaanut suleqataaneq
Assigiinngitsuni ataqatigiissaarineq
- Ilaqutariinnut sullissivimmi, ilaqutariit illuinut, Meeqqat illuinut kiisalu inuusuttunut suliniutillit akornanni suleqatigiinnernut ikorfartuineq
- Ineriartortitsinermut suliniutinut assigiinngitsunut ataqatigiissaarineq aammattaaq atuuffinnut naatsorsuutigineqartunullu erseqqissaanissamut qulakkeerinninneq
- Avannaata Kommuniata Namminersorlutillu Oqartussat akornanni suleqatigiinnerisa nukittorsarneqarnerannut suleqataaneq
- Ineriartortitsinermut atuutilersitsinissamullu ikorfartuineq assersuutigalugu ilaqutariinnik siunersioqatigiinnernut, siusinnerusukkut suliniutigineqarsimasunut, ilaqutariinnut katsorsaanernut, angerlartitsiniaanernut, ilaqutariit paarsisartunut suliassaqarfiinut allanullu.
Piginnaasat:
- Qaffasinnerusumik attuumassutilimmik ilinniagaqarsimassaatit bacheloritut – imaluunniit kandidatitut qaffasissusilimmik – kisianni alapernaassuseqarluaruit misilittagaqarluarlutillu attuumassutilinnik taava pitsaasumik periarfissaqarsinnaavutit.
- Suliniutinut aqutsisutut, allaffissornikkut imaluunniit ineriartortitsinernut suliaqarnermut misilittagaqarneq
- Meeqqanut inuusuttunullu suliassaqarfimmi paasisimasaqarneq, assersuutigalugu ilaqutariinnut katsorsaanermi, inissiinissamut tunngasunik suliaqarnermi imaluunniit ilaqutariit paarsisartunut suliassaqarfimmi tunngasunik ilisimasaqarneq
Sulisoq naleqqulluartoq:
Aaqqissuussaasumik sulisinnaavutit, tamakkiisumik isiginnittaaseqarnermik pilersitsinermik nalerisimaffeqartuuvutit allakkatigullu ilisimatitsineq uppernarsaanerlu nukittuffigalugu. Taakku saniatigut suliffeqarfiup iluani avataaniittunillu siammasissumik suleqateqarsinnaavutit, namminersorsinnaassuseqarputit, aallartitserusussuseqartuullutillu malitseqartitsillaqqissuuvutit. Marluinnik oqaaseqartuuguit pitsaaqutaassaaq, kalaallisut qallunaatullu, tamannali piumasaqaataanngilaq.
Suut neqeroorutigaagut?
Atorfininnermi ilaqutariinnut suliassaqarfimmi malunnaatilimmik ineriartortitseqataanissannut periarfissinneqassaatit, suliffeqarfimmi ingerlaavartuusumi peqataalissaatit matumani aaqqissuussaanermik, siuarsaanermik ataqatigiissaarinermillu pilersitsisussatut piginnaasatit pisariaqartissavaat. Sulineq pingaaruteqarluartuullunilu assigiinngisitaartuuvoq, aammattaaq aqutsisut sulisullu qanimut suleqatigilissavatit. Taakku saniatigut ulluinnarni suleriaatsinut ineriartortitsinermullu ingerlatsinernut sunniuteqarnissamut periarfissagissaassaatit, matumani suliatigut ilisimasaqarneq, suleqatigiinneq kiisalu pitsaassuseq annertuumik pingaartinneqartumi peqataalissallutit. Atorfininnermi aamma kalaallit nunaanni kultuuri pinngortitarlu qanimut misigisaqarfiginissaannut periarfissarilissavat, saniatigullu Avannaata kommuniani angalasoqartillugu peqataanissaq periarfissaassaaq.
Piffissaq pilersaarusiorfiusoq
Atorfik piaarnerpaamik inuttalerneqarnissaa kissaatigineqarpoq, atorfillu 31. december 2027-ip tungaanut atuutissalluni tamatumalu kingorna atorunnaarsinneqassalluni. Suliniutip naammassinerani nalilersuisoqassaaq kommunimilu atorfimmik ataavartussamik innersuussisoqarsinnaassalluni. Atorfik Naalakkersuisut aamma Avannaata Kommuniata akornanni suleqatigiinnermut isumaqatigiissut naapertorlugu pilersinneqarpoq, atorfeqartitsinermilu akisussaaffik aqutsinikkullu inissisimaffik Isumaginninnermut Aqutsisoqarfimmi inissisimallutik.
Atorfik pillugu saaffiginninneq
Atorfik pillugu annertunerusumik paasisaqarusukkuit Nielsine Albrechtsen oqarasuaatikkut toqqaannartumik +299 24 25 05 mail: njoe@nanoq.gl saaffigisinnaavat.
Akissarsiat atorfeqarnermilu atugassarititat
Akissarsiat atorfeqarnermilu atugassarititat, matumani atorfininnermi soraarnermilu angalanissamut pisattanik nassiussinissamut akiliunneqarsinnaatitaanermut piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissutit naapertorlugit pissapput.
Qinnuteqartunut piginnaasanik eqqortunik uppernarsarneqarsinnaasunillu pigisalinnik isumaqatigiissutit atuuttut malillugit immikkut siunnersortitut, siunnersortit pisortaattut imaluunniit siunnersortaanertut atorfinitsitsisoqarsinnaavoq.
Ineqarneq
Atorfimmut atasumik inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job