Ilulissani innarluutilinnut ulloq unnuarlu angerlarsimaffik Sungiusarfik Ikinngut Pedelimik pissarsiorpoq

Atorfik sapaatip akunneranut akunnerit 40-t ataasinngornermiit tallimanngornermut nal. 08.00-16.00 suliffiuvoq. 

Sungisuarfik Ikinngut nuna tamakkerlugu ulloq unnuarlu angerlarsimaffiuvoq, inuusuttunut inersimasunullu, timikkut, tarnimikkut, silassorissutsikkut aammalu / imaluunniit malugisaqarsinnaanikkut piginnaasakillisimasunut.

Angerlarsimaffik pingasunik imikkoortortaqarfeqarpoq, taakkua saniatigut illersugaasumik Sannaveqarpoq iffiorfeerartalimmik.

Pedelitut nutaatut Sungiusarfik Ikinngutip ingerlanerani qitiulluinnartumik inissisimalissaatit. Illuutitta avatangiisittalu toqqissisimanartuunissaat, aserfallatsaaliornerat najugaqartunullu sulisunullu tamanut sullissilluarnissat isumagisassavat. 

Pedelip suliassai pingaarnerit

• Aserfallattaaliineq illup iluani silataanilu, annikinnerusunillu iluarsartuussineq.
• Kiassarnermik, silaannarissarfinnillu ulluinnarni nakkutilliineq.
• Ukiukkut aputaajaaneq siorarterinerlu.
• Ulluinnarni suliassat takkuttartut, nioqqutissanik aallerneq, najugaqartunik biiliussineq.
• Qatserutinut qimaaffissianullu nakkutiginninneq.
• Peqqumaasiviit quit nakkutigineri.
• Umiatsiaq, snescooter, illuaqqamullu nakkutiginninneq.Sungiusarfik Ikinngummi siuttunut immikkoortortami aqutsisunut attaveqaqatiginnilluarneq.

Naatsorsuutigaarput atorfinittussaq:

• Suliassanik assigiinngitsunik suliaqallaqqissoq (sanasutut assigisaatulluunniit ilinniagaqarsimasuuguit iluaqutaassaaq, piumasaqaataanngilarli).
• Inussiarnersoq, saaffigiuminartoq, inunnik immikkut pisariaqartitsisunik sullisserusussusilik.
• Namminersorluni sulisinnaasoq, suliassanik takunnissinnaasoq, ukiullu ingerlanerani allanngorartuni paasinnissinnaasoq.
• Biilersinnaanermut allagartaqartoq.
• Pedelitut sulisimanermik misilittagalik.
• Timikkut eqqarsartaatsikkullu peqqissoq.

Neqeroorutigaavut:

• Suliffik sunniuteqarluarfiusoq, assigiinngisitaartoq namminersorfiusorlu.
• Suleqatit suliaminnut tunniusimasut suliffimmilu avangiisit pitsaasut
• Suliassat pilersaarusiorneranni nammineq sunniuteqarnissamut periarfissalik.
• Illoqarfimmi sap.ak. marloriarluni timigissartarfimmi akeqanngitsumik sungiusarsinnaaneq 

Pedelitut atorfininnissaq 01. oktober 2026 imaluunniit isumaqatigiissuteqarnikkut kissaatigineqarpoq.

Akissarsiat atorfeqartitaanermullu atugassarititaasut

Akissarsiat atorfeqartitaanermilu atugassarititaasut, Kalaallit Nunaata Namminersorlutik Oqartussat piffissami atorfiniffiusumi isumaqatigiissutaat/isumaqatigiissutit atuuttut kiisalu kattuffiup isumaqatiginninniarsinnaatitaasup akornanni isumaqatigiissutit malillugit.

Atorfimmut atatillugu inissaqartitsisoqanngilaq

Paasissutissat allat

Atorfik pillugu paasissutissanik allanik kissaateqaruit uunga saaffiginninnissarnut tikilluaqqusaavutit:

Forstander Cecilie Nikolajsen

Oqarasuaat: 38 94 00

E-mail: cen@ikinngut.gl 

Qinnuteqaat ilinniarsimanermut uppernarsaatit, siornatigut atorfigisimasamut takussutissat piumasaqaataapput.

Qinnuteqartut pillagaasimanermut allagartaq tunniutissavaat aamma meeqqanik atornerluisimannginnermut uppernarsaat pissarsiariniarneqassaaq.

Qinnuteqarfissaq kingulleq 21.09.2026.