Ilinniartitsinermik Ilisimatusarfik lektorimik adjunktimilluunniit ilinniartitsinerup pædagogikkillu iluani ilisimatusarsimasumik instituttip ilinniartitsisunngorniarfimmi, masterinngorniarfimmi ilinniaqqiffinnilu allani aammalu universitetspædagogikumimi ilinniartitsinerini ilinniartitseqataasinnaasumik ineriartortitseqataasinnaasumillu pissarsiorpoq.

Atorfinitsitassatut toqqagaasoq Ilinniartitsinermik Ilisimatusarfiup ilisimatusartoqatigiivinut, Kalaallit Nunaannilu ilinniartitsinermik ilinniartitaanermillu ilisimatusarfimmi Iluliami ilisimatusarfigineqartunut ilaalissaaq tamaanilu ilisimatusarfigineqareersunik ineriartortitseqataassalluni. Naatsorsuutigineqarpoq atorfinitsitassatut toqqagaasoq misigisat toqqammavigalugit ilisimatusartassasoq nammineerluni ilisimatusaatitut suliniuteqarluni aammalu instituttimi ilisimatusartut allat suleqatigalugit taamalu Kalaallit Nunaanni ilinniartitsinermi, pædagogikkimi ilinniagaqarnermilu ilisimasaqarfinnik ineriartortitseqataassalluni.

Atorfik inuttalerneqassaaq 1. aggusti 2026 aallarnerfigalugu imaluunniit isumaqatigiissutigineqartoq naapertorlugu.

Ilinniartitsinermik Ilisimatusarfik ilisimatusaatinut ilinniakkanullu assigiinngisitaartunut tunngavissiivoq, 160-it miss. ilinniartoqarluni, 25-nik piffissaq tamakkerlugu sulisoqarluni ph.d.-nngorniuteqartorpaaloqarlunilu. Ilinniartitsinermik Ilisimatusarfik ilinniartitsinermi bachelorinngorniarfeqarpoq (ilinniartitsisunngorniarfik), ilinniartitseriaatsimi, kulturit naapinneranni allanngoriartornermilu masterinngorniarfeqarpoq ilinniaqqiffissaqarlunilu aammalu meeqqat atuarfianni fagini aalajangersimasuni specialpædagogikkimilu pikkorissarfissaqarluni. Ilisimatusarfik tamannattaaq ilisimatusarfiup universitetspædagogikumianut akisussaasuuvoq.

Ilisimatusarfimmi kalaallisut, danskisut (Skandinaviamiusut) tuluttullu ilinniartitsisoqarsinnaavoq.

Illit pisinnaasassatit

• Universitetimi naleqquttumik ph.d.-nngorniuteqarsimaneq, imaluunniit ilinniartitsinerup pædagogikkillu iluani assingusumik ilinniagaqarsimaneq.
• Ilisimatusarnermi, ilinniartitsinermi ingerlatitseqqiinermilu adjunktitut lektoritulluunniit piginnaasaqarneq.
• Pitsaassuseq annertussuserlu aallaavigalugu ilisimatusarnermik ilisimasaqarneq misilittagaqarnerlu aammalu suliaqarfinni taakkunani marlunni pikkorissaanissamut piumassuseqarneq.
• Ilinniartitsisunngorniarfinni universitetspædagogikuminiluunniit tamatigoortumik ilinniartitseriaaseqarluni ilinniartitsinermik misilittagaqarneq iluaqutaassaqaaq.
• Tuluttut saqqummersitsisinnaaneq, aamma kalaallisut imaluunniit danskisut/Skandinaviamiusut ilinniartitsisinnaaneq.

Suliassatit
Tamatigoortumik pædagogikkimi ilinniartitsinermiluunniit ilisimatusarnerup saniatigut suliassavit pingaarnerit ilagissavaat Ilinniartitsinermik Ilisimatusarfimmi ilinniakkani ilinniartitsisarneq. Ilinniartitsinermut atatillugu ilinniartitsisunngorniarfimmik masterinngorniarfimmillu ukkataqartoqarsinnaavoq, tamatumanilu iluaqutaassaaq tamatigoortumik pædagogikkimi meeqqallu atuarfianni fagimut aalajangersimasumut tunngatillugu ilinniartitsisinnaaneq. Aamma universitetspædagogikumimi pisortatut inissisimaffeqartoqalersinnaavoq, tamatumanilu tamatigoortumik universitetspædagogikumi pillugu ilisimasaqarnissaq pisariaqarpoq. Suliassat makkuusassapput:

• Ilinniartitsisunngorniarfimmi (BA), masterinngorniarfimmi, kandidatinngorniuteqarluni pikkorissarfiulersussani aamma/imlt. universitetspædagogikumimi ilinniartitsisinnaaneq. 
• Ilinniartitsinermik Ilisimatusarfimmi ilisimatusaatigalugu suliniutini ingerlanneqartuni peqataaneq aammalu ilisimatusaatigalugu suliniutinik nutaanik Kalaallit Nunaannut naleqquttunik ineriartortitsineq ingerlatsinerlu Ilisimatusarfiup avataaniit aningaasaliiffigineqartunik. 
• Aningaasaateqarteqarfinnut qinnuteqaqataasarneq nunanilu tamalaani suleqatigiiffiusunut peqataasarneq. 
• Bachelorinngornianik, kandidatinngornianik, lektorinillu ph.d.-nngorniuteqartunik siunnersuisarneq soraarummeersitsisarnerlu. 
• Ilinniartitsinermik Ilisimatusarfimmi suleqatitit suleqatigalugit ilinniakkanik ineriartortitsineruneq. 
• Ilisimatusarnermi paasisanik saqqummiussineq atuagassianut suliaqarfimmik paasisimasalinnut aamma Kalaallit Nunaanni tusagassiuutinut ilisimatusarnermi nalinginnaanerusunut tunngasunut aammalu politikkinut tunngasunut. 
• Ilisimasanik inuiaqatigiinnut avitseqateqarneq oqalliseqataanerlu. 
• Suliamut atatillugu naliliisarneq. 
• Allaffissornikkut suleqatinullu atatillugu suleqataaneq

Siunnersuinermik, ilinniartitsinermik modulinillu ataqatigiissaarinermik misilittagaqarneq pingaarnerutinneqarumaarpoq, pingaartumik ilinniartitsisunngorniarfimmik universitetspædagogikkimilluunniit tunngaveqarpat. Taakkua saniatigut Kalaallit Nunaat Issittorlu pillugit ilisimasaqarnissaq piumasaqaataanngikkaluarluni naleqqulluinnassaaq.

Ilisimatusarfimmi ilisimatusarnikkut, ilinniartitsinikkut suleqatigiinnikkullu Issittumik ineriartortitseqataasutut imminut isigivugut. Ilisimatusarfik Nuummiippoq inukitsumiikkaluarluni nunarsuarmioqataaffiusutut misiginarfiusartumi. Ilisimatusarfik angivallaanngilaq ulluinnarni iluaqutaasartumik. Avatangiisivut qasukkarsimaarfiupput, immikkoortortaqarfiit akornanni ilisarisimasaqatigiittarpugut ilinniartortavullu ilisarisimalluartarlugit. Tamakku tunngavigalugit qinnuteqartoq allaffissornikkut suliassanik suliaqarnissamut piumassuseqartariaqarpoq.

Ilisimatusarfik inuiaqatigiinni assigiinngiiaassutsimik ersersitseqataarusuppoq piukkunaateqarluartullu inuiaassuseq, inuttut tunuliaqutaq upperisarluunniit apeqqutaatinnagit qinnuteqaasiornissaannik kajumissaarilluni.  

Adjunktitut lektoritulluunniit atorfinitsitsisoqassaaq, piginnaasat misilittakkallu aallaavigalugit; takuuk ilanngussaq 8.

Qinnuteqaat
Atuarfimmi tunngaviusumi ilinniartitseriaatsinik sammisaqarfiusumi pædagogikkimi lektoritut adjunktitulluunniit atorfinitsitaanissamik qinnuteqaat qinnuteqaaterpiaap saniatigut amerlanerpaamik marlunnik qupperneqassaaq danskisut/Skandinaviamiusut allataassallutik ukuninngalu imaqassallutik:
Attavigisassat/ paasissutissat:
Atorfik pillugu sukumiinerusunik paasisaqarusukkuit, tikilluaqquneqarputit Lektori, ph.d. Lars Demant-Poort oqarasuaat: +299 347402 attavigissallugu imaluunniit Institutimi pisortaq Britta Lohmann oqarasuaat: +299 347392 attavigissallugu. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Naliliisarneq atorfinitsitsisarnerlu
Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani  naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik taassumalu kingorna oqaloqatigineqartussat  qaaquneqarumaarput.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq. Kalaallillu Nunaanni najugaqarnissaq piumasaqaataavoq

Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.  Kalaallillu Nunaanni najugaqarnissaq piumasaqaataavoq

Qaammatini pingasuni misiliilluni atorfeqarneq
Uani atorfimmi qaammatini pingasuni misiliilluni atorfinitsitsisoqassaaq.

Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
 
Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.