Ilinniartut Ineqarfiisa Allaffeqarfianni Allaffimmi Pisortaq
Namminersorlutik Oqartussani suliffik toqqissisimanarnerpaaq ingerlateqqillugu suliffigilerusuppiuk?
Massakkut immikkuullarissumik periarfissaqalerputit atorfik allagarsiunneqarpiarneq ajortumut qinnuteqaammik nassiussinissannik, taamaalillutillu Ilinniartut Ineqarfiisa Allaffeqarfiani sulinerup ingerlaannarnissaanik qulakkeerinninnissamik periarfissaqalerlutit.
Ilinniartut Ineqarfiisa Allaffeqarfiat ingerlatsiviuvoq ilinniartut inaannik tassungalu tunngasunik tamatigoortunik allaffissornikkut ulluinnarnilu ingerlatsiviusoq, taamatuttaarlu ilinniartunik sullissiviusoq tassungalu tunngasunik ingerlatsiviusoq, inatsisit susassaqarfimmi atuuttut malillugit, ataatsimik allaffimmi pisortalik, ataatsimik allaffimmi pisortap tullersortilik, ataatsimik pedelforvalterilik, pingasunik kollegieinspektørilik, marlunnik økonomisk konsulentilik, marlunnik konsulentilik, marlunnik asaasulik, sisamanik pedelilik, marlunnik ilinniartuutilik, ataatsimillu kollegiepædagogilik.
Kontorchefi ulluinnarni sulisunut 16-inut pisortaavoq, ilaannilu aamma allaffimmi ilinniartuuteqarnerni taakkununnga aamma pisortaasarluni.
Inuussutissarsiutinik ilinniarnerni, ingerlariaqqiffiusumik ilinniarnerni, ilaatigullu piareersaataasumik ilinniarnerni atuartut najugaqarfiisut ilinniartut ineqarfii atorneqarput. Tassa Kalaallit Nunaanni ilinniarsimassutsip qaffasissusaanut pingaarutilimmik Ilinniartut Ineqarfiisa Allaffeqarfiat sunniuteqaqataalluni pingaarutilittut inissisimavoq.
Ilinniartut Ineqarfiisa Allaffeqarfiat siammasissorujussuarmik attaveqaataavoq, suleqaterpassuarqarlunilu. Taamaattumik atorfik pissanganartoq namminersorfiusorlu, suliffeqarfimmi suliat assigiinngisitaartorujussuit soqutigisallit assigiinngitsorpassuit suleqatigalugit suliffiulluni.
Illit inuttut piginnaasatit:
Suleqat suliaminut tunniusimalluartoq, eqimattakkaani sulinermik piginnaanilik piumassusilillu, taavalu inerikkiartornermik pingaartitalik ujartorparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermik politikkikkullu sulissinermik suliaqartussaq.
Takorusussinnaavarput:
- Tulluuttumik ilinniagaqartutit, takorusussinnaavarput administrationimi imaluunniit samfundsvidenskabimi, taamatullu ukiuni arlalinni pisortani misilittagaqartutit.
- Qajannaatsumik pisortatut misilittagaqartutit sulinerullu avatangiisaanik pitsaasumik tunniussiviulluartumillu pilersitsisinnaasutit, ullunilu ulapaarfiusuni eqaatsumik tamakkiisumillu isiginnilluni ingerlatsisinnaasoq.
- Suliassaqarfik kalaallinut tulluussakkamik paasinnissinnaassuseqarluartuusutit, paasiuminaassinnaasunillu suliassaqarfiit akimorlugit sulinermik misilittagaqartuusutit.
- Attaveqariutsinik allattariarsornikkut oqalunnikkullu nukittuujusutit, suliallu paasiuminaassinnaasut ersarissumik saqqummiullugit politikkikkut aalajangiisartunut avataaniillu suleqatinut nassuiaasinnaassusilik.
- Kalaallit Nunaanni pissutsinut nalunngisaqartuusutit.
- Kalaallit, danskit tuluillu oqaasiinik oqalussinnaassuseqartutit.
Suliassat aalajangersimasut:
- Sulisunik aqutsineq, tamatumani atorfinitsitsinerit suliunnaarsitsinerillu
- Isumassuilluni aammalu napparsimasoornerni oqaloqateqarnerit, tamatumani suliffimmi atukkat pillugit oqaloqatiginninneq
- Sulinngiffeqarnissanik pilersaarusiorneq, piffissallu suliffiusup ataqatigiissarnera
- Ilinniartut Ineqarfiisa Allaffeqarfiata suliassaqarfiata iluani politikkinik ineriartortitsineq
- Ilinniartut Ineqarfiisa Allaffeqarfiannut ukiumoortumik Aningaasanut Inatsimmi missingersuutigineqartut iluanni aningaasanik missingersuutinillu aqutsineq
- Ulluinnarni naatsorsuutinut ilanngussanik IRIS-imiittunik ingerlatsineq akuerineqarnissaanillu qulakkeerinninneq
- Regnskabsinstruksinik pigisallu nalunaarsuutaannik sananeq
- Aningaasanut Inatsisissamut Siunnersuummut ilassutissanik sananeq
- Avataaneersunik suleqatigisanik isumaqatigiissusiortarnermik ingerlatsineq
- Ilinniartut Ineqarfiisa Allaffeqarfiata ingerlanneqarnerani ineriartortinneqarneranilu pilersaarutinik sananeq ataavartumillu nutarterineq
- Ilinniartut inaannut atortulersuutinik nutaanik pisiniarnerni akisussaasuuneq
- Qanimut avataanilu sullitat ilorrisimaarnissaanik attaveqarfigilluarnissaanillu qulakkeerinninneq
- Ilinniartut Ineqarfiisa Allaffeqarfiata suliassaasa pilersaarusiorneri agguataarnerilu
- Praktikanterisap suliassaanik ataqatigiissaarineq
- Susassaqarfiup iluani inatsisit atuutsinneqarnissaannik suleqataaneq
- Suleriutsinik inerisaaneq, tamatumani procesbeskrivelseliorneq aammalu ilitsersuusiorneq
Atorfimmi nammineerneq, sunniuteqaqataasinnaaneq, akisussaaffilerneqarluni nammineq ingerlatsineq, aammalu suliat allanngorartut neqeroorutigineqarput, taamatullu afdelingschefimik avitseqateqarluni oqaluussisarneq suleqatigiilluarnerlu.
Aningaasarsiat atorfininnermilu atugassarititat
Atorfik akissaateqarfimmi LR 36-mi maanna inissisimavoq. 1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 57.531 ukiumullu Kr. 690.372.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Piffissaq suliffiusoq aallaavik sap.ak. tassaavoq 40t, saniatigullu atorfimmut ukiumut piareersimasussaatitaaneq annertussusilerneqarsimavoq 320t, tassa qaammatit pingasukkaarlugit 80t.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat atorfimmut tunngasut allanut paasititsinertaqanngitsumik Afdelingschef Ilannguaq K. Møller e-mailikkut ilmo@nanoq.gl attavigalugu piniarneqarsinnaapput.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job