IT-supporterit imaluunniit IT-supporteritut ilinniartut sulisunut suleqatinullu pitsaasumik kiffartuusserusuttut
Digitalinngortitsinermut Aqutsisoqarfik suliassanik takkussuuttunik suliarinnittussanik kiisalu sukumiinerusumik sullissisussanik pissarsiorpoq. Qarasaasianut tunngasunik ikorfartuineq Namminersorlutik Oqartussanut tamarmut suliassaqarfiuvoq.
Illiunerpit suleqatinnut IT-nut tunngasunik ajornartorsiortoqartillugu qungujullutit - aamma ulapikkaluaraangavilluunniit - ikiuussinnaasoq, taamaappat pisariaqartippatsigit. Digitalinngortitsinermut Aqutsisoqarfik Namminersorlutik Oqartussani ilaatigullu avataanit suleqatinut pisortallu oqartussaannut allanut ikorfartuillunilu ikiuuttarpoq - sullissisinnaasullu amerlanerit pisariaqartippavut.
Kikkuuvugut?
Digitalinngortitsinermut Aqutsisoqarfik kalaallinut inuiaqatigiinnut siunissami digitalikkut isumannaatsuunissaannut tikkuussisuuvoq kiisalu digitalikkut aaqqiissutinik isumannaatsuunissaannut, assigiissarnissaannut ineriartortinnissaannullu siuttuulluni. Digitalinngortitsinermut Aqutsisoqarfimmi Kalaallit Nunaata digitalinngorsarnissaanik, Namminersorlutillu Oqartussat IT-qarneratigut ingerlatsineq suliaraavut.
Taamaalilluni IT-mik attaveqaatitsinni innuttaasunut nammineq sullinnissaannut aaqqiissutinik allannguinernik aamma qarasaasianik, oqarasuaatinik angallattakkanik il.il. ingerlatsillutalu suliarisarpagut, taamaalillunilu suliassat assigiinngiiaartuussapput.
Aqutsisoqarfimmi suleqatigiit 30-t missaanniippugut, suleqatigiiginnanngilagut, aammali suliassaqarfiit assigiinngitsut aqqusaarlugit ikioqatigiittarluta.
Suleqatissarput tassaassaaq:
- Pitsaasumik isumaqarluni sullissiniartoq
- Suleqatigiinnermut pikkorissoq – inunnut ilisarisimasarnut inunnullu naapissimanngisarnut
- Piumassuseqarluartoq – aamma naak suliassat amerliartortuaraluartut
- Nutaanik ilikkagaqarusuttoq inunnillu nutaanik naapitserusuttoq
- Immaqa siornatigut IT-supportitut misilittagaqartoq suliassanik takkussuuttunik suliarinnittartunut aamma sukumiinerusumik sullissisunut toqqaannartumik aallartissinnaasoq.
Suliassatit ilaatigut tassaapput:
- Maskinanik nutaanik ikkussuineq
- Atuisunngortitsineq
- Uppernarsaatinik suliaqarneq
- Kortinik isissutissanik tunniussineq
- Ajornartorsiutaasinnaasut
- Suleqatit avataaniillu siunnersortit suleqatigalugit
- Toqqorsivimmik aqutsineq
- Allarpassuillu
…taakku tamarmik Nunatsinni aaqqissuussami annerpaamiipput.
VIP-imik pigaartuunermi immikkoortortami paarlakaalluni aaqqissuussami ilaassaatit.
Naatsorsuutigaarput:
- Aaqqissuussamik uppernarsaasersuinermillu sulinermik iluarinnittoq
- Suliassaqarfinni assigiinngitsuni paatsiveerunnani suleqatigiinni suleqataasinnaasoq
- Saaffiginnittunut tamanut ikiuussinnaasoq – aamma saaffiginnissutaannik tigusisinnaasoq suleqammullu eqqortumut ikiuussinnaasumut innersuussilluni
- Suleqatinut anguniakkatsinnullu tunniusimasoq
- Kalaallisut, danskisut tuluttullu oqalussinnaallutillu allassinnaasutit
IT-supportimik misilittagaqanngikkuit ilinniarfissannik neqerooruteqarsinnaavugut - taamaammat misilittagaqanngikkaluarlutit qinnuteqarnissarnut nangaanak, ilinniarnissamut sapiissuseqaruit piumassuseqaruillu naammappoq.
Neqeroorutigaavut
• Suliffeqarfimmi ineriartorneq – sulinermi inuttullu – ulluinnarni ilaalluni
• Suleqatit suliassamik ataatsimoornermillu pimoorussisut
Akissarsiat atorfeqarnermilu atugassarititaasut
Akissarsianut atorfinitsitsinermullu atugassarititaasut atorfinitsitaanerup nalaani Namminersorlutik Oqartussat atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
Qinnuteqaat oqaloqatiginninnissallu
Ingerlaavartumik oqaloqatiginninnerit ingerlatissavagut, naleqquttumillu nassaariarutta atorfinitsitsissalluta. Sapinngisamik piaartumik atorfinissaatit - utaqqisinnaavatsigilli.
Qinnuteqaat, CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput. e-mail-ikkut qinnuteqaatinik tigusineq ajorpugut.
Annertunerusumik paasisaqarusuppit?
Atorfik pillugu paasissutissat sukumiinerusut suleqatigiinni aqutsisumut René Broberg saaffiginninnikkut pissarsiarineqarsinnaapput oqa. +299 34 58 90, rebr@nanoq.gl imaluunniit IT-mi pisortamut Nicolai Ramskov Galamba, oqa. +299 48 21 21, e-mail: nrg@nanoq.gl
Naalakkersuisut pillugit
Unammilligassanik ujartuiguit aammalu sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.
Annertuumik akisussaassuseqarnissat aammalu suliatigut piginnaaneqarnissamik pingaartitsinissat, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnaat ilusilersornissaannut piginnaaneqarnissat sulianillu ilisimasaqartuunissat pingaartipparput.
Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassaa tassaavoq, Naalakkersuisut aalajangernissaannut tutsuiginartumik tunngavissinissaat aamma naalakkersuinikkut aalajangikkat piviusunngortinnissaat.
Namminersorlutik Oqartussat pillugit annertunerusumik atuagaqarsinnaavutit, uani: http://www.naalakkersuisut.gl
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job