IT-ip atortorissaarutai pillugit ikiuisutut ilinniartut suleqatiminnik suleqatigisartakkaminnillu ilikkagaqarusussuseqartut kiffartuusserusussuseqartullu
Digitalinngorsaanermut aqutsisoqarfik IT-ip atortorissaarutai pillugit ikiuisartutut ilinniartussarsiorpoq.
Qarasaasianut tunngasunik ikorfartuineq Namminersorlutik Oqartussanut tamarmut suliassaqarfiuvoq.
Illiunerpit suleqatinnik IT-nut tunngasunik ajornartorsiortoqartillugu qungujullutit - aamma ulapikkaluaraangavilluunniit - ikiuussinnaasoq, taamaassimassappat, immaqa illiuvutit uatsinni IT pillugu ikiuisussatut ilinniartussarput.
Digitalinngortitsinermut Aqutsisoqarfiup Namminersorlutik Oqartussani suleqatini tamaasa ilaatigullu suleqatit avataaniittut pisortallu oqartussaqarfiutai allat ikorfartorlugillu ingerlatsinerinut tapersersortarpai - aamma sullissisinnaasut amerlanerit pisariaqartippavut.
Kikkuuvugut?
Digitalinngortitsinermut Aqutsisoqarfik inuiaqatigiit kalaallit digitalikkut siunissami isumannaatsuunissaannut tikkuussisuuvoq aamma digitalikkut aaqqiissutit isumannaatsuunissaannut, assigiissarneqarnissaannut inerisarneqarnissaannullu siuttuulluni. Digitalinngortitsinermut Aqutsisoqarfimmi Kalaallit Nunaata digitalinngorsarnissaanik, Namminersorlutillu Oqartussat IT-qarneratigut ingerlatsineq suliarisarpavut.
Taamaalilluni IT-mik attaveqaatitsinni innuttaasunut namminneq imminnut sullinnissaannut aaqqiissutinik allannguinernik ingerlatsillutalu suliarisarpagut, taamaalillunilu suliassat assigiinngiiaartuussapput, qarasaasianik, oqarasuaatinik angallattakkanik il.il. ingerlatsillutalu suliarisarpagut, taamaalillunilu suliassat assigiinngiiaartuussapput.
Aqutsisoqarfimmi suleqatigiit 30-t missaanniippugut, suleqatigiiginnanngilagut, aammali suliassaqarfiit assigiinngitsut aqqusaarlugit ikioqatigiittarluta.
Suleqatissarput tassaassaaq:
- Pitsaasumik isumaqarluni sullissiniartoq
- Suleqatigiinnermut pikkorissoq – inunnut ilisarisimasannut inunnullu naapissimanngisannut
- Piumassuseqarluartoq – aamma naak suliassat amerliartortuaraluartut
- Nutaanik ilikkagaqarusuttoq inunnillu nutaanik naapitserusuttoq
- IT pillugu siusinnerusukkut ikiuuttarnermik immaqa misilittagalik.
Suliassavit makku ilagissavaat..
- Maskiinanik nutaanik ikkussuineq
- Atuisunngortitsineq
- Uppernarsaatinik suliaqarneq
- Kortinik isissutissanik tunniussineq
- Ajortittunik ujaasineq
- Suleqatinik avataaniillu siunnersortinik suleqateqarneq
- Toqqorsivimmik aqutsineq
- Allarpassuillu
…taakku tamarmik Kalaallit Nunaanni suliffeqarfimmi annerpaamiipput.
Naatsorsuutigaarput:
- Aaqqissuussamik uppernarsaasersuinermillu sulinermik iluarinnittoq
- Sunik tamanik takunnissinnaaneq annaanngikkaluarlugu suliassaqarfinni assigiinngitsuni suleqatigiinnik suleqatiginnissinnaasoq
- Saaffiginnittunut tamanut ikiuussinnaasoq – aamma saaffiginnissutaannik tigusisinnaasoq suleqammullu eqqortumut ikiuussinnaasumut innersuussilluni
- Suleqatinut anguniakkatsinnullu tunniusimasoq
- Kalaallisut, danskisut tuluttullu oqalullunilu allassinnaasoq - piumasaqaataanngilarli.
IT-supportimik misilittagaqanngikkuit ilinniarfissannik neqerooruteqarsinnaavugut - taamaammat misilittagaqanngikkaluarlutit qinnuteqarnissannut nangaanak, ilinniarnissamut sapiissuseqaruit piumassuseqaruillu naammappoq.
Ilinniarneq Danmarkimut atuariartortarnermik imaqassaaq, nalinginnaasumik qaammatini pingasuni - sisamani sivisussuseqartassalluni - kingornalu Nuummi Digitalinngorsaanermut Aqutsisoqarfimmi qaammatini pingasuni - sisamani ilinniarnermik ilaqartassalluni.
Neqeroorutigaavut
- Suliffeqarfik ineriartortoq – suliatigut aamma inuttut ineriartorfiusoq – ulluinnarni nalinginnaasumik taakku ilaapput
- Suleqatit sulinerminnik ataatsimoornermillu pimoorussisut
Akissarsiat atorfeqarnermilu atugassarititaasut
Digitalinngorsaanermut Aqutsisoqarfillu ilinniarnissamik isumaqatigiissummik tunineqassaatit aamma ilinniarnivit nalaani ilinniartutut akissaateqartinneqassaatit.
Qinnuteqaat oqaloqatiginninnissallu
Qinnuteqarnissamut killigititaq: 31. december 2026 Ingerlaavartumik oqaloqatiginninnerit ingerlatissavagut, naleqquttumillu nassaariarutta atorfinitsitsissalluta.
Ilinniariarluni aallarneq siulleq marts 2027-mi aallartissasoq naatsorsuutigaarput
Danmarkimut ilinniariartortoqartassaaq
Annertunerusumik paasisaqarusuppit?
Atorfik pillugu paasissutissat sukumiinerusut suleqatigiinni aqutsisumut René Broberg saaffiginninnikkut pissarsiarineqarsinnaapput oqa. +299 34 58 90, rebr@nanoq.glimaluunniit IT-mi pisortamut Nicolai Ramskov Galamba, oqa. +299 48 21 21-imut, e-mail:nrg@nanoq.gl saaffigalugu pissarsisoqarsinnaavoq
Naalakkersuisut pillugit
Unammilligassanik ujartuiguit aamma sulinikkut ulluinnarnut sunniuteqarnissat siunissamillu ilusilersuinissat kajumiffigigukku Namminersorlutik Oqartussani atorfininnissat ilinnut tulluuppoq.
Akisussaaffeqarusunnerunissaq aamma suliatigut piginnaaneqarnissaq, pisunik misissueqqissaartuunissat, kiisalu sulisut akornanni allannguisoqarnissaanut piareersimalluartuunissat naatsorsuutigaarput. Tamatuma saniatigut ulluinnaat ilusilersornissaannut piginnaaneqarnissat sulianillu ilisimasaqartuunissat pingaartipparput.
Namminersorlutik Oqartussat Qitiusumik Allaffissuaqarpoq, 650-it sinnerlugit, naalakkersuisoqarfinnut assigiinngitsunut agguarsimasunik sulisulimmik, kiisalu avataani immikkoortortat arlalippassuupput. Sulisut 2500-t sinnerlugit amerlassuseqartunut Namminersorlutik Oqartussanut attuumassuteqarpugut. Qitiusumik Allaffeqarfiup suliassai tassaapput, Naalakkersuisut aalajangernissaannut tutsuiginartumik tunngavissinnissaat aamma naalakkersuinikkut aalajangikkat piviusunngortinnissaasa qulakkeernissaat.
Namminersorlutik Oqartussat pillugit annertunerusumik atuagaqarsinnaavutit, uani:http://www.naalakkersuisut.gl
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job