Inuili – Greenland Food College – Inuussutissalerinermik ilinniarfimmut pisortaq
Nerisassanik inuussutissalerinermillu ilinniartitaanernik aallusserusussuseqarluartumik ujaasivugut
Kalaallit Nunaanni inuussutissarsiornermut ilinniarfiup iluatsilluarnissaanut peqataarusuppit? Akisussaaffippassuaqarneq, aaqqissuussaasumik suleriuseqarneq, aaqqiissutissarsiorneq ineriartortitsinerlu nuannaraagit? Inuili pikkorissunik tunniusimasunik nutaaliortunillu inuussutissarsiornermut ilinniakkanut toqqammaviliinissamut sulialinnik sulisoqarpoq, taannalu pisortamik siumut takorluuisinnaasumik, pilersaarusiorluarsinnaasumik allaffissornikkut aaqqissuussaanikkut inuttullu piginnaasaqarluartumik amigaateqarpoq.
Inuilimi pisortatut ilinniarfimmi aqutsisut allat sulisullu suleqatigalugit, suliassaqarfimmi suliatigut ineriartorneq Naalakkersuisut politikkikkut akuerisaanut ikorfartuisup ingerlannissaa, suliassaqarfinnilu inuiaqatigiinni aaqqissuussinermi unammillerfiunerpaami ilinniarfinnik pilersitsiortornermut aallussinerit akisussaaffigalugit tigussavatit.
Sulisunut tunniusimasunut angusaqarusuttunullu akisussaaffik tigussavattaaq, taakkulu ilinniartuutitsinnut uummateqarluartuupput ilinniartullu tamaviisa nammineq inuttut, inoqatit akornanni inooqataanermikkut suliatigullu ingerlalluarnissaat sulissutigisarlugit.
Sulisut tamarmik ineriartornissaminnut, ilinniartitsinissaminnut kisiannili aamma ilinniarnissaminnut annertuumik piumassuseqarput, taamaammat illit ilinniarfiup kikkunnut tamanut toqqissisimanartuunissaa isumagissavat, tassanilu suliamut piginnaasaqarneq, peqqissaarussineq qiimanerlu pingaarnerpaajussallutik.
Taamaammat ukuninnga piginnaanilimmik pisortassarsiorpugut
- Aqutsinermik sulisoqarnermullu aqutsinermik misilittagalik, ajornanngippat aqutsinermik ilinniagalik aamma aaqqissuussamik aqutseriaaseqarsinnaasumik imminut isigisinnaasoq
- Inuussutissalerinermik ilisimasaqarneq siamasissumillu misilittagaqarneq - suliassaqarfimmut ilisimasaqarluarneq tikilluaqqusaavoq
- Aqutsinikkut aningaasaqarnikkullu piginnaasaqarluartoq aamma aningaasaqarnermi aningaasanillu aqutsinermik, missingersuusiornermillu aaqqissuillaqqissoq
- Ilinniartitsisunut namminersullaqqissunut suliassatigullu immikkut ilisimasalinnut ammasumik, takussaasumik, qajannaatsumik erseqqissumillu aqutsisinnaasoq, sulisunut sammiviliisinnaasoq, soqutiginnilersitsisinnaasoq malitseqartitsilluarnermillu pilersitsisinnaasoq.
- Kalaallit Nunaanni pissutsinut ilisimasalik, minnerpaamik tamaani (Kalaallit Nunaanni) ukiuni tallimani najugaqarsimasoq marluinnillu oqaaseqartuusoq.
- Tamanik peqataatitsisinnaasoq aamma anguniakkanik, piviusorsiorpalaartunik pitsaassusilinnillu anguniagaqartitsisinnaasoq, kiisalu taakkuninnga malitseqartitsisinnaasoq siuariarnissamillu ineriartortitsinissamillu qulakkeerinnissinnaasoq
- Suleqatiginnikkusuttoq suliffeqarfiullu iluani avataanilu patajaatsumik attaveqaatinik pilersitsisinnaasoq siuttuullunilu suliffimmi avatangiisimik pitsaasumik pilersitserusuttoq
- Suliaqarfimmi aalajangikkat inissilluarnissaannut iluaqutaasussamik attaveqarluarsinnaasoq periusissiullaqqissorlu.
- Naleqqussarsinnaasoq, ineriartortitsinissamut, aaqqiissutissarsiornissamut pissutsillu sakkortusigaangata siuttuunissamut nukissaqartoq
- Aaqqissuussaasumik sulisinnaasoq, tunniusimalluartoq tamakkiisumillu isiginnissinnaasoq aamma aaqqiissutissarsiortuutigaluni ineriartornissamullu piareersimaatigaluni akisussaaffippassuaqarsinnaasoq
Peqatigisaanik naalakkersuinermik suliaqartarneq pillugu paasisimasaqarluarsimassaatit - naalakkersuinermik suliaqartunit suliffeqarfik aqunneqartoq illit aquttuuffigilertussaavat, illit suliassaqarfiit ukiuni tulliuttuni aggersuni malugineqaleraluttuinnassaaq taamaattumik Naalakkersuisut tassunga tunngasunik apeqqutaannut siunnersuinissannut piareersimasassaatit.
Taamaammat sapiitsuussaatit aamma makkuninnga sunneeqataassallutit
- Ilinniarfiit avatangiisit isumassarsiorfiusut inuusuttunut kalaallinut kajungerilersitsisussat itisiliineq, nutaaliorneq suleqatigiinnerlu ukkataralugit ineriartortillugit pilersittassavatit
- Kalaallit Nunaanni inuussutissarsiutigalugu ilinniarfinni suliassatigut patajaatsumik avatangiisinik pilersitsinissaq, taamaalilluni sulisinnaasut ilinniarsimasut pitsaasumik qaffasissusilimmik sulisinnaaneri pilersinneqartassapput
- Pikkorissarnissanik ilinniakkanillu neqeroornerit aqqutigalugit ataqatigiinnermik siuariartornissamillu qulakkeerinninneq
- Suleqatigiinneq, ammasuuneq nunatsinnit aamma nunanit allanit soqutiginnittunik peqataatitsinermik qulakkeerinninneq
Akisussaaffik kivitassat angivoq, paarlattuanilli suliffeqassaatit ullut marluk assigiinngisaannartumi, ilinniartitaanermillu suliaqarfimmi assut illit malunnaateqassaatit. Ulluinnatit akisussaaffinnik assigiinngitsorpassuarnik tigusassannik imaqarumaarput. Naalakkersuisoqarfimmit naalakkersuinermillu suliallit ataatsimiititaliaannit arlalinnik piumasaqartoqartarumaarpoq, suliassaqarfimmut aamma sulisoqarnermut tunngasunik apeqquteqartoqartassalluni.
Akissarsiat atorfinitsinneqarnermullu tunngasut
Atorfik akissaateqarfimmi LR 38-mi maanna inissisimavoq. 1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 67.625 ukiumullu Kr. 811.500.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut/pisortanut isumaqatigiissutaasut atorfininnerup nalaani atuuttut naapertorlugit pissapput.
Inissaqarneq
Pisortap atorfeqartitaaneranut atatillugu ineqartinneqarsinnaassaaq. Qinnuteqartup Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Sulisutut inigisaq atorfeqarnermut atavoq, atorfeqarunnaarnermilu qimanneqartussaassalluni.
Paasissutissat allat
Atorfik pillugu paasisaqarnerorusukkuit imaluunniit Namminersorlutik Oqartussani pisortatut sulineq qanoq innersoq pillugu apeqqutissaqaruit ilinniagaqarnermut/ ilinniartitaanermut immikkoortortaqarfimmut Naalakkersuisoqarfimmi immikkoortortaqarfimmi pisortaq Trine Egede +299 55 91 47 imaluunniit treg@nanoq.gl-imut attaviginissaanut tikilluaqqusaavutit.
Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. Mailikkut qinnuteqaatinik tigusineq ajorpugut.
Malugiuk: E-mail-ikkut qinnuteqaatit tiguneq ajorpagut
Kingusinnerpaamik qinnuteqarfissaq 14. december 2026, Isumaqatigiissuteqarluni atorfinitsitsineq
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job