Ilisimatusarfik kantiinamut igaffimmi ikiortimik imaluunniit inuussutissalerinermi ikiortimik pikkorissumik tunniusimasumillu pissarsiorpoq
Ilisimatusarfiup kantiinaani sulisut ullormut inunnut 200-t missaannut amerlassusilinnut - ulluinnarni campus Ilimmarfimmiittartunut – ullaakkut ullup qeqqanullu nerisassiuussisarpoq.
Atorfik januaarip aallaqqaataani 2027 imaluunniit isumaqatigiissuteqarnikkut piaarnerpaamik inuttalerneqarnissaa kissaatigineqarpoq. Sapaatip akunneranut akunnernik 40-inik sulisoqartarpoq, ulluinnarni nal. 7-imiit nal. 15-imut sulisoqartarpoq nikerarsinnaallunili.
Igaffimmi aqutsisoq ataaseq aamma katillugit inuussutissalerinermi ikiortit marluk inuussutissalerinermilu ikiorti ataaseq peqatigalugit ulluinnarni sulisassaatit. Tamatuma saniatigut ataatsimiinnernik ingerlassani nerisaqartoqarnissaanut aamma suliassaqartassaaq - soorluttaaq aaqqissuussanut annernut Ilisimatusarfiup kantiinaa nerisassanik pajuttuisartoq ass. ilasseqatigiinnernut, soraarummeerluni allagartartaartoqarneranut il.il.
Inuussutissanut tamalaanut suliaqarneq atorfimmut suliassanut ilaavoq - kioskip nioqqutissanik peqartinnissaa kantiinap isumagisarpaattaaq. Minnerunngitsumik campusimi eqimattat assigiinngisitaartut qanillugit sulisinnaassaatit, taakkualu tamarmik nerisassat mamaat isikkuilu pillugit isummersortarput.
Immaqa atorfimmi assingusumi misilittagaqarputit isumassarsiatsialannillu taperseerusullutit.
Suliffitsialak Campus Ilimmarfimmiittoq neqeroorutigaarput. Igaffik illup qeqqani inissisimavoq.
Naatsorsuutigaarput:
· Inuussutissalerinermi ikiortitut ilinniagaqarnissat tassungaluunniit assigusumik ilinniagaqarsimanissat
· Ilisimatusarfimmi atuisunut nerisassanik peqqinnartunik allanngorartunillu nerisassiorsinnaasutit
· Aalajaatsuunissat aamma namminersorlutit sulisinnaanissat
· Suleriaaserisariaqakkamik nakkutilliinissaq naapertorlugu eqqiiaasinnaasutit
· Suleqatiginnikkusussuseqartutit
· Ilinniartunut, sulisunut aqutsisunullu kiinneraartuullutillu akuersaartuunissat
Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarputit kantiinami aqutsisoq Lena Bidstrup saaffigissallugu, oqarasuaat: +299 347350-imut sianerlutit.
Ilisimatusarfik pillugu annertunerusumik paasisaqarusukkuit paasissutissat allat atuarsinnaavatit uunga iserlutit www.uni.gl
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
- Ilinniartitsinermik Ilisimatusarfik
- Inuiaqatigiilerinermik, Aningaasaqarnermik Tusagassiornermillu Ilisimatusarfik
- Kulturimik, Oqaatsinik Oqaluttuarisaanermillu Ilisimatusarfik
- Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qaammatini pingasuni misiliilluni atorfeqarneq
Uani atorfimmi qaammatini pingasuni misiliilluni atorfinitsitsisoqassaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job