GUX Nuuk eqqiaasunik akunnermusialinnik 2–3-nik pissarsiorpoq
GUX Nuuk eqqiaasunik akunnermusialinnik 2–3-nik 1. december 2026-mi imaluunniit isumaqatigiissuteqarnikkut atorfinittussanik pissarsiorpoq. Eqqiaasutut atuarfiup ulluinnarni ingerlanneqarneranut peqataassaatit, atuartut sulisullu avatangiisini eqqiluitsuni pitsaasunilu atuarlutillu sulisinnaanissaat qulakkeeqataaffigalugu.
GUX Nuuk Kalaallit Nunaanni ilinniarnertuunngorniarfiit annersaraat, atuartullu 500-t missaanniipput. Atuarfimmi ilinniartitsisut, allaffimmiut, aqutsisut sulisullu allat suleqatigiillutik atuarfiup suliffiullu pitsaasuunissaat anguniarpaat.
Suliassat
- Atuartarfiit ullut tamaasa eqqiarneqartarnerat
- Allaffiit ataatsimoorussamillu atorneqartartut eqqiarneqartarnerat
- Perusuersartarfiit eqqiarneqartarnerat
- Putsorsaat atorlugu eqqiaaneq naternullu asaaneq
- Eqqakkat igikkiartortarnerat
- Qalipaatit qaavisa allallu attorneqartartut allarterneqarlutillu eqqiarneqartarnerat
- Pisariaqartillugu eqqiaanermut suliassat nalinginnaasut allat
Naatsorsuutigaarput illit
- Suliffimmut aalajaatsuusutit piffissamullu takkuttartutit
- Suliannik peqqissaartuusutit akisussaassuseqartutillu
- Nammineerlutit allanillu suleqateqarlutit sulisinnaasutit
- Suliassanut tunngatillugu naleqqussarsinnaassuseqartutit
- Suleqatigiinnermut pitsaasumut suliffimmilu pitsaasumik ataqatigiinnermut peqataasutit
- Eqqiaanermik misilittagaqartutit – iluaqutaassaaq, piumasaqaataanngilarli
Neqeroorutigaarput
- Suliffeqarfik suleqatit assigiinngitsorpassuit akornanniittoq
- Suliffimmi avatangiisit pitsaasut
- Ullut assigiinngisitaartunik eqqiaanermut suliassaqarfiusut
- Atuarfiup sulisuinik allanik pitsaasumik suleqateqarneq
- Akunnermusiaqartitaalluni atorfininneq
Akissarsiat atorfinitsitaanermilu atugassarititaasut
Akissarsiat atorfinitsitaanermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut atorfininnermi atuuttoq naapertorlugu aalajangersarneqassapput.
Qaammatini pingasuni misilitsinneqassaaq.
Ineqarneq
Atorfimmut atatillugu sulisunut inissaqartitsisoqanngilaq.
Qinnuteqarneq
Paasissutissat amerlanerusut rektori Arnannguaq Victoria Christiansen oqarasuaatikkut +299 363396-imut attaveqarfigalugu pissarsiarineqarsinnaapput.
Atorfinitsitsinissamut oqaloqatiginninnerit ingerlaavartumik ingerlanneqassapput.
Qinnuteqaatit CV-mik ilinniagaqarsimanermullu uppernarsaatinik naleqquttunik ilaqartillugu qinnuteqarnermut nittartagaq aqqutigalugu kingusinnerpaamik marlunngornermi 1. december nassiunneqassaaq.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job