Meeqqanut inuusuttunullu ulloq unnuarlu paaqqinniffiit pitsanngorsarnissaat ineriartortitsinerlu pingaartinneqarlutik sulissutigineqartut immikkoortortaqarfimmi pisortatut qitiusumik inissisimaffeqalernissat soqutigigukku atorfik una ilinnut naleqquttuuvoq. 

Ulloq unnuarlu paaqqinniffinnut tunngasuni suliniutinik ineriartortitsinermik pitsaassutsimillu qaffassaanermik siuttuulluarsinnaasumik immikkoortortaqarfimmi pisortassarsiorpugut. Ulloq unnuarlu aamma Innersuussisarnermut Immikkoortortaqarfiup Namminersorlutik Oqartussat meeqqanut inuusuttunullu kiisalu inunnut innarluutilinnut ulloq unnuarlu paaqqinniffiutaasa nuna tamakkerlugu atuuttut qullersaqarfittut aqunneqarnerat, ataqatigiissaarneqarnerat ingerlanneqarnerallu isumagisarai.

Immikkoortortaqarfimmi pisortap Ulloq unnuarlu aamma Innersuussisarnermut Immikkoortortaqarfimmi sulisut kiisalu Kalaallit Nunaanni Namminersorlutik Oqartussat ulloq unnuarlu paaqqinniffiutaanni pisortat toqqaannartumik aqutsinikkut akisussaaffigai.

Immikkoortortaqarfimmi pisortatut Isumaginninnermut Aqutsisoqarfiup pisortaa qullersarissavat, Aqutsisoqarfiullu pisortaqatigiivinut ilaassallutit.

Naatsorsuutigaarput:

• Attuumassutilimmik ingerlaqqiffiusumik ilinniagaqarsimasutit, ajornanngippat perorsaasutut imaluunniit isumaginninnermi siunnersortitut, diplomimik, masterimik imaluunniit kandidatitut
• Aqutsinermik misilittagaqartutit
• Isumaginninnermut tunngasut ulloq unnuarlu paaqqinniffinnullu tunngasut pillugit annertuumik ilisimasaqartutit, kiisalu inuiaqatigiinni isumaginninnikkut suliassaqarfiit pillugit nalinginnaasumik paasinnilluarsimasutit
• Isumaginninnermut inatsisinik ilisimasaqartutit
• Periusissatigut, misissueqqissaarnikkut nutaamillu eqqarsarsinnaasutit
• Inuttut eqeersimaartuusutit, tunniusimasuusutit ineriartortitsinissamillu pingaartitsisutit
• Ulloq unnuarlu aamma Innersuussisarnermut Immikkoortortaqarfimmi siuttuulluarsinnaasutit, kiisalu suleqatit, kommunit kiisalu attuumassuteqartut allat peqataatinneqarnissaat qulakkeersinnaagit
• Immikkoortortaqarfiup suliassaqarfiullu siuariartornissaat ingerlaavartumik ukkatarigit, kiisalu periusissiat akuerineqartut atuutilersinneqarnissaat qulakkeertarit
• Kalaallit Nunaanni inuiaqatigiinnik kulturimillu itisuumik ilisimasaqartutit
• Allattariarsornikkut oqaluttariarsornikkullu kalaallisut qallunaatullu attaveqaqateqarnissamut pitsaasunik piginnaaneqartutit

Suliassatit ilaatigut tassaassapput:

• Ulloq unnuarlu aamma Innersuussisarnermut Immikkoortortaqarfimmi ulluinnarni aqutsineq suliassanillu aaqqissuussineq
• Ingerlatsinermut akisussaaffik kiisalu Namminersorlutik Oqartussat ulloq unnuarlu paaqqinniffiutaasa allaffissornerannik aningaasaqarnikkullu ikiorneqarnerannik tapersersuineq
• Paaqqinniffinni pisortanut, suleqatinnut suleqatigisartakkannullu isummersoqataalluartarnissaq, kiisalu Aqutsisoqarfimmi anguniakkat suliassallu aalajangiunneqartut tapersersornissaat naammassineqarnissaallu

Isumaginninnermut Aqutsisoqarfik pillugu
Isumaginninnermut Aqutsisoqarfik Meeqqanut, Inuusuttunut Ilaqutariinnermullu Naalakkersuisoqarfiup ataanni aqutsisoqarfiuvoq tallimanik immikkoortortalik: Paarisa, ulloq unnuarlu meeqqat inuusuttullu paaqqinnittarfiinik, sullissisunik siunnersuisarfik,  aningaasaqarnermut immikkoortortaq aamma allattoqarfik. Immikkoortortaqarfiit qanimut suleqatigiittarput aamma ilinniagaq aallaavigalugu suliat amerlasuut suliffimmi tassani unammillernartorpassuaqartarput.

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Isumaginninnermik Aqqqutisoqarfik uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Isumaginninnermik aqutsisoqarfiup uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Isumaginninnermik Aqqqutisoqarfimmiit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Piffissaq
Sukkanerpaamik  

Qinnuteqarfissaq kingulleq tassaavoq tallimanngorneq ull. 12. oktober 2026 nal.12.00 (Kalaallit Nunaata nalunaaqutaa malillugu)  
Sulilersitsinissamut oqaloqatiginninnerit ingerlaavartumik ingerlanneqarsinnaapput imaluunniit qinnuteqarfissap kingulliup qaangiunneranit kinguninnguani.

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.  1. april yyyy LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 64.048 ukiumullu Kr. 768.576.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut
Atorfik pillugu itinerusumik paasisaqarnerorusukkuit Aqutsisoqarfimmi pisortaagallartoq Lene Rohmann Hansen lrh@nanoq.gl imaluunniit +299 553334 attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
 
E-mail-ikkut qinnuteqaatinik tigusineq ajorpugut.