Innaallagissiornermut Oqartussat innaallagissiornermut nakkutilliisoq initalik
Innaallagissiornermut Oqartussat innaallagissiornermut nakkutilliisussarsiorpoq
Innaallagissiornermut Oqartussat Nuummi qitiusumik innaallagissiornermut gassimullu allaffeqarfianni sulisussamik innaallagissiornermut nakkutilliisussarsiorput.
Suliassat assigiinngisitaartuupput. Tassaasinnaapput nuna tamakkerlugu nakkutilliinermi suliassat, sulianik malinnaatitsitsinerit imaluunniit allaffissornermi suliassat.
Nammineerlutit suleqateqarlutillu suliassatit suliarisassavatit. Angalangaatsiartarnissaq naatsorsuutigisariaqarpoq.
Innaallagissiornermut Oqartussat Nuummi qitiusumik allaffeqarput.
Innallagissiornermut Oqartussat immikkoortortaavoq Avatangiisinut, Pinngortitamut, Nukissiuteqarnermut ilisimatusarnermullu Naalakkersuisoqarfimmut atasoq, Kalaallillu Nunaanni nakkutilliisoqarfiulluni namminersortoq, pingaarnertut akisussaaffigalugit innaallagissamik gassimillu isumannaallisaanerit. Allaffissornermut tunngasuni Innaallagissiornermut Oqartussat Avatangiisinut, Pinngortitamut, Nukissiuteqarnermut ilisimatusarnermullu Naalakkersuisoqarfimmut atasuupput.
Innaallagissiornermut Oqartussat Sanaartukkat innaallagissamut sakkortuumut atugassat atortullu innaallagiatortut pillugit Inatsisartut peqqussutaat nr.12, 3. novembari 1994-imeersoq naapertorlugu aqutsinermik isumaginnittuupput. Innaallagissiornermut Oqartussat taassuma ataani sanaartukkat ikkussukkallu misissorneqartarnissaat nakkutigineqarnissaallu isumagisassaraat.
Innaallagissiornermut Oqartussat Inatsisartut peqqussutaat malillugu piginnaatitaaffigaat innaallagissamoortunik ikkussuinerit atortunullu innaallagissamoortunut malittarisassanik aalajangersaasarnissartik aammalu piginnaatitaaffigalugit suliffeqarfinnut akuersissummik tunineqarsimasunut imaluunniit akuersissummik piniarlutik qinnuteqartunut isumannaallisaanermik pitsaassutsimillu aqutsinissat pillugit malittarisassanik aalajangersaanissaq, tassunga ilanngullugit taakkununnga uppernarsaatinik piumasaqartarnissat kiisalu taakkuninnga akuersisarnissat. Innaallagissiornermut Oqartussat aamma isumagisassaraat sanaartukkat, atortut gassitortut misissorlugillu nakkutiginissaat, taakkununnga ilanngullugit akuersissuteqarnerit, gassileriviit, gassinut atortut aamma akuersissuteqarnissamut piumasaqaatit pillugit Inatsisartut inatsisaat naapertorlugu.
Suliassaraatit:
- Pilersaarusiorneq, allaffissorneq nakkutilliisutullu Kalaallit Nunaanni tikeraartarnissat
- Innaallagissiortutut suliffeqarfinni isumannaallisaanermik pitsaassutsimillu aqutsinernik (SKS-A aammalu SKS-D) nakkutilliinerup aaqqissuuttarnissaa nakkutilliisutullu misissuisarnissat
- Innaallagissiornermut Oqartussat saqqummersittagaannut ilanngutassiortarnissat kiisalu innaallagissamik isumannaatsuunissaa pillugu innuttaasunik paasisitsiniaanermut peqataanissat
Kalaallit Nunaanni ikuallannerit innaallagissamik peqquteqartut ajutoornerillu pillugit Innaallagissiornermut Oqartussaasut nunani avannarlerni nunarsuarmioqatigiinnilu kisitsisinngorlugit paasissutissiisarnerinut misissuisarnerinullu peqataanissaq
- Paasissutissiilluni sulianik ataqatigiissaarinerit, tassunga ilanngullugit atortunut innaallagissamoortunut malittarisassanik, tunuliaqutaannik aalajangersakkanillu ilisimasaqarnerulernissaq anguniarlugu siaruarterineq. Aamma malittarisassat atuuttut allannguutissaat pillugit tapiliutassaannik suliaqarnerit.
Piginnaasassatit:
- Innaallagissiortutut ilinniagaqarsimassaatit ikinnerpaamillu ukiuni tallimani taamatut sulinermi misilittagaqartuussallutit.
- Taakkua saniatigut innaallagissamoortunik ikkussuisartutut/ingeniøritut/maskinmesteritut ilinniarsimasuusinnaavutit innaallagisserisutullu akuersissummik peqarlutit.
- Teknikkimut tunngasunik nalunaarusiornissat sungiusimavat.
- Pissutsikkut suleriaatsinnilu nammineersinnaasuuvutit, pingaarnersiuisinnaasuullutit taavalu oqaloqateqarlutit allallutillu attaveteqarsinnaalluartuullutit.
- Inussiornisaartuuvutit suleqateqallaqqissuullutillu atuisullu assigiinngitsorpassuusut kiffartuulluarsinnaavatit
- Arlalinnik oqaaseqartuuvutit – kalaallisut, danskisut tuluttullu. (Danskisut oqalussinnaaneq piumasaqaataavoq)
- F-gassinut ikkussuinermut ilisimaqarneq iluaqutaassaaq.
Neqoroorutissaraagut:
- Suliffeqarfik pikkorissutsimik atuiffiusoq pimoorussisumillu pissusilersorfiusoq.
- Atorfik pissanganartoq namminersorfiusorlu, ullut tulleriit assigiinngisaannartut ulluinnarnilu suliassanut sunniuteqarluarsinnaaneq.
- Suliffimmi avatangiisigissaarneq ineriartornissamullu periarfissagissaarneq, inuttut suliamullu tunngatillugu.
- Suleqatissat peqatigiilliartut, tunniusimasut pimoorussisullu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Atorfik pillugu paasisaqarnerunissaq:
Atorfik pillugu sukumiinerusumik paasisaqarusukkuit attaveqarfigisinnaavat Inaallagissiornermut nakkutilliisoq Jane Lynge Hansen Oqarasuaat +299 349300 sianerfigalugu imaluunniit mailianut jlh@elmyndighed.gl -imut allaffigalugu.
Innaallagissiornermut Oqartussat pillugit paasissutissat allat uani atuarsinnaavatit: www.elmyndighed.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job