Digitalimik Isumannaallisaanermi Inatsisilerisuuneq

Kalaallit Nunaanni digitalimik isumannaannerulernissaq pillugu suleqataagit

Inatsisilerituujuit inatsisit atuutsinnissaannik sulinermik nuannarisaqarlutit? 

Aalajangiisartunut siunnersuisinnaavit, ajornartorsiutit pisariusut suunersut aamma ersarissarsinnaallugit aammalu inatsisit inunnut inatsisinik oqaluuserinnissinnaanngitsunut paasinarsisissinnaallugit?

Kalaallit Nunaanni cyberimi paasissutissanillu isumannaallisaanerup iluani ineriartortitserusuppit pitsanngorsaallutillu. Suliffeqarfimmilu piginnaasat, suleqatigiinneq inuiaqatigiinnilu akisussaanermik ingerlatsiffiusumi sulilerusullutit?

Taava immaqa illit Digitalinngortitsinermi Aqutsisoqarfimmi Cyberimi paasissutissanillu isumannaallisaanermi inatsisilerisuunertut ujartorpatsigit.

Kikkuuvugut?

Digitalinngortitsinermut Aqutsisoqarfimmi Kalaallit Nunaanni inuiaqatigiinni digitalimik siunissaq siunnerfigalugu sulissutigaarput, aammalu digitalimik aaqqiissutinik isumannaatsunik assigiissaakkanillu inerisaanissaq siuttuuffiginiarlutigu. Kalaallit Nunaanni digitalinngortitsinermik suliaqarpugut aammalu Naalakkersuisuni qarasaasiaqarnermi atortut ingerlanneqarsinnaanissaat inerisarnissaallu suliaqarfigalutigu.

Digitalimik inerisaanermi cyberimi paasissutissanillu isumannaallisaaneq pingaarutilittut inissisimavoq. Taamaattumik inuiaqatigiinni paasissutissat mianernartut, digitalimik aaqqiissutit pisortaqarfinnilu paasissutissanik passusseriaatsip iluani isumannaallisaanerup pitsanngorsaaffigineqarnissaa sulissutigiuarparput.

Suleqatigilissagutsigut aqutsisoqarfimmik 30-t missaannik aallussisunik sulisoqarfiusumi sulilissaatit, tassani suliassaqarfiit akimorlugit sulisarpugut, ilisimasanik avitseqatigiittarpugut ulluinnarnilu ataatsimut aaqqiissuteqarnissaq nalinginnaasuulluni.

Atorfik pillugu

Inatsisilerisuunertut sulinermi Kalaallit Nunaanni cyberimi paasissutissanillu isumannaallisaanerup iluani inerisaanermi atuutsitsinermilu pingaarutilittut inissisimassaatit. Immikkoortortaqarfiup iluani suliassaqarfiup iluani inatsisilerituutut immikkut ilisimasalittut inissisimassaatit, illillu aqutsisunut, pisortaqarfinnut suleqatigisartakkanullu siunnersuisuussaatit pingaarutilik.

Atorfik aqqutigalugu suliassaqarfimmi inatsisilerinerup, teknologip inuiaqatigiinnilu isumannaallisaanerup naapiffianni, ineriartupiloorfiusumi sunniisinnaassuseqassaatit.

Ilaatigut suliarisassavatit:

• Cyberimi paasissutissanillu isumannaallisaanerup, paasissutissanik illersuinerup digitalimillu ingerlatsinerup iluani inatsisitigut siunnersuineq.
• Politikkinik, malittarisassanik isumannaallisaanerullu iluani piumasaqaatinik suliaqarneq, nalilersuineq nutarterinerlu.
• Inatsisinik malittarisassanillu suleriusinngortitsineq periusinngortitsinerlu.

• Digitalinngortitsinerup iluani suliniutit pillugit inatsisitigut isumasioqatigiinneq siunnersuinerlu.

• Inuiaqatigiinni navianaataasinnaasunik nalilersuineq aammalu inatsisinik piumasaqaatinillu malinnittoqarnissaanik qulakkeerinninneq.
• Piffissap ingerlanerani isumannaallisaanerup iluani officerinngussaatit.

• Pisortaqarfinnik, suliffeqarfinnik suliffeqarfiullu avataaniittunik suleqatigisartakkanik suleqatiginninneq.
• Allakkianik, aalajangernissamut tunngavissianik inatsisitigullu nalilersuinernik aqutsisunut aalajangiisartunullu suliaqarneq.
• Inatsisitigut isumannaallisaanermiluunniit ajornartorsiutaasinnaasut pillugit ilinniartitsineq, ilitsersuineq paasissutissiinerlu.
• Kalaallit Nunaanni ataatsimut cyberimi paasissutissanillu isumannaallisaanerup iluani ineriartornissamut suleqataaneq.

Ujartugarput:

• Inatsisilerinerup iluani ilinniarsimasuussaaq, ajornanngippat cand.jur., kisianni aamma bach.jur.-llit ammaffigisinnaavagut.
• Inatsisit pillugit siunnersuinermik, sulianik ingerlatsinermik inatsisinillu atuaanermik suliaqartassaaq.
• Paasissutissanik isumannaallisaaneq, paasissutissanik illersuineq, digitalinngortitsineq imaluunniit pisortaqarfinni aqutsineq pillugu suliaqarusussuseqassaaq.
• Ataqatigiissaakkamik sulisinnaassaaq, sulianilu imaannaanngitsuni suliassat suunersut ilisimaarisinnaassallugu.
• Namminersorluni akisussaassuseqartumik sulisinnaassaaq, aammali suleqatinik soqutigisalinnillu qanimut suleqateqarsinnaassalluni.
• Alapernaatsuussaaq, aaqqiissutinik ujartuisinnaasoq aammalu suliassaqarfimmi ineriartortitsisumi inerisaanissamut sulerusussuseqassalluni.
• Suliassat inatsisilerinermi imaannaanngitsut ersarissumik paasinartumillu paasissutissiissutigisinnaassavai.
• Suleqatikkuminartuussaaq kiffartuusserusussuseqassallunilu.

Iluaqutaasinnaavoq kalaallisut qallunaatullu allakkatigut oqalunnikkullu attaveqarsinnaaneq, piumasaqataanngilarli.

Neqeroorutigisinnaavarput

• Kalaallit Nunaanni cyberimi paasissutissanillu isumannaallisaanerup iluani ineriartortitsinermi pingaarutilittut inissisimaneq.
• Suliassaqarfiup inuiaqatigiinnut pingaaruteqaqisup iluani sunniisinnaaneq.
• Suliffeqarfik pikkorissunik aallussisunillu suliffigineqartumi sulilerneq.
• Ilisimasat iluanni ineriartorsinnaaneq immikkullu ilisimasaqalersinnaaneq.
• Suliassaqarfimmi pissanganaqisumi inatsisilerinerup, teknologip inuiaqatigiinnilu isumannaallisaanerup naapiffianni sulisinnaaneq.
• Suliassat pillugit nammineq akisussaaffeqassaatit sunniisinnaallutillu.
• Suliffeqarfimmi sulinerup iluani inuttullu piginnaasat ineriartortinneqarnissaannut aallutaqarfiusumi sulineq.

Allanngueqataagit

Inuiaqatigiit nutaaliaasut digitalimik ingerlasinnaassappata cyberimi paasissutissanilu isumannaallisaaneq pingaaruteqartorujussuuvoq. Cyberimi paasissutissanillu isumannaallisaanermi inatsisilerituunertut inissisimanermi inatsisitigut sinaakkutit, Kalaallit Nunaanni digitalimik aaqqiissutinik pilersitsiniarnermi aammalu inuiaqatigiinni paasissutissanik illersuinissamut pisariaqartinneqartut, pilersinnissaannut suleqataassaatit.

Ataatsimoorluta Kalaallit Nunaata digitalimik isumannaannerusumik patajaannerusumillu tunngaveqarnissaa pilersissavarput.

Apeqqutit 

Atorfik pillugu paasisaqarusukkuit, Immikkoortortami pisortaq Ivalo Didriksen mailikkut ugguuna: ivdn@nanoq.gl attavigisinnaavat.

Qinnuteqarfissaq

Qinnuteqarnissamut periarfissaq kingulleq 27.11.2026

Atorfininnermut atugassarititaasut

Atorfininnissamut naatsorsuutaavoq sillimaniarneq pillugu akuerineqarnissat atorfeqarnerillu tamakkerlugu isumannaallisaaneq pillugu akuersissutip attanneqarnissaa.

Akissarsiat atorfeqarnermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfiup 1. januar 2027-mi imaluunniit isumaqatigiissuteqarnikkut inuttalerneqarnissaa kissaatigineqarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Digitalinngortitsinermik Aqutsisoqarfik pillugu 

Digitalinngortitsinermut Aqutsisoqarfimmi siunissami digitalimik atuineq isumannaatsoq 

anguniarneqarpoq, aqutsisoqarfimmiillu inuiaqatigiit digitalimik aaqqissuussanik isumannaatsumik assigiissakkanillu atuisinnaanissaat qulakkeerniarneqarluni. 

Digitalinngortitsinermik Aqutsisoqarfimmi Kalaallit Nunaanni aammalu Namminersorlutik 

Oqartussaqarfimmi IT-qarnermi atortunik digitalinngortitsinermik suliaqartarpugut. Aqutsisoqarfimmi suliassaqarfiit assigiinngillat, aqutsisoqarfiullu suliassaannut naatsorsuutit aamma assigiinngitsuullutik. 

Kalaallit Nunaanni digitalinngortitsinermik suliaqarnerput tulluusimaarutigeqaarput, suliarlu maniguulluta suliaralutigu. Suliassat suliarinissaannut ilisimasaqartariaqarlutalu piginnaaneqartariaqarpugut, tamannalu ulluinnatsinnik ulapaartitsillunilu allanngorartitsivoq. Ulluinnarni sulisut naammagisimaarinninnissaat anguniarlugu suliat pillugit inuttullu assigiinngissutsit ataqqillugit suleqatigiinneq qitiutillugu sulivugut – sulianillu pitsaasumik naammassinninnissaq ukkataralutigu. 

Aqutsisoqarfik nunalu tamakkerlugu digitalinngortitsinermut periusissiaq digitalimik.gl aqqutigalugu paasisaqarnerusinnaavutit.