Allaffissornikkut atorfilittaq attaveqatigiilerisinnaasoq
Kalaallit nunaanni utoqqaat atugaasa nukittorsarneqarnissaanut inuuniarnikkullu atugarisaannut nukittorsaaqataarusuppit.
Utoqqaat pillugit oqaaseqartartup allattoqarfia allaffissornikkut atorfilittamik tunniusimasumik namminersorsinnaasumik, attavigiilerinermik piginnaasaqarluartumik septemberip 1-ani 2026 piffissalikkamut, imaluunniit isumaqatigiissuteqarnikkut sulilersinnaasumik suleqatissarsiorpoq.
Sumiiffigisami atorfik ingerlanneqassaaq. Utoqqaat pillugit oqaaseqartartoqarfik pitsaasunik misilittagaqarluarpoq, digitalit atorlugit amgerlarsimaffigisamiit sulinermik ingerlatsinermik.
Sulisussarsiorpugut, kalaallisut qallunaatullu oqaatsitigut allattariarsornernillu pisinnaasalimmik, utoqqaat pillugit soqutigisaqartumik, ulluinnarnilu allaffissornikkut suliassanik attaveqatigiilerinermi ataqatigiissaarinermik sungiusimasaqartumik.
Suliassatit
Allaffissornikkut atorfeqartitatut makkua ilaatigut suliassaassapput:
- Utoqqaat atugarisaanni akimmissaartutit pillugit, utoqqarnik qanigisaannillu oqaloqateqarneq, siunnersuineq ilitsersuinerlu
- Utoqqarnik qanigisaannillu oqaloqateqareernermi allagaasiorneq
- Sulianik malitseqartitsineq, Inatsisit, nalunaarutit, ammalu najoqqutassat naapertorlugit
- Kommunit ingerlatsiviinut, utoqqalinersiat pillugit, utoqqaat illuinut nuunnissamut, il.il attaveqarneq
- Utoqqaat pillugit nalunaartussaatitaanermi nalunaarusiorneq
- Kommunit ingerlatsiviinut, Naalakkersuisoqarfinnut allanullu pisortatigoortumik allagaqaatinik suliaqarneq
- Nutaarsiassanik, tusagassiuutitigut nalunaarutinik oqallissaarutinillu suliaqarneq
- Utoqqaat pillugit oqaaseqartarfiup nittartagaa nutarterineq
- Utoqqaat pillugit oqaaseqartartoq peqatigalugu utoqqaat atugaat pillugit oqallissaarutaasinnaasunik suliniuteqarneq
- Tusarniutinik akissutissanut missingiusiorneq
- Tusagassiutinut attaveqarneq aammalu suleqatinut avataaneersunut attaveqarfigisarnerinut ataqatigiissaarineq
- Paasisassarsiorluni angalanissanut ataqatigiissaarineq
- Avataani suliaqartitanut suliakkiussani ataqatigiissaarineq
Pisinnaasassat
Makku ilinniit naatsorsuutigaavut:
- Allaffissornikkut misilittagaqarneq, aammalu inatsisinik akimmiffiusinnaasunillu ilisimasaqarneq
- Oqaatsitigut, allakkatigut attaveqatigiittarnermi piginnaasaqarluarneq
- Namminersorluni eqaatsumik ammalu unammillernartuni sullisinnaalluarneq
- Namminersorsinnaalluarneq, aaqqiissussilluarsinnaasoq, akisussaassuseqarluartoq
- Nutaaliorsinnaassuseqartoq, tunniusimasoq aaqqiissutissanillu naassaarniallaqqissoq
- Suleqatigiinnermut piginnaasaqarluartoq
- Alapernaatsoq, tusarnaartoq aammalu ilakkuminartoq
- Kalaallisut qallunaatullu oqalussinnaallunilu allassinnaasoq
Makkuninnga neqerooruteqarpugut:
- Atorfik pissanganartoq soqutiginartoq, utoqqaat atugaasa pisinnaatitaaffiisalu pillugit imaqarluartoq
- Aaqqissuussisinnaanermik nammineersinnaanermillu periarfissiisoq
- Illit nammineq angerlarsimaffigisanniit sulisinnaanerit
Atorfimmut attuumassuteqartumik angalasinnaanissat naatsorsuutigineqassapput.
Akissarsiat sulinermilu atugassat
Akissarsiat sulinermilu atugassarisassat, atorfininnermi Namminersorlutik oqartussat sulilersussallu kattuffiata attuumassuteqarfiataluunniit isumaqatiginninniarsinnaatitaasup akornanni isumaqatigiissut tunngavigineqassaaq.
Ineqarneq
Atorfininnermut atatillugu inissamik neqerooruteqartoqarsinnaanngilaq. Namminersorlutik oqartussat aqqutigalugit sulinermut atatillugu inigisaqaraanni taanna inigiinnarneqarsinnaavoq. Sulinermut atatillugu inigisaq atorfimmut pituttorsimasuussaaq atorfeqarunnaarnermilu qimanneqartussaalluni.
Qinnuteqarfissaq ulloq kingulleq tassaavoq: 18. august 2026
Qinnuteqarsinnaanermut ulloq killiliussap qaangernerani, qinnuteqartut piukkussatut oqaloqatigineqarumaarput.
Atorfik pillugu annertunerusumik paasisaqarfigerusukkaanni, tikilluaqqusaaavutit Utoqqaat pillugit oqaaseqartartoq attaviginissaanut oqarasuaat + 299 544728 imaluunnit e-mailikkut; kipi@nanoq.gl
Tusarfiginissat qilanaaralugu
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job