Kalaallit Nunaanni umiarsualivinni attaveqaasersuutinik sanaartortitsisutut akisussaaffimmik pingaarnermik suliaqarnissat soqutigaajuk? Umiarsualiviit imarsiornerlu pillugit sulianut, tassungalu ilanngullugu pilersuinermi isumannaallisaanermut taperseeqataarusuppit? Aamma Kalaallit Nunaanni umiarsualivinni attaveqaasersuutinut imaluunniit pisortat sanatitsisuunerannut tunngasunik misilittagaqarpit?

Aamma atorfillit, ullut tamaasa nunarsuarmi pissutsini nutaani aqqutissiortuusut akornanni politikerit qanillugit sulerusuppit?

Taamaappat Imarsiornermut Allaffimmi AC-fuldmægtigitut atorfik periarfissiilluarsinnaavoq.

Politikki, attaveqaasersuutit pinngitsoorneqarsinnaanngitsut piviusullu qanillugit

Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfimmi sulisutut allaffissornerup maskiinaqarfiani qitiusumik inissisimasunut ilaalissaatit. Politikkikkut eqqumaffiginninnermi suliassanik isumaginnittuussaatit, tassani suliat pisariusut siumut ingerlanissaannik, aammalu politikkikkut suliaqartunut aalajangiiffigisassatut tunngavissanik eqqortunik tunniussinissamik qulakkeerisassallutit.

Imarsiornermut Allaffimmi imarsiorneq umiarsualiviillu suliarineqarput – suliassaqarfiit nunatsinni pilersuinerup isumannaassusianut, inuussutissarsiutinik ineriartortitsinermut attaveqaasersuutinullu pingaaruteqarluinnartut.

Suliassat akisussaaffeqarfiillu

Attaveqaasersuutinut immikkoortortaqarfimmi Naalagaaffimmi oqartussaasut attuumassutillit Kalaallit Nunaanni inatsisissanik piareersaasarnermi, taamaalillunilu pissutsit immikkut ittut, Kalaallit Nunaannut atuuttut eqqarsaatigineqarnerini suleqatigineqarput.

Atorfik Imarsiornermut Allaffiup ingerlaavartumik ingerlanneqarneranut, kiisalu Attaveqaasersuutinut Immikkoortortaqarfimmi suliassat tamarmiusut suliarineqarnerinut ilaavoq.

• Sanatitsisutut akisussaaffiit sulianillu aqutsinerit: Kalaallit Nunaanni umiarsualivinni iluarsaassinermi nutarterinermilu sanatitsisutut akisussaaffeqarlutit aningaasaqarnermut inatsisilerinermilu pingaarnertut akisussaasuussaatit. Tamatuma nassatarisaanik siunnersortit qanillugit suleqatigissavatit, teknikkikkut aaqqiissutissanut najoqqutassianik naliliisassaatit, kiisalu business cases-inik ilassutitullu aningaasaliissutissanik suliaqartassallutit.

• Suliani sullissinerit umiarsualivinnullu oqartussaasuuneq: Ataatsimut isigalugu umiarsualivinnut inatsisit ataanni oqartussaasutut suliaqassaatit, allaffissornikkut aalajangiinernik suliaqartassaatit, § 37 naapertorlugu apeqqutinut akissuteqartassaatit, tusarniaanerni akissuteqaatinik suliaqartassaatit, kiisalu allakkatigut sulianik saqqummiussinernik allanik suliaqartassaatit. 

• Inatsisilerinermi allaffissornermilu suliassat: Umiarsualivinnut inatsit naapertorlugu ingerlatsinermi immikkoortunullu pilersaarutinik malinnaanermi suliani suleqataasassaatit.

• Suliassat ataqatigiissaariffiusut: Oqartussaasunut attuumassutilinnut, siunnersortinut, Naalagaaffimmi Oqartussaasunut, kiisalu avataaniit nunatsinniillu suleqatinut allanut allakkatigut oqaluinnarnikkullu attaveqartarneq.

Piginnaaneqarfinnut piumasaqaatit naatsorsuutigisallu

Sulisussamik nukittuumik, imarsiornermi suliassaqarfiit attaveqaasersuutillu pinngitsoorneqarsinnaanngitsut iluanni suliassanik misilittagalimmik pissarsiorpugut. 

Naatsorsuutigaarput:

• Ilinniagartuutut kandidat-iullutit attuumassutilimmik ilinniagaqassasutit. 
• Sivikinnerpaamik ukiuni marlunni pisortat suliani sullissinerannik aammalu imarsiornermut imaluunniit attaveqaasersuuteqarnermut aaqqissuussaanermi politikkikkut aqunneqartumi misilittagaqassasutit. 
• Pisortani sanatitsisutut misilittagaqassasutit, taakkununngalu aningaasaqarnermik aqutsineq, isumaqatigiissutinik misissuisarneq sanaartukkanillu malinnaasarneq ilaatinneqarput.
• Avataaniit siunnersortip allakkiaanik, umiarsualivinni teknikkimut ingeniørillu suliaannik teknikkimut tunngasunik, naliliinissamut misissuinissamullu atugassanik paasisimaarinnissasutit. 
• Allakkianik, politikkikkut aalajangiinissamut tunngavissianik, § 37 naapertorlugu akissuteqaatinik, kiisalu inatsisit teknikkimut tunngasortaanik suliaqarnermik misilittagaqassasutit.
• Allaffissornermi sulianik saqqummiussinermut aammalu allakkianik pisariusunik suliaqarnermut atugassanik allakkatigut oqaasiliullaqqissuseqassasutit.

Allaffissornikkut suliassat oqimaatsuupput, pisariusuullutik, politikkikkut malussajasuullutik inuiaqatigiinnullu pisariaqarlutik.

Suut neqeroorutigaavut?

• Atorfik allaffissornermi avatangiisinilu politikkikkut aqunneqartuni annertuumik sullissinermik imalik.
• Suliani sullissinerit, aammalu aalajangiinissamut allakkianik, immikkoortortami periusissiornermut isumalinnik suliaqartarneq.
• Attaveqaasersuutinut Immikkoortortaqarfimmi sulinermi avatangiisit nukittuut ulappuffiusut.

Suliassat allaffimmi pisortaq qanillugu oqaloqatigineqarluni piareersarneqartarput, aammalu immikkoortortaqarfiup ingerlanneqarnerani pisariaqartitsinernut ingerlaavartumik naleqqussaasoqartarpoq.

Atorfik

Matumani AC-fuldmægtigitut atorfik inuttaqanngitsoq atorfiniffiusussaq pineqarpoq. Atorfimmut tassunga siunnersortimik immikkut ittumik imaluunniit siunnersortaanermik atorfinitsitsisoqarsinnaanngilaq.

Isumannaallisaanermi akuersissut

Atorfimmut piukkunnaatilittut isigineqassaguit maleruagassat atuuttut naapertorlugit isumannaallisaanermi akuersissummik pissarsisinnaanissat piumasarineqarpoq. Taamaattumik aallarniutigalugu pinerlussimanermut nalunaarsuiffimmiit pinerlussimannginnermut uppernarsaatip naqinneranik ilanngussigit. Taanna najukkami politiini oqartussaasuni imaluunniit www.politi.gl/bestil-straffeattest/privat-straffeattest aqqutigalugu pissarsiarineqarsinnaavoq.

Akissarsiat atorfeqarnermilu atugassarititaasut

Akissarsianut atorfeqarnermilu atugassarititaasunut, taakkununngalu atorfininnermi soraarnermilu angalanermut pequtinillu nassiussinermut akiliunneqarsinnaatitaaneq ilanngullugu, piffissami atorfiniffiusumi Namminersorlutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissut atuuttoq tunngavigineqassaaq. 

Inissiaq

Atorfininnermi maleruagassat sukkulluunniit atuuttut naapertorlugit sulisunut inissiamut pequsersugaanngitsumut innersuussisoqarsinnaavoq. Inissiap angissusissaanut inoqutinni inuit amerlassusii apeqqutaassapput. Sulisunut inissiamut innersuunneqarnissamut utaqqisoqarsinnaammat, tamatuma pinissaanut inissiamut najugaqarfiugallartussamut pequsersukkamut innersuunneqassaatit. Sulisunut inissiaq Namminersorlutik Oqartussani atorfeqarnermut atasuuvoq, taamaattumillu Namminersorlutik Oqartussani atorfeqarnerup uninnerani qimanneqartussaavoq.

Ulloq atorfiniffissaq

1. novembari 2026 imaluunniit isumaqatigiissuteqarnikkut.

Piffissaq suliffiusussaq

Sapaatit akunnerannut nalunaaquttap akunneri 40-t.

Atorfinitsitsinissamut atatillugu ulloq oqaloqatiginniffissaq

Oqaloqatiginninnerit ingerlaavartumik ingerlanneqassapput.

Peqataanissamut piareersimavit?

Allaffimmi pisortaq Anders May attaveqarfigiuk
📞 +299 34 52 63
✉️ amay@nanoq.gl

Qinnuteqaat jobportalen aqqutigalugu nassiuguk.