Perorsaanermik Ilinniarfimmi ilinniakkani teamlederimik pissarsiorpugut

Unammilligassanut nutaanut sapiissuseqarpit?
Taava teamlederitut siumut isigilluni anguniagaqartutut, ilinniakkanik ilinniartitaanerullu aaqqissuussaaneranik ilisimasaqarluni, tassanilu sulilluarusukkuit atorfimmut qinnuteqarit.

Teamlederitut teaminut aqutsisunut akuulissaatit, tassani aqutsinerup iluani suliallu akimorlugit suleqatigiinnermi peqataalissaatit, immikkoortortaqarfiit periusissianillu aqutsinerup akornini.

Perorsaanermi Ilinniarfik (PI/SPS) Ilulissani Nuummilu immikkoortortaqarfeqarpoq, Ilulissani qiutisumik allaffeqarluni. Ilinniarfimmi 50-it missaanni sulisoqarpugut, ilinniartuutigullu 300-t missaanniittut ilinniakkanut arfineq-pingasunut agguarsimapput.
Ilinniakkat ukuusunut: Ulluunerani meeqqanik sullissinermi ikiortitut ilinniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, pædagogassistentitut ilinniarneq, siunnersuinermi ikiortitut ilinniarneq, inulerinermi siunnersortitut ilinniarneq aammalu perorsaanilerinermi diplomimut ilinniarneq.
Teamlederip ilaatigut ilinniarfiit ingerlariaqqiffiusut, Inuussutissarsiutigalugulu ilinniagartuutut ilinniarnerit ukkatarissavai.

PI/SPS-ip Kalaallit Nunaat tamakkerlugu makkunannga sullillugu ingerlatsisarpoq:

• Perorsaanilerinermi suliaqarsinnaasunik ilinniartitsineq
• Perorsaanilerinermik suliaqarfinni, inunnillu isumaginninnermi siunnersuinermi ilinniartitsineq aamma pikkorissaaneq
• Perorsaanilerinermik suliaqarfimmi ineriartortitsinissamut isumassarsisitsineq – suliaqarfimmut ilinniarnikkullu.

Teamlederip ilaatigut ukua akisussaaffigivai:

• Ulluinnarni ilinniakkanik, ilinniakkat suliffimmi misiliinertaannik, taakkulu piviusunngortitsinissamut atugassanik ingerlatsineq
• Ilinniakkap suliamut tunngatilluinnarnissaa, perorsaanilerinermilu atugassat ilinniartitaanerup aaqqissuussaanerata iluani
• Ilinniartitsinerup suliffimmillu misiliinerup ingerlanissaa, misiliinerit, misilitsinnerillu ilinniartitaanermut aaqqissuussaanerup iluaniittut malillugit
• Ilinniartitsinermi pilersaarutit ataqatigiissarneri
• Missingersuutit malillugit aningaasaqarnerup iluani
• Sulisoqarnermut tunngasut, suliffigissaarneq, atorfinnut innersuussinerit teamimilu ilinniartitsisut piginnaasaannik ineriartortitsinerit
• Qanimut ilinniartitsisunut aqutsineq, ilinniartullu qanorissusaannik ineriartornerannillu malinnaaneq, tassungalu atatillugu ilinniartut peqanngittarnerannut isumaalunnarsinnaasunut tunngasunik malittarinninneq, ilinniartut ilinniartuuinnarnissaannut tapersersuilluni
• Suliffeqarfiup avatangiiserissaarnissaanik qularnaarinninnerit immikkoortortaqarfiit tamaasa akimorlugit

Teamlederip ukunani suleqateqartassaaq:

• Ilinniartitsisut peqatigalugit ilinniartitsinissamik pilersaarusiorneq ineriartortitsinermillu iliuuseqarnerit
• Teamlederit inuussutissarsiutigalugu ilinniarfinni allaniittut piorsaavillu peqatigalugit ilinniarnermi atugassarititat ilinniartitsinermi atugassarititat pillugit, suliat akimorlugit suleqatigalugit, ineriartorneq ataqatigiisitsinerlu ilinniakkat assigiinngitsut akornanni
• Teamlederit immikkoortortaqarfinni allaniittut ilinniarfiup atugassarititai pillugit ulluinnarnilu atugassarititat pillugit ilinniafinni Ilulissaniittuni Nuummiittunilu.
• Periusissianut aqutsisunut ilinniakkat pitsaassusiinik qulakkeerinninnerni, ineriartortitassanilu allani suleqataaneq

Suliamut inuttullu pisinnaasassat piumasaqaatit ukuupput:

• Perorsaanilerinermi ilinniagaqarsimanissaq minnerpaamik master- imaluunniit kandidatitut
• Marlunnik oqaaseqartuussaatit, kalaallisut danskisulli oqaluinnarlutit allassinnaassallutit
• Aqutsinermi misilittagaqarsimanissaq, teaminik tatigineqarlunilu aqutsinermik misilittagaqarnissaq
• Tatiginartuunissat, akisussaassuseqartuunissat aammalu akuersaartumik periuseqarnissaq kissaataavoq
• Assigiinngitsunik ataatsikkut suliaqarsinnaasariaqarnissaq, ullunilu ulapaarfiusuni eqqissisimasinnaanermik pigisaqarluni sunik tamanik takunnissinnaanissaq kissaataalluni
• Allaffissornikkut IT-milu atortunik atuilluarsinnaanissaq

Teamlederimik tamatigoortumik ineriartortitserusuttumillu ujartuivugut, suleqatigiinnerup pingaassusianik paasinnissimasumik, avatangiisiminik qungujulalluni naapitsisinnaasumik sulinerullu sammivianik tikkuaasinnaasumik.

Teamlederisut imminut takusinnaasutut misigiguit qinnuteqarniarit.

Atorfik aggustip aallaqqaataani 2026 imaluunniit isumaqatigiinnikkut inuttalerneqarnissaa kissaatigaarput.
Qinnuteqarfissaq kingulleq julip 12-at, 2026.

Attavissat:
Atorfik pillugu paasisaqarnerorusukkuit Ilinniartitaanermut pisortaq Benedikte Petersen Løvstrøm attavigisinnaavat, oqarasuaat +299 38 35 50 imaluunniit e-mail-ikkut: allaffik@pi.sps.gl
Perorsaanermik Ilinniarfik pillugu paasisaqarnerorusukkuit nittartagarput alakkarsinnaavat www.pi.sps.gl

Qinnuteqarnermi ilaliunneqassapput qinnuteqaat, CV, ilinniarsimanermut- aammalu pikkorissarsimanermut uppernarsaatit kiisalu takussutissat attuumassuteqarsinnaasut. 

Qinnuteqaatit e-mail aqqutigalugu nassiunneqartut tiguneq ajorpavut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.