Akileraartarnermut Aqutsisoqarfiup Nuummi allaffia Ilanngaaserinermut kukkunersiuisussarsiorpoq

Ilanngaaserinermut akitsuusersuinermullu allaffimmi atorfimmi nutaami akitsuusersuinermut nakkutilliisussamik suleqatissarsiorpugut.
Ilanngaaserinermut akitsuusersuinermullu allaffiup nioqqutissanik tikittunik aallartunillu nakkutilliinermi aamma nioqqutissanik eqqussinermi annissinermilu nakkutilliinermut atatillugu allaffissornikkut suliassat suliarisarpai, matumani ilanngullugit nioqqutissanik eqqussinermi akitsuutit aamma ilanngaaserinermi nakkutilliineq. Akileraartarnermut Aqutsisoqarfiup unioqqutitsillutik aningaasarsiortartut aningaasanillu malunnarunnaarsaasarnerit nakkutigineqarnerisa sakkortusarnissaat kissaatigaat, soorlu aamma kissaatigineqartoq unioqqutitsillutik eqqussisarnerit annissisarnerillu pinaveersaartinniarlugit suliniutip annertusarneqarnissaa aamma kissaatigineqarpoq, matumunnga ilanngullugu ikiaroornartoq. Naggataatigullu akitsuuserivinni allani tunaartaqarluarnerusumik nakkutilliinissaq aamma kissaatigineqarpoq, ilaatigut umiarsualivinni umiarsuarnilu takornariat akileraarutaat.

Ilanngaaserinermut akitsuusersuinermullu allaffik 14-inik sulisoqarpoq, taakkunannga qulit timmisartumik angalasunik, silaannakkut assartukkanik, allakkanik umiarsuakkullu nassiussanik nakkutilliinermik kiisalu allaffissornikkut  ilanngaaserinermut attuumassutillit suliassat suliarisarpaat. Sulisut sisamat aqutsisuni suliassanik allaffissornikkullu ilanngaaserinermut akitsuusersuinermullu suliassanik suliaqartarput.

Allaffik Nuummi, Ilulissani, Qaqortumi Aalborgimilu sulisoqarpoq.

Allaffimmi illit suut suliassaraagit?

• Ingerlanneqartut akitsuuserneqartussat nakkutigineri naliliiffigisarnerilu.
• Aningaasanik peqquserluuteqarneq aningaasanillu malunnarunnaarsaasarneq nakkutilliilluni pingaarnertut suliarineqartarput.
•  Inuussutissarsiutinik ingerlataqartunut innuttaasunullu ilitsersuineq.
• Suliat akitsuusersugassaanngitsut  suliarineqartarneri.
• Suliassat ilanngaaserinermut akitsuutinullu allaffissornikkut nakkutilliinermullu tunngasut
• Akiliisitsiniartarfimmik, aningaasaqarnermut immikkoortortaqarfimmik politiinillu suleqateqarneq.

Namminersortut ingerlatseqatigiiffiillu paasissutissaataat naatsorsuutaallu suliarisassavatit.
Nakkutilliinerup suunera apeqqutaalluni pulaarluni nakkutilliiartortoqartassaaq, matumani Kalaallit Nunaata iluani angalanerit ilanngullugit.
Nakkutilliilluni suliaqarneq aalajangiinermik sulianillu saqqummiussinermik ilaqartarumaarpoq, taamaattumik illit namminersorlutit sulisinnaasariaqarputit, aamma allallutit oqalullutillu oqaasertalersuilluarsinnaasariaqarputit, ajornanngippat aamma tuluttut.
Nalinginnaasumik allaffissornermi sulinermut aamma peqataasariaqartarnissat naatsorsuutigissavat, suliffeqarfinnut innuttaasunullu sullissinitta ataavartuunissaanik qulakkeerisussaq.

Piukkunnassutsit piginnaasallu:

• Ilanngaaserinermik aamma inatsisit naapertorlugit akileraaruserinermik imaluunniit naatsorsuuserinermik paasisimasaqarneq misilittagaqarnerlu (atorfimmit assingusumit) assut iluaqutaassapput, ilinniakkamilli naammassinnerlaajuguit, soorlu aningaasaqarnermi, naatsorsuuserinermi, kukkunersiuinermi, inatsisilerinermi assigisaanniluunniit professionsbacheloritut, HD’-itut imaluunniit kandidatitut, ilinnit tusagaqarnissarput qilanaaraarput.
• Pisortat oqartussat allat suliffeqarfiutaanni aamma misilittagaqarsinnaavutit, tassani inatsisit suliarisarlugit, oqaatsit allattariarsornerlu atorlugit akissuteqartarlutit.
• Atorfimmut qinnuteqartutut pissusissamisoortumik oqartussaassuseqarnissat, attaveqatikkuminartutit allanillu oqaloqateqarsinnaassuseqartutit, eqimattani suleqateqarsinnaasutit namminersorsinnaallutilli, suleqatikkuminartutit.
• Microsoft-pakkeq atorluarsinnaagit systemillu nutaat sukkasuumik ilikkarsinnaagitit.
• Allanik suleqatissarsiortartutit, aaqqiissuteqarniartartutit. Pimoorussisuusutit aamma akisussaaffigisannik ilisimaarinnittutit kiisalu suliat suliarineqarnerinik naammassineqarnerinillu qulakkeerinnissinnaasutit.
• Suliassaqarfimmik inatsisinillu ilisimasaqartutit naatsorsuuserinermillu paasinnissinnaanerit iluaqutaassapput.

Makkuninnga neqeroorfigineqassaatit:

• Suliat allanngorartut, illit sunneeqataaffigissallugit ineriartortinnissaanullu periarfissaqarputit.
• Suliat suuneri aallaavigalugit ilisimasarpassuit assigiinngitsut peqqutigalugit.
• Suleqatit pitsaasut suleqatiginnikkusussuseqarluartut.
• Suliffik pissanganartoq inuttut sulisutullu ineriartorfiusoq.
• Sineriak tamakkerlugu immikkut nakkutilliisutut angalanerit.

Sooq atorfik una qinnutigissaviuk?
Makkua periarfissarissavatit:

• Kalaallit Nunaanni inuiaqatigiit aningaasaqarnerat pitsaanerusumik akitsuusersuineq nakkutilliinerlu aqqutigalugit malunnaatilimmik sunniuteqarfigisinnaavat
• Ilinnut akisussaaffeqarluni sulerusuttumut, paasiuminaatsunik suliaqarusuttumut ataavartumillu sunniuteqarsinnaanermik periarfissaqarusuttumut suliffiuvoq. Atorfiit Nakkutilliinermut Suliaqartarnermullu immikkoortortaqarfimmiipput.

Ulloq atorfiniffissaq
Atorfiit 1. september 2026-mi imaluunniit isumaqatigiissuteqarnikkut inuttalerneqarnissaa kissaatigineqarpoq

Paasissutissat sukumiinerusut
Atorfik pillugu paasisaqarnerorusukkuit Akileraartarnermut Aqutsisoqarfimmi  Immikkoortortaqarfimmi pisortaagallartoq Lisbeth Møller Jensen lsmj@nanoq.gl-imut attavigisinnaavat.

Aningaasarsiat atorfininnermilu atugassarititaasut
Akissarsiat atorfeqartitaanermilu atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaanerit Kalaallit Nunaanni Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit atorfininnerup nalaani atuuttut malillugit pisassapput.
Atorfinittussaq eqqortunik uppernarsarneqarsinnaasunik piginnaaneqartoq immikkut siunnersortitut, siunnersortaanertut imaluunniit siunnersortaanertut atorfinitsinneqarnissamut periarfissaqarpoq.

Ineqarneq
Atorfimmut atatillugu inissaqartitsisoqarsinnaanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq.

Qinnuteqarfissamut killigititaq
Qinnuteqaat Akileraartarnermut Aqutsisoqarfiup kingusinnerpaamik ulloq 13. juli 2026-mi tigoreersimassavaa. 
Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat allat pingaaruteqartut "Qinnuteqaat nassiuguk" toorlugu nassiutikkit.

Mailikkut qinnuteqaatinik tigusineq ajorpugut.