PI/SPS Ilulissani ilinniartitsisussarsiorpoq

Perorsaanermi Ilinniarfimmi Ilulissani ilinniartitsisussarsiorpoq

Unammilligassanut nutaanut sapiissuseqarpit? Taava Perorsaanermik Ilinniarfimmi Ilulissani ilinniartitsisutut atorfimmut qinnuteqarit.

PI/SPS Ilulissani pinngorartitsinermi kusanartulerinermilu ilinniarnermi ilinniartitsisussarsiorpoq, pingaarnerut akisussaaffigalugu nipilersornermik, isiginnaartitsinermik, sannavimmi sammisassanik kiisalu ilusilersuinermik perorsaanilerinermi ilinniakkani ilinniartitsineq.

PI/SPS-ip Kalaallit Nunaat tamakkerlugu makkunannga sullillugu ingerlatsisarpoq:

Perorsaanermi Ilinniarfik (PI/SPS) Ilulissani Nuummilu immikkoortortaqarfeqarpoq, Ilulissani qiutisumik allaffeqarluni. Ilinniarfimmi 50-it missaanni sulisoqarpugut, ilinniartuutigullu 300-t missaanniittut ilinniakkanut arfineq-pingasunut agguarsimapput.

Ilinniakkat ukuusunut: Ulluunerani meeqqanik sullissinermi ikiortitut ilinniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, pædagogassistentitut inuussutissarsiummik ilinniarneq, siunnersuinermi ikiortitut ilinniarneq, inulerinermi siunnersortitut ilinniarneq aammalu perorsaanilerinermi diplomimut ilinniarneq.

• Perorsaanilerinermi suliaqarsinnaasunik ilinniartitsineq
• Perorsaanilerinermik suliaqarfinni, inunnillu isumaginninnermi siunnersuinermi ilinniartitsineq aamma pikkorissaaneq
• Perorsaanilerinermik suliaqarfimmi ineriartortitsinissamut isumassarsisitsineq – suliaqarfimmut ilinniarnikkullu.

Ilinniartitsisutut suliassat:

Ilinniartitsisumik ataqatigiissitsisinnaasumik, eqaatsumik suleriuseqartumik, suleqatiginnissinnaasumik kiisalu ineriartornermut soqutiginnittumik ujarlerpugut. 

Ilinniartitsisup ilinniartut isumassarsitissinnaassavai qanoq nipilersorneq, isiginnaartitsineq, sannavimmi sammisassat kiisalu ilusilersuineq perorsaanilerinermi periutsitut atorsinnaaneraat, taamaalillutik sullitanut assigiinngitsunut ilikkariartornermi- aamma ineriartornermi sinaakkusiisinnaassammata.

Ilinniartitsisoq pilersaarusiortassaaq ilinniartitsillunilu, skemaliornermi peqataasassaaq. Suliassanuttaaq ilaavoq ilinniartut misilitsinnerini allaaserisaannik atuarneq nalilersuinerlu.

PI/SPS-mi ilinniartitsisoqatigiinnut ilanngutissaatit, ilinniartitsinerup ingerlanera ineriartorneralu peqataaffigisinnaalerlugu, Perorsaanermi Ilinniarfiup siunertaa naapertorlugu Kalaallit Nunaanni perorsaanilerinermik suliaqarfimmi allanngueqataanissaq ilutigalugu. Ilinniartitsinermut, pikkorissaanermullu atatillugu angalasinnaanissaq naatsorsuutigineqassaaq.

Perorsaanilerinermik suliaqarnermik misilittagaqaruit aamma/imaluunniit inersimasunik ilinniartitsinermik misilittagaqaruit iluaqutaassaaq. 

Naatsorsuutigaarput:

• Ilinniakkamik tulluartumik minnerpaamik bachelorniveau-mi ilinniarsimasutit, soorlu perorsaasutut, ilinniartitsisutut perorsaanilerinerulluunniit assigisaanik
• Siammasissumik pisariaqartitsinerlu malillugu perorsaanilerinerup iluani ilinniartitsisinnaasutit, pinngorartitsinermi kusanartuliornermilu ilinniartitsissutsit saniatigut
• Pikkorissaanernik ilinniaqqinnernilu pilersaarusiorlutillu ingerlatsisinnaassasutit, ilinniarfiup suliaqarfiani
• Pinngorartitsinermi kusanartuliornermilu ilinniartitsinermik misilittagaqarnissat.
• Nipilersornermik, isiginnaartitsinermik, sannavimmi sulinermik aammalu/imaluunniit ilusilersuinermik piginnaasaqarnissat.
• Pinngorartitsinermut tunngasunik sammisassanik perorsaanermi sulinermut ataqatigiississinnaanissat.
• Ilinniartut siunissami sulinerminni pinngorartitsinikkut oqariartuuteqartarsinnaanerannut isumassarsititsisinnaanissat.
• Kalaallit Nunaanni misilittagaqarneq ilisimasaqarnerlu.
• Akuersaartumik suleriuseqarneq, tatiginninneq akisussaassuseqarnerlu.
• Suleqatiginnissinnaassuseqarneq, aaqqiissutissarsiortarnermik periuseqarneq
• Kalaallisut qallutaatullu oqaaseqarneq
  Aningaasarsiatigut atorfinitsitaanermilu atugassarititaasut
  Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
  Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
  
  Najugaq
  Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
  
  Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
   

Attaveqarfissaq Atorfik pillugu paasisaqarnerorusukkuit Ilinniartitaanermut pisortaq Benedikte Petersen Løvstrøm attavigisinnaavat, oqarasuaat +299 38 35 50 imaluunniit e-mail-ikkut: allaffik@pi.sps.gl 

Perorsaanermik Ilinniarfik pillugu paasisaqarnerorusukkuit nittartagarput alakkarsinnaavat www.pi.sps.gl

Qinnuteqarfissaq kingusinnerpaamik septemberip 24-at 2026 nal. 09:00 nallertinnagu.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.