Nutserisoqarfik allaffimmiussarsiorpoq

Pisortat allaffeqarfiat kalaallisuinnaq oqaatsinik atuiffiusoq ineriartortitseqataaffigerusuppiuk? Namminersorlutik Oqartussat Nutserisoqarfiat kalaallisut oqaasiliinnarnik sulisulik suliffigerusuppiuk? Suliassat takkussuuttut nassiussassallu aqunnissaat misilittagaqarfigerusullugulu soqutigiviuk? 
Taamaappat Namminersorlutik Oqartussat Nutserisoqarfianni, allaffimmiumik suleqatissarsiorpugut.
Suliffik pissanganartoq Nutserisoqarfimmi suliassanut tunngatillugu aqutsissutissanik sulisut 14-it peqatigalugit ineriartortitsinermi peqataaffiusinnaasoq suliffigilersinnaanissaa neqeroorutigaarput. 

Nutserisoqarfik pillugu:

Nutserisoqarfiup oqaluttaanermik nutserinermillu suliassat tamaasa, tassunga ilanngullugit Namminersorlutik Oqartussat qitiusumik allaffiani oqaluttaanerit isumagisarpai. Kalaallisut, danskisut tuluttullu, inatsisissatut siunnersuutit, Naalakkersuisut isummernissaannut tunngavissiat, nalunaarusiat annerit, Inatsisartut ataatsimiinnerannut atortussat kiisalu naalakkersuisoqarfinnit/aqutsisoqarfinnit allakkat isertut anisullu isumagineqartarput.

Siunissami suliassarilerumaakkatit ilaatigut makkuussapput:

• Nutsigassat tiguneqartut nutseriikkallu nassiunneqartussat suliarineri piareersarnerilu
• Nutsigassat pillugit saaffiginnissutinik suliaqarneq
• Oqalutsissarsiortunik nalunaarsuineq malitseqartitsinerluNutsigassat nutserissummut immiunneqartarneri nutserneqareeraangatalu ilusigisimasaanut ilusilersortarneri
• Suleqatit avataaneersut akissarsiassaasa isumagisarneri
• Akiligassanik, assersuutigalugu IRIS-ikkut isumaginnittarneq
• Sulisut pillugit paasissutissat nutartertarneri 

Allaffissornikkut suliareqquneqartut assigiinngitsut suliarisarneriNaatsorsuutigaarput:

• Allaffimmiutut ilinniagaqarsimassasutit, ajornanngippat IT-mut tunngasumik
• Nammineerlutit sulisinnaassuseqassasutit, eqaatsumik aaqqissuulluakkamillu suleriaaseqassasutit
• Paatsiveerutiasuussanngilatitaamma ulapaarfinni  
• Suliffik eqqarsaatigalugu aalajaatsuulluinnassasutit
• Oqalunnikkut allattarissatigullu attaveqallaqqissuussasutit

Inuttut piginnaasat:
Nutserisoqarfimmi allaffimmiutut atorfik tamatigoortuummat nutsigassallu suliarineqartarneri eqqarsaatigalugit qitiusorujussuarmik inissisimammat aalajaatsumik sulisoqarnissamik pisariaqartitsivugut. Tamatuma saniatigut akuulluarnissamik ilikkarusussuseqarnermillu inuttut piginnaasaqarnissaq pingaartipparput. Tamatuma saniatigut suleqatigiit 14-iusut ulluinnarni ulapittaqisut suleqatigilluarsinnaasariaqassavatit. Nutserinermik misilittagaqarneq nutserisutulluunniit saniatigut ilinniagaqarsimaneq iluaqutaasinnaavoq piumasaqaataananili.  

Sukumiinerusumik paasisaqarusuppit?
Atorfik pillugu paasisaqarnerorusukkuit tikilluaqqusaavutit uunga saaffiginninnissamut, nutserisut pisortaat Kikkik Olsen oqarasuaat 345856 imaluunniit e-mail: olbi@nanoq.gl aqqutigalugit.

Atorfininneq
Ulloq atorfiniffissaq tassaalluni 1. november 2026 isumaqatigiissuteqarnikkulluunniit. Oqaloqatiginninnissat ingerlaavartumik ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.