Naligiissitaanermut Allaffimmut AC-Fuldmægtigimik (Erninermut atatillugu sulinngiffeqartussamut taartaaneq)

Naligiissitaanermut tunngasunik piginnaasaqarluartumik, paasisimasaqarluartumillu Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik erninermut atatillugu sulinngiffeqartussamut taartissarsiorpoq

Oktobarip aallaqqaataanit imaluunniit isumaqatigiissuteqarnikkut, 2027-mi marsip qaammataa ilanngullugu erninermut atatillugu sulinngiffeqartussamut taartaasussamik Naligiissitaanermut Allaffik AC-fuldmægtigissarsiorpoq.

Inunnik sullissineq, paasisimasanillu piusunik allanngueqataanissaq aamma allannguinissamut tunngavisseeqataanissaq nuannaraajuk? Naligiissitaanermik suliaqarneq ilinnut kajumissaataava, naligiissitaanermullu tunngasut oqallinnermi salliutinneqarnissaannut peqataarusuppit? Taamaassimappat Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi Naligiissitaanermut allaffimmi erninermut atatillugu sulinngiffeqartussamut immaqa illit taartaasussaraatsigit.

Atorfik pillugu
Inuiaqatigiinni aaqqissuussaanermut tunngasunut, naligiissitsiniarnermilu unammillernartunut paasisimasalimmik Naligiissitaanermut Allaffik AC-fuldmægtigissarsiorpoq. Siuliani anguniakkat, periusissiatigullu pingaarnersiorneqarlutik suliniutit nassuiaarneqartut aallaavigalugit nunami naligiissitaanerup – siunissami qaninnerusumi aamma ungasinnerusumi – pitsaanerulersinneqarnissaanut tapertaassallutik suliat nangillugit suliarisussaassavatit. Pisortatigoortumik sinaakkutaanerusut patsisaallutik unammillernartut, aammali ulluinnarni inuunermut tunngasut ukkatarissavatit. Naligiissitaaneq siuarsassallugu annertuumik suliaraarput. Tamanna pillugu naligiissitaanermut suliniutit naalakkersuisoqarfiit akimorlugit ataqatigiissaassallugit, kisitsisitigut paasissutissat aqqutissiuutissallugit, aalajangiinissamilu tunngavissiornissaq pingaaruteqarpoq.

Annikitsortat tamakkiisutut isigisinnaassavatit, aaqqiissutissanullu tapertaallutit. Positiviuguit, allannguiniarnernillu annertusaasinnaaguit aallaavissaqarluarputit. Taakkua saniatigut suliniutinik aqutsineq nuannarisuuat, akimortumillu suleqatigiinnermi pitsaaqutit takusinnaallugit.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfiup ataani Naligiissitaanermut Allaffimmi suleqataassaatit. Naligiissitaanermut Allaffimmi AC-fuldmægtigi aamma allaffimmi pisortaq, qaninnertut aqutsisuusoq sulisuupput. Allaffik angissutsimigut anginngilaq, anguniagartuujullunili.

Suliassarissavatit,

• suliniutit pillugit akimortumik suleqatigiinni, suleqatigiissutinilu allani aamma ilisimasanik avitseqatigiinnermut atatillugu suleqataaneq
• ilisimasanik aamma kisitsisitigut paasissutissanik ujartuineq, katersineq, suliarinninnerlu kiisalu misissueqqissaarnerit oqaasertalissallugit
• Naalakkersuisup oqalugiaatissaannut tapersiineq, isummernissamullu tunngavissiorneq
• Naalakkersuisoqarfiup saqqummersitaannut allanut naligiissitaanermut tunngasunut isummanut, ilassutinillu tapersiineq 
• naligiissitaanermut attuumassuteqartunut tunngatillugu attaveqarniarnermi suliniutit toqqakkat pilersaarusiornerinut, ingerlanneqarnerinullu tapersiineq
• nunanut avannarlernut tunngatillugu sammisanut, pisussaaffinnullu peqataaneq
• politikkikkut sulianik suliaqarneq, matumani tusarniaanerit aamma § 37 naapertorlugu apeqqutit ilanngullugit
• pisariaqartitsineq naapertorlugu naalakkersuisoqarfiup suliassaannut allanut peqataaneq

Siuliani taakkartukkat suliassarisinnaavatit, suliassanili piginnaasatit allaffimmi pisariaqartitanut ataqatigiissillugit aamma apeqqutaapput.

Naatsorsuutigaarput

• Naleqquttumik ingerlariaqqiffiusumik ilinniakkamik naammassinnissimassasutit
• Naligiissitaanermut tunngasunut aamma tamanut naligiissitsinissap qulakkeernissaanut soqutiginnittutit, ilisimasaqartutillu
• Akimortumik suleqatigiinneq misilittagaqarfigigit, nuannaralugulu 
• Suleqatigiilluarnissamut, suliffimmilu pitsaasumik avatangiiseqarnissaq pingaartikkit, taakkununngalu tapertaasutit
• Angusaqarnissaq ukkataralugu akisussaassuseqartutit, iliuuseqarusussuseqartutit, namminersorlutillu sulisinnaasutit
• Aaqqissuussaasumik suleriaaseqartutit, eqiasuitsuusutit, uummaarissuusutit, pimoorussisuusutit, ineriartortitsinissamillu ukkataqartutit
• Aaqqissuussaasumik, misissueqqissaartumillu eqqarsarsinnaasutit, killissallu pinnagit periarfissat ukkatarigitit
• Nalinginnaasumik suliat, suliallu ataqatigiinnerusut suliarisinnaallugillu tamat isiginnissuseqarsinnaasutit
• Suleqateqarsinnaasutit, inuillu tunuliaqutaat apeqqutaatinnagu inussiarnersuusutit, kiinnerartuullutillu
• Politikkikkut aqutami sulinermik misilittagaqartutit
• Allattariarsornikkut aamma oqaluinnarnikkut kalaallisut aamma qallunaatut, ajornanngippallu tuluttut attaveqarluarsinnaasutit, ingerlatitseqqiisinnaasutillu
• Kalaallit kulturiannut, kalaallillu inuiaqatigiivinut tunngasunik ilisimasaqartutit

Killuanik neqeroorutigaagut

• Naligiissitaanermut tunngatillugu nunami ineriartortitsinermut sunniuteqassallutit atorfik 
• Pingaarnertut anguniagaqarnerup iluani annertuumik sunniuteqarneq
• Suliassanik paasisimasaqarneq, pikkorissuseq, attaveqarnerlu annertuumik pingaartinneqarluni suleqatigiinni suleqataaneq
• Tatiginninneq, avitseqatigiittarneq, iliuuseqarasuartarnerlu ukkatarineqarlutik suleqatigiinni suleqataaneq
• Piginnaasatit pingaartinneqarlutik suliat nikerartut, akimortullu
• Isummat nutaat, illarnissarlu inissaqartinneqarlutik ataatsimooqatigiinneq pingaartorsiorfiunngitsoq

Naalakkersuisoqarfik pillugu
Naalakkersuisoqarfik Naalakkersuisut ataanniilluni qitiusumik allaffeqarfimmut ilaavoq, suliassaqarfiillu Meeqqat, Inuusuttut, Inatsisit Atuutsinneqarnerat, Naligiissitaanerlu suliassaqarfigalugit.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq sullisissallugu, siunnersussallugulu kiisalu suliassaqarfiit taakkua sisamat iluini politikkikkut suliassat ataqatigiissaassallugit pingaarnertut suliassaraagut. Matumani naligiissitaanermut tunngatillugu politikkikkut anguniakkat piviusunngortinneqarnissaat ilanngullugit.

Aqutsisunut Allattoqarfik, Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfik kiisalu Inatsisinik atuutsitsinermut immikkoortortaq aamma Naligiissitaanermut Allaffik Naalakkersuisoqarfimmiipput.

Paasissutissat annertunerusut
Atorfik pillugu paasissutissat annertunerusut allaffimmi pisortamut Ivalu Nørreslet Rex-imut, oqarasuaammut 34 66 84-imut aamma/imaluunniit mailimut: irex@nanoq.gl-imut saaffiginninnikkut pissarsiarineqarsinnaapput. Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik pillugu uani annerusumik paasisaqarit. 

Kingusinnerpaamik qinnuteqarfissaq
2026-mi tallimanngornermi septembarip 18-iat kingusinnerpaamik qinnuteqarfissaavoq. Kingusinnerpaamik qinnuteqarfissaq qaangiunniariartoq atorfinitsitsinissamut atatillugu oqaloqatiginninnerit ingerlanneqassasut naatsorsuutigineqarpoq.

2026-mi oktobarip aallaqqaataa atorfiniffissaavoq, imaluunniit isumaqatigiissuteqarnikkut piaarnerpaamik.

Aningaasarsiatigut atorfinitsitaanermilu atugassarititaasut
Namminersorlutik Oqartussat, isumaqatiginninniarsinnaatitaallunilu peqatigiiffiup akornanni isumaqatigiissutit atorfininnermi atuuttut naapertorlugit akissarsiat, atorfininnermilu atugassarititaasut inissinneqassapput, matumani atorfininnermi soraarnermilu angalasinnaatitaaneq, pigisallu assartorneqarsinnaanerat ilanngullugit.

Piffissaq suliffiusussaq sapaatip akunneranut akunnerit 40-pput.

Ineqarneq 
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu ineqareersimappat, atorfimmut atatillugu iniminiiginnarsinnaatitaanini pigiinnassavaa. Atorfimmut atatillugu inissiaq atorfinitsitaanermut atavoq, atorfeqarunnaarnermilu qimanneqassalluni. 

Qinnuteqaat, CV, ilinniarsimanermut aamma pikkorissarsimanermut uppernarsaatit kiisalu paasissutissat allat naleqquttut, ”Qinnuteqaat nassiuguk” toorneratigut nassiutikkit.

Qinnuteqaatinik mailikkut tigusineq ajorpugut.

Naalakkersuisut pillugit
Unammillernartunik suliaqarusukkuit, sulinerillu aqqutigalugu ulluinnaat sunniuteqarfigerusullugillu siunissamik ilusilersueqataarusukkuit, taava Namminersorlutik Oqartussani atorfik ilinnut naleqquppoq.

Annertuumik akisussaassuseqarneq naatsorsuutigaarput, suliatigullu piginnaasaqarneq, misissueqqissaarnermillu periuseqarneq kiisalu allanngornernut sulisut piareersimanissaat pingaartippagut. Taassuma saniatigut ulluinnarnik aaqqissuussisinnaassuseqarnerit, tamallu isiginnissuteqarsinnaanerit pingaaruteqarpoq.

Namminersorlutik Oqartussat Qitiusumik Allaffeqarfeqarpoq, naalakkersuisoqarfinnut arlalinnut kiisalu immikkoortortaqarfippaalunnut agguataarsimasunik 650-it sinnerlugit sulisulik. Katilluta inuit 2500-t sinnerlugit Namminersorlutik Oqartussanut attuumassuteqarpugut. Politikkikkut aalajangiinissami Naalakkersuisut tunngavissaqarluarnissaat qulakkiissallugu kiisalu politikkikkut aalajangiinerit piviusunngortissallugit Qitiusumik Allaffeqarfiup suliassaraa.

Namminersorlutik Oqartussat pillugit http://www.naalakkersuisut.gl/job-imi annertunerusumik paasisaqarsinnaavutit.