Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik Periusissiornermut, Ineriartortitsinermut Inatsisilerinermullu Immikkoortortaqarfimmut inatsisilerituumik Immikkut siunnersortimik imaluunniit Siunnersortit pisortaannik pissarsiorpoq

Meeqqat inuusuttullu atugaat pitsanngorsarusuppigit, politikkikkullu aalajangiisarnernut qanittumik sulerusullutit? Taamaappat atorfimmik pissanganartumik ilinnut neqerooruteqarpugut.

Naalakkersuisoqarfik inatsisilerinermik suliatigut nukittuumik piginnaasaqartumik misilittagartuumik siunnersortit pisortaannik imaluunniit immikkut siunnersortimik pissarsiorpoq, inatsisilerinikkut sulinitta pitsaassusianik ineriartortinneqarneranillu nukittorsaaqataasinnaasumik.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi suliassaqarfitsinni politikkikkut anguniakkat piviusunngortinnissaat sulissutigaarput. Atorfimmi suliassat pingaarnerit ilagissavaat inatsisilerituutsinnut marlunnut suliatigut isumasioqataanissaq ilitsersuisarnissarlu. Taamaattumik inatsisilerituumik misilittagartuumik, inatsisitigut ajornartorsiutit paasiuminaatsut oqaloqatigiissutigisinnaanissaannut pisariaqartunik piginnaasaqartumik pissarsiorpugut. Tamatuma saniatigut inatsisilerituutut immikkut siunnersortitut imaluunniit siunnersortit pisortaattut ulluinnarni suliassatit assigiinngiiaassapput, suliassaqarfiit akimorlugit suliassat, politikkikkut sullissineq suliniutillu ilanngullugit. Nammineq akisussaaffeqarfeqassaatit peqatigisaanillu immikkoortortaqarfimmi suliassat ataatsimoorussat suliarineqarneranni peqataassallutit.

Naalakkersuisoqarfik Aqutsisut Allattoqarfiannut, Periusissiornermut, Ineriartortitsinermut Inatsisilerinermullu Immikkoortortaqarfimmut, Inatsisit Atuutsinneqarnerannut Immikkoortortaqarfimmut kiisalu Naligiissitaanermut Allaffimmut agguataarsimavoq. Suleqatigiinneq, suliatigut piginnaasaqarneq kiisalu suleriaaseq ineriartortitsinissamut nutaamillu eqqarsarnissamut inissaqartitsinissaq pingaartippavut. Taamaattumik suleqatikkuminartuunissat suleqatinnullu ammasumik soqutiginnittumillu pissuseqarnissat pitsaaqutaassaaq. Paarlattuanik suliffimmut suleqatinik tunniusimasunut, imminnut tapersersoqatigiittunut ataqqeqatigiittunullu ilanngutissaatit. 

Atorfiit

Periusissiornermut, Ineriartortitsinermut Inatsisilerinermullu Immikkoortortaqarfimmi sulilissaatit, tassani immikkoortortaqarfimmi sulisut qulingiluaapput assigiinngitsunik suliatigut piginnaasaqartut. Immikkoortortaqarfik naalakkersuisoqarfiup suliassaqarfiini tamani suliaqartarpoq, politikkikkullu aalajangiinerit iliuusinngortinneqarnissaannik angusaqarfiunissaannillu qulakkeerinninnermi pingaarutilimmik inissisimalluni.

Suliassat assigiinngiiaarput, immikkoortortaqarfiit, suliassaqarfiit kulturillu akimorlugit suleqatigiinnermik kiisalu nammineq suliassaqarfinnut nammineerlutit akisussaaffimmik tigusisinnaanermik piumasaqaateqarlutik.

Neqeroorutigaavut

• Politikkikkut aalajangiisarnernut qanittumik atorfik pissanganartoq pingaaruteqartorlu. 
• Kalaallit Nunaanni meeqqat inuusuttullu inuunerannut pitsaasumik sunniuteqartunik pisariusuunik inuiaqatigiinnullu pingaarutilinnik suliniutinik suliaqarnissamut periarfissaq. 
• Suliassat assigiinngiiaartut, nammineq akisussaaffeqarfiit kiisalu suliatigut inuttullu ineriartornissamut periarfissat.
• Suliffimmi avatangiisit uummaarissut suleqatit tunniusimasut anguniagaqarluartullu, imminnut tapersersoqatigiittut ataqqeqatigiittullu. 
• Suliassat akisussaaffiillu assigiinngiiaartut aqqutigalugit suliatigut inuttullu ineriartornissamut periarfissat pitsaasut. 
• Suliffimmi atugassarititaasut eqaannerusut, suliffiup inuunerullu namminerisap akornanni oqimaaqatigiissitsisoqarnissaa ukkataralugu.. 
• Suliffik suleqatinik pitsaasulik, sulisut atugarissaarnissaat ukkataralugu aammalu ulluinnarni attaveqatigiinnermi pissuseq ammasoq pisariitsorlu.

Suliassatit

• Inatsisilerituutsinnik suliatigut isumasioqateqarneq ilitsersuinerlu.
• Inatsisitigut naliliinerit inatsisilerinermilu suliassat allat pitsaassusianik qulakkeerinninneq.
• Inatsisitigut ajornartorsiutinik paasiuminaatsunik inatsisilerituunut inatsisilerituujunngitsunullu ersarissumik paasiuminartumillu saqqummiussineq. 
• Inatsisiliornermi sulianik piareersaaneq suliarinninnerlu. 
• Naalakkersuisut isummernissaannut tunngavissianik, allakkianik kiisalu § 37 naapertorlugu apeqqutinut akissutinik suliaqarnikkut politikkikkut sullissineq. 
• Suliniutinik ingerlanneqartunik ataqatigiissaarineq malitseqartitsinerlu kiisalu suleqatinik, naalakkersuisoqarfinnik allanik, kommuninik susassaqartunillu allanik suleqateqarneq. 

Illit pillutit 

• Naleqquttumik kandidatitut qaffasissusilimmik ilinniagartuutut ilinniagaqarsimavutit. 
• Inatsisilerinermik annertuumik misilittagaqarputit suliatigullu qaffasissumik piginnaasaqarlutit.
• Inatsisilerituunik allanik suliatigut isumasioqateqarnermik, siunersioqatigiinnerrmik imaluunniit ilitsersuisarnermik misilittagaqarputit.
• Nammineerlutit aaqqissuussaasumillu sulisarputit suliassallu siuariartortinnissaannut akisussaaffeqarlutit.
• Allakkatigut oqaatsitigullu ersarissumik eqqoqqissaartumillu attaveqartarputit. 
• Suliniutinik suleriaatsinillu suliaqarnermik kiisalu suliassaqarfiit assigiinngitsut akimorlugit avataaneersunillu soqutigisaqaqatigiinnik suleqateqarnermik nuannarisaqarputit. 
• Kalaallit Nunaanni inuiaqatigiinni pissutsinik kulturimillu ilisimasaqarneq pitsaaqutaassaaq.
• Marlunnik oqaaseqartuunissat kissaatigineqarpoq, piumasaqaataanngilarli.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarfissap killigititaa

29.10 2026 nal. 12:00 

Atorfiniffissaq

Piaarnerpaamik.

Atorfik ilinnut naleqqussorinarpat qinnuteqaatinnik tigusinissarput qilanaaraarput. 

Atorfik pillugu apeqqutissaqaruit immikkoortortaqarfimmi pisortaagallartoq Jesper Stab Nielsen e-mailikkut jesn@nanoq.gl imaluunniit oqarasuaatikkut +299 34 66 43 attavigisinnaavat. 

Qinnuteqartut naleqquttut ingerlaavartumik oqaloqatiginninnissamut aggersartassavavut. 

Tusarfiginissat qilanaaraarput.