Inuili Food College Greenlandip allaffiani aqutsisussarsiorneq

Nunatsinni inuussutissalerinerup, nunalerinerup, nammineq pilersornerup kiisalu nutaaliornerup iluani tunngasuni siunissami ilinniarnerit pitsaassusaannut qulakkeerinneqataarusuppit?
Inuili Food College Greenland maanna ineriartornermi pissanganartumiileruttorpoq. Inuussutissalerinermi ilinniakkani ileqqutsinnit annertuumik aallaaveqartuni maanna nutaaliamik ilinniarfinngornermut ikaarsaarpugut inuussutissalerineq, nunalerineq kiisalu nammineq pilersorneq sammisaralugit.
Tamanna tunngavigalugu allaffimmi aqutsisussamik tunniusimasumik ineriartorumasumillu ujartuivugut, pitsaasumik allaffissornermik qulakkeerinnissinnaasoq tamatumalu saniatigut ilinniarfiup pitsaassutsikkut ineriartornerani peqataalluarsinnaasoq.
Allaffimmi aqutsisutut ilinniarfiup aqutsisoqatigiivini qitiusumik inissisimalissaatit, aaqqissukkamik, ataqatigiissumik allaffissornikkullu sunniuteqarluartunik ingerlaaseqarnermik pilersitsinissamut, ilinniartut, sulisut atuarfiullu aaqqissugaasumik anguniagai suliniuteqarfiginissaannut akisussaaffeqassallutit.
Pingaarnertut akisussaaffigisassatit
Aqutsineq aamma allaffissorneq

• Ilinniarfiup allaffissorneratigut teknikkikkullu atuuffiini ulluinnarni aqutsineq
• Suleriutsit sunniuteqarluartut, allaffissornermi pitsaassuseq qaffasissup pikkorissuseqarlunilu sullisseriaaseqarnerup qulakkeernissai
• Ilinniarfiup ataavartumik ingerlanneqarnera ineriartorneralu tapertaaffigalugit

Aningaasaqarneq aamma aningaasanik aqutsineq

• Missingersuusiornermut, aningaasatigut malitseqartitsineq aningaasaqanermullu allaffissornermi suleqataaneq
• Akiligassat, niuerniarnerit kiisalu naatsorsuutinut tunngatillugu ingerlaatsit eqqortumik suliaqarnissap qulakkeernissaa
• Aningaatigut malittarisassat atuuttut malinnissaannut peqataaneq

Ilinniartunut pikkorissartunullu tunngatillugu aqutsineq

• Ilinniartunut tunngatillugu allaffissornikkut ingerlaatsinut pingaarnertut akisussaaneq
• Ilinniartunut paasissutissat, akuerisaanerit ilinniartunillu saaffiginnissutinit naapertuuttunik suliaqartunik suleqateqarnikkut allaffissornerit eqqortuunerannik qulakkeerinninneq

Sulisoqarnermut immikkoortoqarfik aamma sulisut pillugit allaffissorneq

• Sulisut pillugit allaffissornikkut suliassat, matumani atorfinitsitsinerit, atorfininnermi isumaqatigiissutit suliaralugit
• Atorfinitsitsinerit, atuisunik aqutsineq kiisalu sulisoqarnermut suliassaqarfimmut ingerlaatsit attuumassutillit allat suliaqaqataaffigalugit

Ineriartorneq aamma pitsaassuseq

• Inatsisit atuuttut allaffissornikkullu piumasaqaatit malinneqarnissaat qulakkeerlugu
• Pisariillisaanermik suliaqarneq aamma sulianut suleqatigisanullu allaffissornikkut sinaakkutit ineriartortinnissaat

Uagutsinni pissarsiassaraatit
Aaqqissugaanermi ineriartortumi qitiusumik atuuffeqarneq allanngueqataanissamut periarfissalik Suleqatigiinni ataatsimoorfiusumi, ulluinnarni inerlatsinermut aammalu nunatsinni inuussutissalerinermut, nunalerinermut aamma nammineq pilersornermut ilinniarfiup tungaatigut pitsaassutsimut qulakkeerninninnissamut periarfissaqassaatit.
Atorfik soqutiginartoq assigiinngitsunillu suliassaqarfiusoq akisussaaffeqarfeqartoq, ineriartornissamut periarfissaqartoq, suleqatinik, ilinniartunik suleqatigisanillu qanimut suleqatigiiffiusoq neqeroorutigaarput.
Atorfik pillugu
Ilinniarfiup pisortaa qaninnertut aqutsisorissavat allaffissornikkullu ingerlatsineq pingaarnertut akisussaaffigissallugu. Tamatuma saniatigut ilinniarfiup allaffissornikku tekinikkikkullu sulisuinut atorfimmi aqutsisuussallutit, matumani pedelit, oldfrue kiisalu eqqiaasut aqutsisuuffigissallugit.
Qulakkiissavat ilinniarfiup allaffissornera pikkorissuseqarluni, sunniuteqarluartumik sullissilluarlunilu suliaqarfiussasut, tamatumalu saniatigut suleriaatsit aamma allaffissornikkut aaqqiissutit ilinniarfimmut nutaamut ikaarsaarfiusumut alliartortumullu inerisarnerinut suleqataassallitot.
Ujartorparput

• Naleqquttumik ilinniagaqartoq, aqutsinermik, aningaasaqarnermut suliaqarnermi imaluunniit pisortat ingerlatsiviinit misilittagaqartoq
• Allaffissornermi misilittagalik aamma aqutsinermi misilittagaqarneq pitsaasuussaaq
• Aningaasaqarnermut, pilersaarusiornermut allaffissornikkullu ingerlaatsinut paasisimasaqartoq
• Aaqqissugaasumik suleriusilik, tamakkiisumik isiginnissinnaasoq suliassanillu malitseqartitsisartoq
• Akisussaaffeqarluni sulilluarsinnaasoq, namminersorluni sulisinnaasoq aamma allanik qanimut suleqateqarsinnaasoq
• Ineriartorusussuseqartoq, suleriutsinik ingerlaatsinillu pitsanngorsaanissamut periarfissanik takunnissinnaasoq
• Ersarissumik attaveqaqateqartartoq, aaqqissugaaneq akimorlugu suleqatigiinnermut pitsaasumik tunniussaqaqataasinnaasoq
• Ilinniarnerup suliassaqarfianut imalunniit pisortat suliassaqarfiini misilittagaqarneq pitsaasuussaaq
• Kalaallisut oqalussinnaallunilu allassinnaasoq, danskisut tuluttullu piginnaasaqarnerit pitsaasuussaaq

 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.