Kontorfuldmægtig

Inuleriviup saaffiginnittarfianut allaffimmiussarsiorpugut

Inulerivimmi tarnip pissusiinik ilisimasalinnik, tarnikkut katsorsaasunik, allattoqarfimmik saaffiginnittarfimmillu suleqateqarfiusumik isumaqarluartumik suliffittaarusuppit?

Inulerivik – Nuna tamakkerlugu Katsorsaavik Siunnersuisarfillu katsorsaavimmi immikkoortortaqarfiit akornanni ataqatigiissitsisinnaasumik suliatigut pikkorissumik tunniusimasumillu ingerlatsinermi siunnersortissarsiorpoq. Piffissaliunneqartut eqqortissinnaavigit, qaffasissumik pitsaassusilimmik tunniussisinnaavit aamma Inulerivimmi sulisunik tamanik sullissilluarsinnaavit? Taava immaqa suleqatitaarissavatsigit.

Inulerivik pillugu

Meeqqanut, inuusuttunut inersimasunullu tarnikkut atugarliortunut Inulerivik tarnikkut katsorsaanissamut neqerooruteqartarpoq. Tamatuma saniatigut inersimasut meeqqanut inuusuttunullu nakuusertartut imaluunniit kinguaassiuutitigut innarliisumik pissusilersortartut taakkuluunniit pillugit eqqarsaateqartartut Inulerivimmiit aalajangersimasumik ikiorneqarnissaminnut neqeroorfigineqartarput.

Katsorsaavik Kalaallit Nunaat tamakkerlugu kommunimi isumaginninnermik sulialinnik qanimut suleqateqartarpoq nunalu tamakkerlugu katsorsaanermik pinaveersaartitsinermillu suliaqarnermi qitiusumik inissisimalluni.

Atorfik pillugu
Inuleriviup ingerlatsinerani sukkasuumik eqaatsumillu sulinissamik pingaartitsiffiusumi allaffissornermi piginnaasaqarluartumik sullissilluartumillu suleqatissarsiorpugut. Namminersorlutit sulisinnaassaatit aamma Inulerivimmi immikkoortortaqarfinni tamani sulisut ulluinnarni unammillernartut nalaattagaasa aaqqiissuteqarfiginissaannut tapersersuillutit suliassanik annerusunik minnerusunillu suliassannik ujartuisassaatit. Atorfimmut tulluukkumallutit ilinniartikkuminartuussaatit, aaqqissuussaasumik sulisassaatit, allannguutinut piareersimassaatit tamanullu suleqateqarsinnaassuseqarluarlutillu attaveqateqarsinnaassuseqarluassaatit.

Pingaarnertut ilaatigut suliassarissavatit:

• Ilanngussanik IRIS-imut allattuineq
• Qaammatit tamaasa ukiullu tamaasa naligiissaarinerit
• Suliffiup iluani PM-it
• Naatsorsuutinut tunngatillugu immikkoortortaqarfinnut tamanut siunnersuineq
• Angalanermi naatsorsuutinik misissuineq kiisalu akuersinerit
• Akiligassat akilerneqarnissaannut innersuussusiornerit
• Naatsorsuutinut ilitsersuusiorneq pequtinullu allattorsimaffimmik suliaqarneq
• Akunnermusianik qaammammusianillu suliaqarneq

Aamma ilaatigut uku suliarissavatit:

• Pisiat allagartaannik scannerineq
• Sulinngitsoortoqarneranut nalunaarsuutinik, oqarasuaatit normuinut allattorsimaffimmik nassiussinermilu attavissanik nutarterineq
• Pequtinik, qarasaasialerinermi atortunik ulluinnarnilu ingerlatsinermi nioqqutissanik inniminniineq kiisalu pequtinut allattorsimaffimmik suliaqarneq
• Suliffik atorneqarluarsinnaaniassammat, eqqiluitsuuniassammat immikkoortortaqarfiillu pisariaqartitaat naammassineqarsinnaaniassammata Inuleriviup illuutaasa pisiniarfigisartakkanit eqqortunit suliarineqartarnissaannik qulakkeerinninneq.
• Illuutit ingerlanneqarnerannut akisussaaqataaneq: Suliffimmi eqqiaasoqartarnissaanut, tassunga ilanngullugit eqqiaasoqarnissaanut pilersaarusiornissamut, pitsaassutsimik qulakkeerinninnissamut malitassallu malitseqarfigisarnissaannut allaffissornikkut akisussaasuussaatit
• Suliassat assigiinngitsut allat
• Allattoqarfimmi suliassanik isumaginninneq soorlu oqarasuaatikkut sianertunik, e-mailinik akisarnermillu suliaqarneq
• Katsorsaavimmi saaffiginnittarfimmiutut sulineq, tassa imaappoq innuttaasut saaffiginnikkaangata naapittassavatit ikiorlugillu
• Allagaataasiviup aaqqissuussaasumik ingerlanissaanik torersuunissaanillu isumaginninneq, allagaatit tigussaasut digitaliusullu pineqarput
• Sullitanik attaveqateqarneq aamma katsorsaaviup atuisullu akornanni attaveqatigiilluarnissamik qulakkeerinninneq
• Allaffissornermi suliassanik allanik isumaginninneq, tassunga ilanngullugit ataatsimiinnernik aaqqissuussanillu pilersaarusiorneq
• Suliffimmi avatangiisit innuttaasunut sulisunullu nuannersuunissaanut toqqissisimanartuunissaanullu tapersiineq
• Ulluinnarni sulinermi apeqqutinut tunngatillugu aqutsisunik sulisunillu ilitsersuineq avataanilu suleqatigisartakkanut attaveqarneq

Naatsorsuutigaarput illit:

• Naleqquttumik ilinniagaqartutit kiisalu kalaallisut qallunaatullu oqalunnikkut allannikkullu piginnaasaqarluartutit
• Assut sullissilluartuusutit, namminersorsinnaasutit, pisussaassutsimik eqquutsitsisuusutit, ikiuiumatuujusutit aalaakkaasumillu suliartortartuusutit
• Qarasaasiatigut piginnaasaqarluartutit paasissutissanullu nalunaarsuutinik suliaqarsinnaasutit, onlinekkut inniminniisarfinnik suliaqarsinnaasutit, ataatsimiigiaqqusissutinik suliaqarsinnaasutit aamma inissiamik nutsernissamullu inniminniisinnaasutit
• Suliassarpassuaqaraluarlutit eqqissisimaannarsinnaasutit eqaatsumillu sulisinnaasutit aamma inussiarnersuusutit – aamma ulapaarfiusumi

Ilinnut neqeroorutigisinnaasavut:

Aqutsisoqarfimmi illit piginnaasannik pingaartitsiffiusumi piginnaasannillu pisariaqartitsiffiusumi,

suliassarpassuaqarluni assigiinngisitaartunillu suliassaqarluni qitiusumik atuuffeqarneq

• Suliffik aalaakkaasoq nuannersunik sulisulik atugarissaarnermillu qitiutitsiffiusoq
• Meeqqanik inuusuttunillu isumaginninnermut suliassaqarfimmi politikkikkut suliniutinik pingaarutilinnik paasisimasaqarneq
• Aqutsisoq illit suliamut piginnaasannik tutsuiginnittoq, piviusorsiortumik piumasaqaateqartartoq illillu ineriartornissannik pingaarnersiuisoq
• Suliffik persuarsiorfiunngitsoq ataqqinniffiusorlu – aamma ulapaarnermi

Atorfik Saaffiginnittarfimmi inissisimavoq, tassani Inulerivimmi ingerlatsinermik, suleriaatsinik aamma suliffiup iluani avataanilu attaveqatigiinnermik pitsanngorsaanissaq sulissutigineqartarpoq. Saaffiginnittarfimmi sulisut peqatigalugit assigiinngitsunik suliaqartunut annertuumik akisussaaffeqalissaatit.

Marlunngornermi ulloq 26. august 2026 nal. 12.00 qinnuteqarnissamut killigitinneqarpoq. Ingerlaavartumik oqaloqatiginninnerit ingerlatissavavut, ulloq 1. september atorfinittoqarnissaa naatsorsuutigineqarpoq.

Akissarsiatigut atorfinitsitsinermilu atugassarititaasut

Akissarsiatigut atorfeqartitaanermilu atugassarititaasut, tassunga ilanngullugit atorfininnermut soraarnermullu atatillugu angalaneq pequtillu nutserneri tunngasut atorfininnerup nalaani Namminersornerullutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.

Sapaatip akunnerannut aallaaviatigut akunnerit 40-t suliffiussapput

Akissarsiatigut atorfinitsitsinermilu atugassarititaasut

Akissarsiatigut atorfeqartitaanermilu atugassarititaasut, tassunga ilanngullugit atorfininnermut soraarnermullu atatillugu angalaneq pequtillu nutserneri tunngasut atorfininnerup nalaani Namminersornerullutik Oqartussat kattuffiullu ilaasortaaffigisap isumaqatiginninniarsinnaatitaasup akornanni isumaqatigiissutit malillugit aalajangerneqassapput.

Sapaatip akunnerannut aallaaviatigut akunnerit 40-t suliffiussapput.

Najugaq
Inissiamik innersuussisoqanngilaq. Qinnuteqartoq Namminersorlutik Oqartussani atorfeqarnermini atorfimmut atatillugu ineqareersimappat sulisunut atatillugu ineqarsinnaatitaanini attatiinnassavaa. Atorfimmut atatillugu ini atorfeqarnermut tunngavoq, taamaalillunilu atorfeqarnerup unitsinnerani qimanneqassalluni.

Paasissutissat allat

Atorfik pillugu paasisaqarnerorusukkuit apeqqutissaqaruilluunniit immikkoortortaqarfimmi aqutsisup Thora Ludvigsenip thrl@nanoq.gl-mut imaluunniit tlf: +299 34 68 51-mut attaviginissaanut tikilluaqqusaavutit.

Qinnuteqaat, CV, soraarummeernermut uppernarsaatit pikkorissarsimanermullu uppernarsaatit uppernarsaatillu allat attuumassutillit ”Qinnuteqaat nassiuguk” toorlugu nassiutikkit.

E-mailikkut qinnuteqaatinik tigusineq ajorpugut.

Kalaallit Nunaat aamma Namminersorlutik Oqartussat pillugu paasissutissat sukumiinerusut pillugit paasisaqarusukkuit Inuleriviup nittartagaa www.inulerivik.gl takuuk