Isumaginninnermut Aqutsisoqarfik ilaqutariinnut paarsisartunut sullissisunut siunnersortissortimik sulisussarsiorpoq

Kalaallit Nunaanni tamarmi ilaqutariit paarsisartut pitsaassussaanik qulakkeerinneqataarusuppit, nukittorsaaqataarusuppit aamma inerisaaqataarusuppit? Suliaqarfik misilittagaqarfigiviuk imaluunniit soqutigiviuk aamma inunnik isumaginnittutut imaluunniit perorsaasutut ilinnniagaqarpit? Suleqatigiinnut ilaallutit Kalaallit Nunaanni kommunini ilaqutariinnut paarsisartunut siunnersortit piginnaasaasa allanngueqataasunut kivitseqatarusuppit? Taamaassimappat illit immaqa Isumaginninnermut Aqutsisoqarfimmi suleqatissaraatsigit nutaaq.

Atorfik pillugu
ilaqutariit paarsisartut nakkutilliisoqarfianni immikkoortuanni pikkorissumik soqutiginnittumillu sulisussarsiorpugut. Sulinernut ilaasumik illit kommunini ilaqutariinnut paarsisartunut siunnersortit tapersersortassavatit, siunnersorlugit aamma perorsaaneq, inatsisit aamma isumaginninnermik sulineq pillugu suleqatitit suleqatigalugit aqqutissiuuttassavatit. Taakkua saniatigut sulinermut ilaassaaq suliaqarfiup iluani ilisimasat nutaat malinnaaffigineqartassapput, ilaqutariit paarsisartut pikkorissartinneqartarnerini pikkorissaassutit inerisartassavatit pitsaassutsinillu qulakkeerinnittassaatit aamma ilaqutariinnik paarsisartunik siunnersortit aqqutissiuuttassavatit. Taamaattumik ilaqutariit inerisarlugit sulinermik misilittagaqarnissat iluaqutaassaaq, piumasaqaataanngilarli.

Atorfik paarisinnaaqqullugu suliassanik assigiinngitsunik amerlasuunillu sulinissarnut ammasuussaatit eqaatsumillu suleriaaseqassallutit, namminersorlutit sulisinnaassaatit, paasissutissanik ilisimasaqarlutit aamma inunnik allanik isumasioqatiginnittassaatit.

Suliassatit ilaatigut makkuussapput:

• Kommunini ilaqutariinnik paarsisartunik siunnersortit siunnersorlugillu aqqutissiuuttarlugit.
• Ilaqutariit paarsisartut pillugit suliani paasiuminaatsuni ilinniagaq aallaavigalugu ikiuunneq
• Ilaqutariit paarsisartut tunngaviusumik pikkorissartinneqartarnerisa aamma ilinniarteqqinneqartarnerisa ataqatigiissarnerini pilersaarusiornerinilu peqataaneq
• Ilaqutariit paarsisartut sullinneqarneranni ingerlatsinermut inerisaallunilu sulinermut peqataaneq suliaqarnerlu
• Suleqatit suleqatigalugit isumaginninnermik ilinniakkap iluani ilisimasat, suleriutsit sulinerillu ingerlaavartumik nutarterneri
• Ilaqutariit paarsisartut sullinneqarnerisa iluanni ilisimasanik katersineq aamma paasissutissanik ingerlatitseqqiineq
• Isumaginninnermut Aqutsisoqarfiup iluani avataanilu suliaqarfiit assigiinngitsut suleqatigiinnerini suleqataaneq
• Suliassanik assigiinngitsunik suliaqartarneq, soorlu assersuutigalugu suliniutinik inerisaanermi suleqatigiissitami peqataanerit aammalu pikkorissaaqataanerit 

Siunnersorti imaattoq ujarparput:

• Isumaginninnermut attuumassutilimmik ilinniagaqartutit, soorlu assersuutigalugu inunnik isumaginnermut siunnersorti, perorsaasoq assigisaalluunniit.
• Meeqqanik inuusuttunillu inuuniarnermikkut unammillernartumik inissisimasut sullinneqarnerannik misilittagaqartutit, ajornanngippallu ilaqutariit paarsisartut sullinneqarnerinik misilittagaqartutit.
• Pikorissaanermi ilisimasanillu ingerlatitseqqiinermik misilittagaqartutit aamma soqutigisaqartutit kiisalu pikkorissaanermi paasissutissanik pilersaarusiorneq, ataqatigiissaarinninneq inerisaanerlu misilittagaqarfigigitit.
• Namminersorlutit, aaqqissuussaasumik ilusilersukkamillu sulisinnaasutit aamma aaqqiissuteqarusussuseqartutit
• Attaveqallaqqissoq, oqaatsit allattariarsornerlu atorlugit
• Suleqatiginnillaqqissoq ataqatigiissaarinnillaqqissorlu
• Attaveqaatinik pilersitsillaqqissoq
• Nukittuffinnik ukkassinissamut soqutigisalik aamma inunnut allanut akuersaarluni suleqateqarusuttoq
• Oqaatsinik marlunnik atuisinnaasoq, kalaallisut danskisullu, piumasaqaataanngilarli.

Taakkua saniatigut imaattuuguit iluaqutaassaaq:

• Suliaqarfimmut attuumassuteqartumut ilinniaqqissimasoq
• Suliffeqarfimmi naalakkersuinermik suliallit aqutaanni sulinermik misilittagalik
• Inerisaalluni suliniutinik suliaqarnermik misilittagalik aamma nutaamik eqqarsallaqqissoq.
• Alapernaatsoq, pitsaasunik angusaqarnissamik eqqarsartartoq aamma suleqatigiinnermut nuannersumik pissuseqarluni peqataasartoq

Taakkua makkunannga pissarsissutigissavatit:

• Atorfik tamatigoortoq suliassanik allanngorartunik amerlasuunik pissanganartunillu ulikkaartoq, aqutsisoqarfimmit kommuniniillu pingaartinneqartoq aamma illit piginnaasarnik atorfissaqartitsisoq
• Meeqqat inuusuttullu, ilaqutariinni paarsisartuni inissinneqarsimasut, inuuniarnermikkut unammillernartumik inissisimasut aamma ilaqutariit paarsisartut sullinneqarnerini nukittorsaanissamik periarfissaqarneq.
• Suliaqarfiup eqqummaariffigineqartup qajannartup kivitseqataaffiginissaanut sunniisinnaaneq
• Ilinniagaq aallaavigalugu sulisut nukittuut, tassani isummanik avitseqatigiinnerit ikioqatigiinnerillu pitsanngorsaavigiuarniarlugit pingaartitarivagut
• Aqutsisup illit ilinniagaq aallaavigalugu sulinerit tatigigaa, piviusorsiortumik piumasaqartartoq illillu inerikkiartornissarnik ineriartorninnilu pingaartitsisoq
• Suleqatit pitsaasut, ataatsimoornissamik pingaartitsisut – aamma ulapaarnitsinni
• Qeratanngittumik oqaloqatigiittarneq aamma nammineq sulinermi sinaakkutigititanik sunniisinnaaneq
• Sulilluni angalanissamik periarfissat

Isumaginninnermut Aqutsisoqarfik Meeqqanut, Inuusuttunut Inatsisit Atuutsinneqarnerannut Naligiissitaanermullu Naalakkersuisoqarfiup ataani aqutsiveqarfiuvoq. Atorfik Isumaginninnermut Aqutsisoqarfiup Sullissisunut Siunnersuisarfiani inissisimavoq. Ilaqutariinnik paarsisartunik sullissinermut siunnersortitut taamaalillutit nuna tamakkerlugu kommunit ingerlanneqarnerini ilaqutariit paarsisartut inatsisitigut aamma inunnik isumaginninnermik ilinniarsimaneq aallaavigalugu sulinerup inerisarneqarnissaannik illit akisussaaffimmik angisuumik tapersersuinissarnut tunineqassaatit.

Ulloq atorfiniffik
1. november 2026 isumaqatigissuteqarnikkulluunniit.

Qinnuteqarfissaq kingulleq tassaavoq 20.september 2026 nal. 12.00 (Kalaallit Nunaata nalunaaqutaa malillugu)
Qinnuteqarfissaq naareersimatsiarpat atorfinititsiniarluni oqaloqatiginninnerit pissasut ilimagineqarput.

Akissarsiat aamma atorfeqarnermi atugassarititaasut 
Akissarsiat atorfeqarnermilu atugassarititaasut, matumani atorfininnermi soraarnermullu angalanerit kiisalu pisattat assartorneqarneri piffissap atorfininnerup nalaani Namminersorlutik Oqartussat aamma kattuffiup isumaqatiginninniuteqarsinnaatitaasup akornanni isumaqatigiissut atuuttoq naapertorlugu akilerneqassapput.

Piffissaq suliffiusoq tunngaviusumik sapaatip-akunneranut nalunaaquttap akunneri 40-pput.

Ineqarneq
Atorfik ineqartitsinngilaq. Qinnuteqartoq Namminersorlutik Oqartussani atorfimminut atatillugu ineqareersimaguni, atorfiup inigititaa piginnaarneqarsinnaavoq. Sulisup atorfeqarnerminut atasumik inia atorfeqarnermut atavoq aamma suliunnaarnermi inimit tassannga sulisoq anisussaassaaq.

Paasissutissat amerlanerit
Atorfik pillugu paasissutissat amerlanerit pissarsiarerusukkukkit, immikkoortortami pisortaq Mia Nielsen oqarasuaat +299 272505 imaluunniit maileq mine@nanoq.gl atorlugit pissarsiarisinnaavatit

Qinnuteqaat, siusinnerusukkut suliffigisimasat, ilinniarsimanermut pikkorissarnermullu uppernarsaatit kiisalu uppernarsaatit attuumassuteqarsinnaasut allat ”Qinnuteqaat nassiuguk” toorlugu nassiutikkit.

Maili atorlugu qinnuteqaatinik tigusineq ajorpugut.