Isumaginninnermi Aqutsisoqarfik ilaqutariinnut paarsisartunut supervisorissarsiorpoq

Ilaqutariit paarsisartut suliassaq annertoorujuk meeqqanut aamma inuusuttunut suliassaq kivittarpaat, meeqqat angerlarsimaffiup avataannut inissinneqarsimasut pitsaanerpaamik isumassuinissorneqarnissaat ikiorsiisarneqarnissaallu qulakkeerniartarlugu. Ilaannikkut suliaq ajornakusoortarsinnaavoq, aamma ilaqutariit paarsisartut pisup illua-tungaanut  saatsissallugu pisariaqartissinnaavaat, eqqartorlugulu qanoq iliorlutik paarsinissaq ingerlassinnaallugu. Inissiinerup aallartinnerata nalaani siusissukkut iluatsinngitsoorneq pinngitsoortinniarlugu, ilaqutariit paarsisartut meeqqallu  pitsaanerpaamik atugassaqartinniarlugit inissiilluarnissarlu qulakkeerniarlugu, atorfik supervisoritut pilersinneqarpoq kommuneni ilaqutariinnut paarsisartunut tapertaalluni siunnersiuisartussatut.

Atorfik pillugu
Isumaginninnermi Aqutsisoqarfimmi Ilaqutariit paarsisartut pillugit suleqatigiinni akuulissaatit, tallimanik siunnersiuisoqarpoq supervisoritut atorfiit ilanngullugit katinneranni tallimaapput suleqatigiit, ilaatigut tunngaviusumik – ilaqutariit paarsisartut pikkorissartarpaat, kiisalu siunnersuillutik kommuunini sullissisunut tapersersortaallutik, ilitsersuineq aamma siunnersiuineq kiisalu Ilaqutariinnut paarsisartunut suliassaqarfimmi sulianik suliarinnittarnerup iluani pikkorissaasarlutik.

Nakkutilliilluni siunnersiuisartutut tunngaviusumik suliassatit ukuussapput:

• Ilaqutariittut paarsisartunut ataasiakkaamik aamma  eqimattanut siunnersiuisarneq.
• Siunersiuinermi neqeroorutit ataqatigiissarnissaat.
• Meeqqat angerlarsimaffiup avataanut inissinneqarsimasut isumassornissaanut imaluunniit ajornartorsiummi inissisimanera aallaavigalugu siunersiuiffigalugu aamma ilitsersuiffigalugu, assersuutigalugu meeqqap angajoqqaallu najortigiinnerannut atatillugu qisuariaatai, sakkortuumik pissusilersortarneq, aliasunneq imaluunniit sakkortuumik misigisaqartarsimanerit.
• Kommune angerlarsimaffiup avataanut inissiinikuusoq suleqatigalugu, ilaqutariit paarsisartut, meeraq/inuusuttuaraq iliuusissatut pilersaarutaa tunngavigalugu ikorfartuineq.
• Siunersiuineq, ilitsersuineq, ilaqutariit paarsisartunut aaqqiagiinnginnermi nalerisaanermi suliaqarnermi tapersersuineq.
• Eqimattani ilitsersuinermi kiisalu saqqummiinermi ilinniartitsissutissanik piareersarnernik suliaqarneq.
• Ilaqutariinni paarsisartunut inatsisitigut piumasaqaataasunik pikkorissartitsinissamut pikkorissartitseqqinnissamullu pilersaarusiornermi siunersiuisut peqatigalugit suleqataaneq.
• Oqaloqateqarluni oqilisaanermik neqeroorutip iluanni kommunini ilaqutariinni paarsisartunut siunnersuisut peqatigalugit suleqatigiinneq.
• Kommuunini ilaqutariinni paarsisartut siunnersortinut isumassarsioqatigiissitsisarneq imaluunniit ilaqutariinnut paarsisartunut kommunini imaajaalluni oqaloqatiginnittartumut isumasioqatigiinneq.
• Suliassat takkussuuttut peqataaffigalugit suliakkiutigineqartunullu peqataaneq.

Ilinnut tunngasut
Sulilersinnaasutut tulluarluinnartoq oqaloqateqarluni oqilisaanermik assut misilittagaqartoq aamma meeqqanik inuusuttuaqqanullu sullissisunut eqimattanngorlugit imaajaalluni oqaloqatigiinnernik ingerlatsinermik misilittagalik, taamaalillunilu perorsaanermut tunngasunik ilitsersuisinnaassalluni taamatullu ilaqutariit paarsisartunut siunnersuillunilu ilitsersuisinnaassalluni meeraq atugarisseqqinnissaanut pitsaanerpaamik qanoq iliortoqarsinnaaneranik, soorluttaaq eqqarsartaatikkut misigissutsikkullu paaqqutarinnittunut oqilisaasinnaassalluni siunersiuisinnaassallunilu.

Sulianut inunnullu ataatsimut isiginnillutit pullaveqarsinnaassuseqarputit aamma assersuutigalugu isumassuinermik, killiliinernik, suleqatigiinnermik, qanorlu meeraq inuusuttuararluunniit erloqinartumik pisoqartillugu qaangerniarnissaannut ilitsersuisinnaallutillu siunnersiuisinnaassasutit.

Naatsorsuutigaarput illit:

• Isumaginninnerup  tunngasut iluanni naleqquttumik ilinniagaqarsimasuusutit soorlu perorsaasutut, isumaginninnermi siunnersortitut, psykologi imaluunniit assigisaannik ilinniarsimasuussasutit.
• Ilinniaqqinnermi ilinniagaqarsimassasutit assersuutigalugu imaajaalluni oqaloqatigiittarnermi, ajunngilaq aaqqiiniarluni oqaloqateqartarnermut aamma eqqarsartaatsimik tunngaveqarluni eqqartuisarnerit aallaavigalugit inuttut pissusilersornermi, ilisimasaqaruit.
• isumaginninnermut inatsisinik ilisimasaqartutit
• Angerlarsimaffiup avataanut inissiisarneq ilisimasaqarfigissagit, meeqqanik inuusuttuaqqanillu angerlarsimaffiup avataanut sullissisoqartarneranik misilittagaqartutit.
• Meeqqat inuusuttullu atugarliortut qisuariaataanullu ilinniarsimasutut annertuumik ilisimasaqarfigissagitit.
• Ilaqutariinnut paarsisartunut suliassaqarfimmi sulianik suliarinnittarnermut ilisimasalik, pitsaassaaq ilaqutariinni paarsisartuni siunnersortitut misilittagaqaruit.
• Sunniuteqarsinnaalluarluni sulilluartuusoq, suleqateqaqqillaqqissoq, naleqartitanik najoqqutallu aallaavigalugit tunniusimalluni sulilluni aamma nammineersinnaasoq.
• Ulluinnaat ilaanni ulappuffioqisuni paasiuminaatsunillu suliassarpassualimmi ataatsimoortumik takunnissinnaasoq ataqatigiissitsisinnaasorlu aamma pinartuni pisoqartillugu naleqqussarsinnaasoq.
• Nammineq suliassat ammaffigissagitit aamma tapersersuinssaq ilinniarnissarlu siunertaralugu ujartuisoq.
• Attaveqatigiinnermi pitsaasumik piginnaasaqarneq.
• Eqaattumik suliaqallaqqissoq.
• Marluinnik Kalaallisut danskisullu oqaaseqartuusoq.

Uagut pilluta
Isumaginninnermut Aqutsisoqarfik immikkoortortaqarfinnut tallimanut agguataagaavoq: Pitsaaliuinermut Immikkoortortaqarfik Paarisa, Ulloq Unnuarlu Inissitsiterinermullu Immikkoortortaqarfik, Sullissisunut Siunnersuisarfik, Aningaasaqarnermut immikkoortortaqarfik, Allattoqarfillu. Atorfik Sullissisunik Siunnersuisarfimmi Immikkoortoqarfimmi inissisimavoq, assigiinngittukkaanik suleqatigiittoqarpoq, kommunini  meeqqanut inuusuttuaqqanullu susassaqarfinnut attuumassutillit  kiisalu ilaqutariittut paarsisartut sullissisut tapersersortai. Tamatuma avataatigut Meeqqanut aamma Ilaqutariinnut Sullissiviit, Ilaqutariit Illui tapersersortarpagut, aamma ilaqutariinni aqqutissioqatigiitsitinermi ilinniartitsisarpugut, kiisalu ilaqutariit paarsisartunut pikkorissaasarluta.

Ulloq atorfiniffissaq
Novemberip 1.-iani 2026 isumaqatigiissuteqarnikkulluunniit.

Qinnuteqarnissamut periarfissaq kingulleq tassaavoq ulloq septemberip 1.-iat 2026.
Atorfinitsitsinissamut oqaloqatiginninnerit taassuma kingorna pinissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerit
Atorfik pillugu itinerusumik paasisaqarusukkuit, immikkoortortaqarfimmi pisortaq Mia Nielsen oqarasuaammut +299 272505 imaluunniit mail-imut uunga allaffigalu mine@nanoq.gl