Namminersorlutik Oqartussat Nuummi ilanngaaserisartunik sulisussarsiorpoq.

Namminersorlutik Oqartussat Nuummi ilanngaaserisartunik sulisussarsiorpoq.

Ilanngaaserisut allat suleqatigissavatit timmisartunillu angalasut, silaannakkut assartuinerit, allakkanik umiarsuakkullu nassiussanik nakkutiginnissaatit kiisalu ilanngaaserinermi suliassat allaffissornertai suliarissallugit.

Kalaallit innuttaasuisa toqqissisimasuunissaat anguniarlugu sulissuteqarusuppit? 

Taamaappat Nuummi Ilanngaaserisutut atorfik ilinnoorsimassaaq?

Akileraartarnermut Aqutsisoqarfik Nunatsinni akileraartarnermut pisortani qullersaasoq akileraarutinik, akitsuutinik akiliisitsiniarnermillu ingerlatsinermut akisussaasuusoq ilanngaaserisunik (akileraartarnermut akitsuusiisarnermilu siunnersortit) ilaatigut suliffimmut atatillugu qimmeqarsinnaasumik septembarip aallaqqaataani 2026-mi isumaqatigiissuteqarnikkulluunniit atorfinissinnaasunik sulisussarsiorpoq.

Nuummi Ilanngaaserisutut Kalaallit Nunaanni ilanngaaserisut allat suleqatigissavatit. Taamaattumik suleqatigiilluarnissamik pingaartitsinissat pingaaruteqarpoq, aaqqiissutissanik ujartuillaqqinnissat ulluinnarnilu ulapaarfiusinnaasuni suliassanik kiffartuussinermillu pitsaalluinnartumik naammassinninnissamik kajumissuseqarnissat.

Aaqqissuussaanikkut inissisimaffik suliassallu:

Atorfiit Akileraartarnermut Aqutsisoqarfimmi Akileraarutit Nakkutilliinerlu Immikkoortortaqarfimmi Ilanngaaserisut Akitsuusersuinermilu allaffiup ataani Nuummi inissisimavoq.

Immikkoortortaqarfimmi uku suliassaqarfiupput: 

• Ilanngaaserisutut suliassatit ukuusapput: Timmisartukkut angalasunik nakkutilliinerit.
•  nassiussanik aammalu umiarsuakkut nassiussanik
• Timmisartunik umiarsuarnillu il.il. ornigulluni nakkutilliiartornerit.
• Sineriammi ilanngaaserisut tassungalu ilinniartut nakkutigineri.
• Ilanngaaserinermi suliassat matumani aarlerinaateqarsinnaasunik misissuineruit, eqqussuinermi annissuinermilu immersukkanik misissuinerit, nakkutilliinermi nalunaarusiornerit il.il. 
• Nioqqutissanik eqqussuineq annissuinerlu pillugit tikinnermilu inatsisit attuumassuteqartut. 
• Suliamut attuumassuteqartut atortorissaarutit matumani qarasaasiatigut atortorissaarutit illup iluani avataanilu aamma scannerutit.
• Qimmilerisutut ilinniarsimaneq aamma Kalaallit Nunaanni Danmarkimilu pikkorissarsimanissaq.
• Nakkutilliinermut periusissiorneq ilanngaaserisutullu suliassat pillugit sammisaqartitsineq.
• Danmarkimi Kalaallit Nunaannilu umiarsuarmi inini matoqqasuni il.il. ilinniarsimaneq.

Suliffiit allanngorartussaammata angalangaatsiartartussaallutillu sap. ak. naanerini sulisarnissat aamma naatsorsuutigissavat.

Piginnaasat

Atorfimmut qinnuteqartutut pissusissamisoortumik oqartussaassuseqarnissat, attaveqatikkuminartut allanillu oqaloqateqarsinnaassuseqartutit, suleqateqarsinnaasutit namminersorsinnaallutilli, suleqatikkuminartutit, piffissat ilaanni timikkut assoroornarsinnaasumik suliffeqarusuttutit, ammasuussutit, kalaallisut, qallunaatut tuluttullu piginnaasaqarluartutit.

Qimmiuteqarnermut sungiusimalluartutit suliffimmullu atatillugu qimmiuteqarnermi misilittagaqaruit iluaqutaasaaq.

Sapaatip akunneranut suliffigisassat akunnerit 40 tiimiupput Akunnerit suliffiusut allanngorarnissaat naatsorsuutigineqassaaq matumani sap.ak. akunnerit naanerini aammalu nalliuttuni.

Annertunerusumik paasissutissat 
Annertunerusumik paasisaqarnerorusukkuit; Allaffimmi Pisortaq Arkaluk Vold oqarasuaatikkut  (+299) 34 65 84, e-mail arvo@nanoq.gl attavigisinnaavat.

Akissarsiat atorfeqarnermilu atugassarititat

Akissarsiat atorfeqarnermilu atugassarititat, matumani atorfininnermi soraarnermilu angalanissamut pisattanik nassiussinissamut akiliunneqarsinnaatitaanermut piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissutit naapertorlugit pissapput.

Ineqarneq

Atorfimmut atasumik inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

Mailikkut qinnuteqaatinik tigusineq ajorpugut.