Allagarsiuteqqitaq: Inulerivik katsorsaasumik meeqqanut inuusuttuaqqanullu oqaloqatiginnissinnaasumik sulisussarsiorpoq

Allagarsiuteqqitaq: Inulerivik, meeqqanik inuusuttuaqqanillu sakkortuumik nalaataqarsimasunik, oqaloqatiginnissinnaasumik/katsorsaasinnaasumik sulisussarsiorpoq 

Katsorsaanermik ilisimasaqarluarpit? Meeqqanik inuusuttuaqqanillu sakkortuumik nalaataqarsimasunik, soorlu nakuusernermik, kinguaassiuutitigut atornerlunneqarnermik, qanigisamik annaasaqarnermik imaluunniit imminut toqunnissamik eqqarsaateqarnermik nalaataqarsimasunik ikiuinissat pingaartippiuk uummateqarfigalugulu? Taava illiusinnaalluarpoq Inulerivimmi oqaloqatiginnittartussaq/katsorsaasussaq ujagarput. 

Atorfik pillugu: Sulisunik pikkorilluinnartunik, suliamut tunniusimalluinnartunik, suleqatitaarnissamut periarfissiivugut. Inulerivimmi meeqqanik inuusuttunillu sullissisutut, sallertut meeqqanik inuusuttuaqqanillu sakkortuumik nalaataqarsimasunik sullississaatit. Meeqqanik inuusuttuaqqanillu katsorsaanerup siunertaraa, nalaassimasap sakkortuup kingunerluutigisimasaanik mamisaanissaq, timikkut tarnikkullu peqqinnerulernissaq taamatullu siunissaq qaamanerusoq. Katsorsaanikkut piginnaasatit atorlugit, tapersersuinikkut aqqutissiuussinikkullu, meeqqanik inuusuttuaqqanillu sullisseqataanissannut periarfissiivugut.

Suliassatit tassaapput:

• Sakkortuumik nalaataqarsimasunik inunnik ataasiakkaanik eqimattakkaanilluunniit oqaloqatigiinnikkut katsorsaanermik ingerlatsineq. 
• Katsorsaanermut pilersaarutinik ineriartortitsiuarnerit, sullinneqartut ataasiakkaat nalaassimasaat pisariaqartitaalu naapertorlugit naleqqussaaneq.
• Pikkorissaaneq/Piginnaasanik Ineriartortitsineq, ass. sakkortuumik nalaataqarnermi kingunerluutit pillugit, sammisanillu allanik tarnip pissusaanut tunngasut. 
• Angajoqqaanik, atuarfeqarfinnik aamma susassaqartunik allanik suleqateqarneq, meeqqanut aamma inuusuttuaqqanut ataatsimut isiginneriaaseqalernissaq tapersersuinerlu  pilersinniarlugit.
• Siunersiuinermi peqataaneq, saqqummiinerit aamma suliarinninnermi pitsaassuseq qaffasissoq qulakkeerumallugu suliamut ingerlaavartumik ineriartortitsineq. 

Suleqatissarput tassaassaaq:

• Kalaallisut qallunaatullu oqalussinnaasoq.
• Tarnip pissusaanik immikkut ilisimasalik (psykologi) imaluunniit tarnikkut katsorsaasoq (psykoterapeuti), sakkortuumik nalaataqarsimasunut katsorsaasutut allatulluunniit ilinniagaqarsimasoq misilittagaqartorlu, imaluunniit sakkortuumik pisoqarsimatillugu upalungaarsimasutut nukinginartumik katsorsaanermik ilisimasalik. 
• Meeqqanik inuusuttuaqqanillu sakkortuumik nalaataqarsimasunut, attaveqarsinnaanermut  tatiginninnermullu tunngasunik piginnaasalik. 
• Inunnik assoroornartumi inissisimasunik paasinnissinnaasoq, tusarnaarsinnaasoq aammalu tapersersuisinnaasoq. 
• Meeqqanik inuusuttuaqqanillu sakkortuumik nalaataqarsimasunik, oqaloqatiginneriaatsinik periuutsinillu ilisimasalik. 

Uagut neqeroorutigaavut:

• Suliffeqarfik ikorfartuisoq, pimoorussisoq, ilisimaarinnilluartoq uummaarissorlu, suliamik ilinniarfigisimasami ineriartornissamik periarfissalik.   
• Suliffeqarfik inissaqartitsilluartoq, sulisullu iluarisimaarnissaanik pingaartitsingaatsiartoq. 
• Immikkoortortaqarfik inerisarneqarluartoq peqataaffigilissavat.
• Suleqatitaassaatit ilinniarluarsimasunik avitseqatigilluarsinnaasanillu.
• Atorfik suliat tungaatigut inuttullu ineriartorfigissaartoq.
• Meeqqat inuusuttullu inuunerinik allanngueqataanissamik periarfissaqarneq. 
• Ajornartorsiornerup kingunerlutsitsinerillu iluini pikkorissarsinnaanermut aamma ataavartumik oqaloqatigiinnikkut imaajarneqartarnermik periarfissalik. 

Atorfik qitiusumik katsorsaavimmi inissisimassaaq, siornatigut Immikkoortortaqarfik Inulerinermut Immikkoortortaqarfimmi, Isumaginninnermut Aqutsisoqarfimmiittut sulisui peqatigalugit.  Katsorsaavimmi sullissivimmi atorfilittut illit Meeqqanik sullissisut ataaniissaatit, taamaattumik aamma Meeqqanik katsorsaasut angalasartut katsorsaasut pisortaanut aammalu Inuleriviup pisortaagallartuanut attaveqartassaatit. Inulerivik nuna tamakkerlugu katsorsaanerit assigiinngitsut isumagisarpaat. 

Atorfik pillugu paasissutissat
Sapaatip akunneranut akunnerit 40-t sulisassaatit, atorfik Nuummi inissisimavoq. Atorfimmut atatillugu angalallattaartarnissaq naatsorsuutigineqassaaq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Akissarsianut atorfeqarnermilu atugassarititaasut                                                                                                         
Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Paasissutissat annertunerusut
Atorfik inuttalerneqarusuppoq 1. December

 imaluunniit isumaqatigiissuteqarnikkut.

Ingerlaavartumik qinnuteqartunik oqaloqateqartoqartassaaq. 

Paasisaqarnerorusukkuit uku attavigisinnaavatit:

• Inulerivimmi pisortaq Naja Lund Kielsen, mail: nalk@nanoq.gl, imaluunniit oqarasuaat +299 56 26 27
• Chefpsykolog Katsi Kleist-Eriksen, mail: kate@nanoq.gl

Qinnuteqaat, imminut ilisaritinneq (CV), ilinniarsimanermut aamma pikkorissarsimanermut uppernarsaatit, pappiaqqallu attuumassutillit "Qinnuteqaat nassiuguk" toorlugu nassiutikkit.

E-mail aqqutigalugu qinnuteqaatit nassiussat tiguneq ajorpagut.

Tusarfiginissat qilanaaraarput!