Pissassarfik, Nuna Tamakkerlugu Inunnik Innarluutilinnik Sullissivik eqqiaasussarsiorpoq
Pissassarfimmi innuttaasunut suleqatinnullu eqqiluitsunik, iseruminartunik aamma eqqiluisaarnermi sinaakkuteqartitsinermik qulakkeerinneqataarusuppit?
Ulloq atorfiniffissaq 1. Januaari 2027 imaluunnit isumaqatigiissuteqarnikkut.
Atorfik Pillugu
Pissassarfik eqqiaasumik akisussaaffeqartumik peqqissaartumillu, ulluinnarni qitiusumik illorsuup inillu eqqiluitsuunissaannik, iseruminartuunissaannik aamma takujuminartuunissaannik isumaginnittussamik pissarsiorpoq.
Eqqiaasutut ulluinnarni qitiusumik init, tassunnga ilanngullugu sungiusarnermi atortunik eqqiaanissaq, perusuersartarfimmi atortunik eqqiaassutinillu ilioraanissaq akisussaaffigissavatit. Tassunnga atatillugu eqqaavinnik imaarsineq, naasunik imerterineq aamma suliassat allat suliffimmik eqqiluitsitsisut ingerlalluartitsisullu aamma suliarisassavatit.
Innuttaasut tikinnginneranni aallarneratalu kingorna ineqarfik inillu piareersarlugillu eqqiarnissaat isumagissavat. Pikkorissartoqartillugu aamma naapitsitsisoqartillugu suliassanik, iggavimmi suliassat ilanngullugit ikiuuttarnissat aamma naatsorsuutigineqarpoq.
Atorfimmi nammineerfeqartumik, peqqissaartumik aamma illorsuup eqqiaanermut piumasaqaataannik taakkuninngalu naammassinninnissamik sulisarnissat piumasaqaataavoq.
Naatsorsuutigaarput:
- Eqqiaanermut eqqiaariaatsinillu misilittagaqartutit ilisimasaqartutillu.
- Peqqissaartumik, ilusilersukkamik aamma torersumik eqqumaffiginnittumillu sulisinnaasutit.
- Nammineerfeqartumik ullormullu suliassannik akisussaaffeqartumik sulisinnaasutit.
- Eqaatsumik periuseqartutit illorsuarmilu pisariaqartitsineq aallaavigalugu ikiuunnissamut piareersimasutit.
- Suleqateqallaqqissuusutit, suliffiullu atugarissaarneranut avatangiisaanullu nuannersumik tunniusseqataasutit.
- Suliffinni patajaatsuusutit, akisussaaffeqartutit tunniusimasutillu.
- Kalaallisut, aamma qallunaatut oqalussinnaaguit pitsaassaaq.
- IT-mik atuisinnaasutit.
Neqeroorutigaarput:
- Atorfik imaqarluartoq, akisussaaffilimmik nammineerfeqarfilik allanngorartunik suliassaqarfilik.
- Suliffimmi, innuttaasut pissassarnerannut aamma ulluinnarni sulisut avatangiisaannut suliatit isumaqarfiusut.
- Suliffik isumalimmik siunertalik, inunnut innarluutilinnut naammassisaqarfiusoq aamma inuit innarluutillit immikkoortortaanni sulianik ilisimasalinnut nukittorsaaffiusoq.
Qulaani allaaserisami imarisat naammassisinnaagukkit, taava atorfik una ilinnut piukkunnarpoq. Nittartakkatsinni www.pissassarfik.gl-imi annertunerusumik paasisaqarsinnaavutit, tassunngalu atatillugu Sullissiviup pisortaata aamma attaviginissaanut tikilluaqqusaavutit.
Naja O. Lennert
Oqa.: +299 34 50 78
E-mail: naja@nanoq.gl
Kalaallit Nunaanni Naalakkersuisoqarfimmi sulineq pillugu annertunerusumik paasisaqarusukkuit www.naalakkersuisut.gl-imi ”Atorfiit” ataanni paasissutissat atuarsinnaavatit.
Qinnuteqarfissatut piffissaliussaq: 4. Decembari 2026
Sapaatip akunnera 50-mi oqaloqatiginninnissat naatsorsuutigissavat. Tulleriiaarineq malillugu oqaloqatiginninnernik ingerlatsinissamut piginnaaffeqartippugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job
Imaneq 1
Postboks 1015
3900 Nuuk
+299 34 50 00
GLN numre
example@mail.com