AC-Fuldmægtigi imaluunniit Specialkonsulenti suliassaqarfiit akimorlugit projektinik ingerlatsiviusumi atorfimmut, analyselerinermut, sektorplanilerinermullu Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut

Sulilerfissaq pr. 1. september 2026 imaluunniit sukumiinerusumik isumaqatigiissuteqarnikkut.

Afdeling for Økonomi, Personale & Studieforvaltning ilinniartitaanerup iluani angusanut ineriartortitseqataasussamik nukittorsaaqataasussamillu nutaamik suleqatissarsiorpoq. Suleqat suleqatiminut naaperiaasinnaassusilik suleqateqallaqqissorlu politikkikkut aqunneqartumi suliffeqarfimmi ingerlalluarsinnaasoq, piginnaasaqarfiillu tværgående projekter, analysearbejdet aammalu sektorplanit iluini pikkoriffilik pisariaqartipparput.

Ilinniartitaanerup ineriartortinnissaa pingaartinneqarpoq, tamat ilinniartitaanikkut periarfissaqarnissaat taamaaliornikkullu suliffeqarfiit ilinniarluarsimasunik sulisoqarnissaat qulakkeerumallugu. Kulturimut aningaasaliissutit inuiaqatigiit ataatsimut pigisaattut ineriartortittuarnissaata qulakkeerneqarnissaannut avaqqunneqarsinnaanngitsutut isigineqarput. Timersornermut aningaasaliissutit timersornermik ingerlateqartunut apuuttarnissaat ujartorneqarpoq, timersorneq inooriaaseq aallaavigalugu inuunerluutinut illuatungiliisussatut aqutitut isigineqarmat. Taamatuttaarlu ilageeqarneq inuiaqatigiit sannaanut ilaalluartuuvoq.

Aningaasaqarnermut Immikkoortortaq kikkut tamarmik aaqqissuussaanermut nutaamik eqqarsarluni aaqqiissuteqarnissaannik periarfissillugit suleqatigeeriuseqarpoq. Ataqatigiissaarluakkamik suleriuseqaruit, suleqatigiissuteqarnermut sammisuullutit tunngaviusumillu aningaasaqarnermut paasisimasaqarlutit, immaqaavoq tassa illit aningaasaqarnermut immikkoortortami suleqatitaassarput.

Illit inuttut piginnaasatit:

Suleqat suliaminut tunniusimalluartoq, eqimattakkaani sulinermik piginnaanilik piumassusilillu, taavalu inerikkiartornermik pingaartitalik ujartorparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermik politikkikkullu sullissinermik suliaqartussaq.

Takorusupparput:

• Naleqquttumik akademikeritut kandidatimik ilinniagaqartuusutit, assersuutigalugu Cand.Scient.Soc., Cand.Scient.Adm., Cand.Comm. imaluunniit Cand.Mag.
• Assingusumik suliaqarnermik misilittagaqartutit imaluunniit pisortani atorfeqarnikuusutit.
• Attaveqaqatigiinnermut ataqatigiissaarinermullu silappaarissuusutit ilaatigut analyserapportinik, konceptnotenik aammalu sektorplaninik suliaqarsinnaassuseqartutit.
• Kvalitativimik suliaqarnermik misilittagaqartuusutit, pingaartumik afrapporteriinermik inunnullu attaveqariutsinik misilittagaqartutit.
• Systemit inunnut naleqqussarnissaanik piginnaasaqartutit.
• Piffissap sivikitsup iluani paasissutissarpassuit pulaffigisinnaagitit, taakkulu inuppassuarnut paasinartunngorlugit ingerlatitseqqiisinnaasutit.
• Inuiaqatigiit kalaallit pillugit Kalaallit Nunaannilu pisortat aaqqissuussaanerat pillugu ilisimasaqartuusutit.
• Oqaatsitigut piginnaasaqarluartuusutit, takorusussinnaavarput kalaallit oqaasiinik tuluillu oqaasiinik piginnaasaqarluartuusutit.
• Suliat ajornakusoortut qulaaniit takunnissinnaassuseqarlutit ingerlassinnaagitit, paasissutissallu paasinartunngorlugit erseqqissuliorlutit politikkikkut aalajangiiffissaliorsinnaasutit.
• Aalajangiisartunut attaveqarnermik avataaniillu soqutigisaqartunut attaveqarnermik misilittagaqartutit.

Suliassat aalajangersimasut: 

• Naalakkersuisoqarfiup akisussaaffigisaa tamakkerlugu rapportinik aammalu sektorplaninik ineriartortitsineq pilersitsinerlu.
• Oqaasissiornernut, attuumassuteqartut ilanngussuunnerinut aammalu sammivissaliornermik suliaqarsinnaassuseqartutit, assersuutigalugu inuusuttut malinnaavigisariaqartunut piumalersitsinermik aaqqissuussiniarnermi politikkikkut sulinermut attuumassutilimmi.
• Ineriartortitsinermi projektinik datalerinertalinni datalerinertaqanngitsunilu ikiuulluni suliaqarneq.
• Suliassaqarfiit akimorlugit ineriartortitsinermi projektinut peqataaneq, aamma nunat tamalaat akornanni ilinniartitaanerup iluani suliaqarnerit allat.
• Notatiliornerit, politikkikkullu akissusiornerit, oqaaseqaasiornerit, tusagassiutilerinerit il.il.
• Aalajangiiffissiornerit, politikkiliornerit, strategiiliornerit, suliffeqarfiullu atugassaanik malittarisassiornerit.
• Suleqatit qaninnerit paasissutissanik avitseqatigiittarnerini ilaaneq.
• §37-akissuteqaasiornerit, susassaqarfiullu iluani avataanit apeqquteqartunut akissusiornerit.
• Suleqatigiissitanut peqataanerit, suliffiup iluani imaluunniit Naalakkersuisoqarfiit akunnerini pisortaqarfiillu akunnerini.
• Naalakkersuisumut politikkikkut sullissinerit, taamatullu Naalakkersuisut tamarmiusut ilinniartitaanerup iluani apeqqutinik suliaqarnerini sullissineq.
• Suliffeqarfiup aaqqissuussaanerata ineriartortinneranik pisariillisarneranillu peqataaneq.
• Naalakkersuisoqarfimmit naalakkersuisoqarfiup ataani ingerlatsivinnut inassutinik ilitsersuutinillu paasissutissiinermik suliaqarneq.
• Oqaasissiornernik afrapporteriinernillu sulianik ataasiakkaanik suliaqarneq.

Atorfimmi sunniuteqaqataanissamik akisussaaffeqarnissamillu periarfissalimmi sulianillu assigiinngisitaartunik imalinnik suliaqarnissamik periarfissaqarpoq, taamatullu suleqatigiilluarnermik suliallu pillugit avitseqatigiinnissamittaaq periarfissaqarluni.

Aningaasarsiat atorfininnermilu atugassarititat

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Toqqagassamut tulluussarluarsimasumut ukiuni arlalinni misilittagalimmut, immikkut nalilersuereernerup kingorna, atorfininneq specialkonsulentit atugassarititaat aallaavigalugu pisinnaavoq. Ukiuni arlalinni pecialkonsulentitut misilittagalimmut, immikkut nalilersuereernerup kingorna, atorfininneq chefkonsulentit atugassarititaat aallaavigalugu pisinnaavoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut qinnuteqaat nassiuguk toorlugu nassiutikkit.
E-mail-ikkut qinnuteqaatinik tigusineq ajorpugut.