Pinngortitaleriffimmi paasissutissalerisussarsiorneq (Datamedarbejder)

Pinngortitaleriffiup Avatangiisinut Aatsitassanullu Immikkoortortaqarfianut suleqatissarsiorpugut, uumassusillit pinngortitarlu pillugit paasissutissanik misissueqqissaarnermik suliaqartussamik.

Pinngortitaleriffik Nunatsinni Namminersorlutik Oqartussanut uumassusillit pisuussutit pinngortitamilu pissutsit pillugit nalinginnaasumik siunnersortuuvoq.

Immikkoortortaqarfiup suliassai tassaapput aatsitassarsiornermut atatillugu avatangiisinik pinngortitamillu illersuineq pillugu siunnersuineq nakkutilliinerlu, silap pissusaata allanngoriartornerani nunami avatangiisinik nakkutilliineq kiisalu Nunatsinni immap naqqanut, pinngortitamut avatangiisinullu tunngasunik paasissutissanik suliaqarneq. Tamatuma saniatigut suliniutit attuumassuteqartut arlallit ingerlanneqarlutik.

Immikkoortortaqarfik Pinngortitaleriffillu pillugit annertunerusumik uani paasisaqarit: https://natur.gl/.

Suliasssat

Nunatsinni pinngortitamut tunngasunik nunap ilusaanut inissisimaffimmullu tunngasunik paasissutissanik (spatial data) misissueqqissaarneq saqqummiussinerlu pingaarnertut suliarissavat. Sulinerit ilisimatusartunik siunnersortinillu Pinngortitaleriffiup suliaqarfiini assigiinngitsuni suleqateqarlutit ingerlanneqassaaq.

Naatsorsuutigineqarpoq ataani pineqartut akisussaaffigissagitit: 

• Pinngortitaleriffiup paasissutissanik katersugaai aaqqissuunnissaat annertusarnissaallu.
• GIS-imi (QGIS aamma ArcGIS), SQL-imi kiisalu Python/R-imi nunap ilusaanut inissisimaffimmullu tunngasunik paasissutissanik suliarinninneq misissueqqissaarnerlu.
• Saqqummiussanik takussutissianik, nunap assinginik allanillu saqqummiussassianik suliaqarneq.
• Pinngortitaleriffiup paasissutissanik katersugaasa ArcGIS Online aqqutigalugu il.il. saqqummiunneqarnissaat.

Aammattaaq naatsorsuutigineqarpoq ukunani peqataanissat:

• Pinngortitaleriffiup suliaqarfiini assigiinngitsuni suliniutinut suliassanullu allanut.
• Sonar atorlugu uuttortaanermit points cloud-paaissutissanik suliaqarnernut.
• Paasissutissat pillugit suleqatit, avataaneersullu suleqatigisanut soqutiginnittunullu attaveqarneq.

Piginnaasat

Ingerlariaqqiffiusumik naammaginartumilluunniit soorlu kandidatimut bacheloritulluunniit ilinniagalimmik, soorlu paasissutissanikk misissueqqissaarnermik, geofysikimi, geoinformatikimi, nunalerinermi, landinspektøritut, landbrugsvidenskabimi imaluunniit ilisimatusarnermi taakkununnga assingusunik ilinniagalimmik pissarsiorpugut. Paasissutissanik paasissutissanillu katersivimmi aqutsinermik misissueqqissaarnernillu misilittagaqartuussaatit, soorlu R, SQL, Python, QGIS aamma ArcGIS Pro atorlugit.

Kalaallisut inuiaqatigiinnilu Kalaallit Nunaanni ilisimasaqarneq iluaqutaassaaq, piumasaqaataananili.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Suliffeqarfik Nuummiippoq. Assersuutigalugu nunami misissuinernut ataatsimiinnernullu atatillugu angalasarnissaq naatsorsuutigineqassaaq.

Atorfinitsitsineq pissaaq 1. februari 2027 imaluunniit sapinngisamik tamatuma kinguninngua.

Sapaatip akunneranut suliffik akunnernik 40-nik sivisussuseqassaaq.

Atorfik pillugu paasissutissat sukumiinerusut immikkoortortaqarfimmi pisortamut Karl Zinglersenimut saaffiginnilluni pissarsiarineqarsinnaapput, oqarasuaat +299 361200, kazi(at)natur.gl.

Qinnuteqarfissaq kingulleq: 30. november 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.