Campus Kujallermut qarasaasialerisoq

Campus Kujallermi qarasaasialerisussamik inuttassarsiuineq  

Campus Kujalleq (CAK) Qaqortumiittoq qarasaasialerisumik inussiarnersumik, aalajaatsumik sullerissumillu 14. september 2026 aallarnerfigalugu imaluunniit isumaqatigiissuteqarnikkut atorfinittussamik inuttassarsiuussivoq.

CAK tassaavoq ilinniarfinnik assigiinngitsunik ingerlatsisoq; ilinniarnertuunngorniarfik, Tunngaviusumik Niuernermik Ilinniarfiit kiisalu takornarialerisunngornianut ilinniarfik.

Qarasaasialerisutut atorfinittussap ilinniarfeqarfiup qarasaasiaqarnikkut systemii akisussaaffigissavai, taakkulu ilinniarfeqarfiup immikkoortuini assigiinngitsuni atugarisaat akisussaaffigissavai. Saniatigut ilinniarfeqarfiup sulisuisa ilinniartuisalu qarasaasianik atuisuusut tamaasa kiffartuuttartussaassavai.

Qarasaasialerisup ilinniarfeqarfiup qullersarisaa qaninnertut qullersarissavaa.

Qarasaasialerisutut atorfinittussap ilinniarfeqarfiup allattoqarfiani sulisuusut pedelit, ilinniartut 18-it inorlugit ukiullit ineqarfianni sulisut, eqqiaasut, ilinniartitsisut allallu suleqatigisussaassavai.

Qarasaasialerisutut atorfik soqutigigukku, qinnuteqaateqarnissannik kajumissaarpatsigit.

Qinnuteqassaguit ilinniagaqarnerit, misilittakkatit atorfigilerusutannilu sutigut ataqatigiisinneritit tusassallutigit qilanaarpugut.

Tamatigoortumik piginnaasaqarlutit makku suliassat naammassisinnaassagitit naatsorsuutigaavut: 

Siunissamut pilersaarusiornermi suleqataalluarsinnaaneq:

• Qullersanik suleqateqarsinnaaneq: Qarasaasianik atortussanillu pisiortornermi qanimut suleqatiginnilluarsinnaaneq, qarasaasiaqarnikkut ingerlatsineq kiisalu ilinniarfeqarfiup qarasaasiaqarnikkut atortutigut inerisarnissaanik qulakkeerinnissinnaaneq.
• Qarasaasiatigut pilersaarusiorsinnaaneq: Ilinniarfeqarfiit anguniagaat pisariaqartitaallu aallaavigalugit ataavartumik atortutigut allatigullu inerisaaneq pitsanngorsaanerlu.

Ingerlatsineq aserfallatsaaliinerlu

• Ulluinnarni qarasaasiatigut ingerlatsineq: Ilinniarfeqarfiup qarasaasiaqarnikkut atortorissaarutaanik pitsaasumik, ingerlaavartumillu atortutigut tulluarsaaneq, atortutigut aserfallatsaaliineq taakkulu inerisarneqarnermikkut malinnaasumik ingerlanissaannik qulakkeerinninneq.
• Qarasaasiatigut atortorissaarutinik nakkutilliineq. Ilinniarfeqarfiup qarasaasiatigut atortorisaanik nakkutiginninneq, qajannaatsumik ingerlanissaanik qulakkeerinninneq kiisalu atortorissaarutit piffissami sivisuumi atasinnaanerannik qulakkeerinninneq.
• Qarasaasiatigut ajutoornerni ajoqutaasup sumiiffissiornera aaqqiissutissanillu qulakkeerinninneq. Taamaaliornikkut qarasaasiatigut ajutoornerit pilertortumik aaqqiivigineqarnissaannik qulakkeerinninneq.

Pilersaarusiorneq aningaasaqarnerlu

• Aningaasatigut aqutsinermi akisussaassuseqarneq. Qarasaasiatigut ingerlatsineq aningaasatigut missinersuutinut naapertuuttumik qulakkeerinninneq.
• Qarasaasiatigut atortunik pisiortorneq kiisalu atortorissaarutinik siunissamut inerisaanermut pilersaarusiorsinnaassuseq: Qullersat suleqatigalugit atortorissaarutinik pisiortornissamut pilersaarusiorneq, atulersitsineq kiisalu  pitsanngorsaajuarneq.

Atuisunik kiffartuussineq ilitsersuinerlu

• Qarasaasianik atuisunik kiffartuussineq: Ilinniartunut sulisunullu kiffartuussineq, ilitsersuineq, innersuussineq kiisalu qarasaasiatigut ajornartorsiutaasunik aaqqiisinnaaneq.
• Qarasaasianik atuisunik qaammarsaaneq: Qarasaasiatigut atortorissaarutit piginnaasaannik atuisut ilisimasassaannik ilitsersuussineq, qarasaasiatigut atortorissaarutit periarfissiinerinik kiisalu piginnaasamikkut sutigut killeqarnerinik ilitsersuussineq.

Suleqatiginnissinnaanik pingaanersiuinerlu

• Qullersanik suleqatiginnissinnaaneq: Ilinniarfeqarfiup aqutsisui qanimut pitsaasumillu attaveqaqatigiilluarnikkut qarasaasiatigut anguniakkanik, pingaarnersiuinikkut kiffartuussilluarnissamillu qulakkeerinninneq.

      Piumasaqaatit akisussaassuserlu

• Ilinniarfeqarfiit pisariaqartitaat malillugit aalajaatsumik tulluarsakkamillu qarasaasiatigut ingerlatsineq.
• Aaqqissuulluakkamik atortutigut pisiortornermi pitsanngorsaanermilu aningaasatigut akisussaassuseqartumik ingerlatsineq.
• Eqaatsumik inussiarnersumillu ilinniarfeqarfiup sulisuinik ilinniartuinillu kiffartuussineq.
• Qarasaasiatigut atortorissaarutinik pitsaasumik, isumatusaartumik eqeersimaartumillu allaffissornikkut ingerlatsinermi ilinniartitsinermilu ineriartortitsinissamut suleqataaneq.

Ilinniakkatigut piumasaqaatit:

Qarasaasialerisutut ilinniarsimaneq misilittagaqarnerlu.

Oqaatsit piginnaaffigisariaqakkat tassaapput kalaallisut danskisullu oqaasiinik oqaaseqartuunissaq allassinnaanissarlu piumasaqaataavoq.

Inuttut piginnaasat makku pingaartinneqarput:

• Allaffissornermi kiffartuussinermillu misilittagaqarnissaq.
• Pitsaasumik kiffartuussisinnaassuseqarmeq, ilinniartunut sulisunullu kiisalu kikkut sullinnerlugit apeqqutaatinnagu ajunngitsumik eqaatsumillu suleriuseqarneq.
• Akisussaassuseqarneq namminersorsinnaassuseqarneq.
• Suliassanut aaqqitassanut pitsaasumik aaqqissuulluakkamik suleriuseqarneq.
• Aalajaatsuuneq unneqqarissuunerlu.
• Suliassanik ilisimaarinninneq kiisalu ilikkagaqarnissamik kajumissuseqarneq.
• Soqutiginnittuuneq suliassanullu nutaanut paasisaqarusussuseqarneq kiisalu ikiuuk-kumatuneq, pingaartumik suleqatigisat ulapaarfiini oqilisaaqataasinnaassuseqarneq.

Sapaatip akunneranut akunnerit suliffiusussat amerlassusaat: 40.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaavoq, taakkulu akileraarusersorneqassallutik. Sulisunut inissiani utaqqiisaasumik imaluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
 

Atorfik pillugu paasissutissat sukumiinerusut Niuernermik Ilinniarfiup forstanderigallagaanut Henrik Ebbe Nielsenimut paasiniarneqarsinnaapput,oqarasuaat 49 38 12 imaluunniit e-mailernikkut: hn@cak.gl.

Atorfinitsinneqannginnermi pinerlussimannginnermut uppernarsaat tunniunneqarsimassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut Campus Kujallermut kingusinnerpaamik 4. september 2026 nal. 12.00 nassiutikkit una toorlugu: "Qinnuteqaat nassiuguk!" Campus Kujalliup e-mailia atorlugu toqqaannaq qinnuteqartoqarsinnaanngilaq.