Atorfik saqqummiuteqqitaq: Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik naalakkersuisumut allatsissarsiorpoq

Aaqqissuussinermi piginnaasaqarluartuuit, naalakkersuinermik suliallit pillugit paasisimasaqartuullutit aamma Nunatsinni aqutsisut qullerpaat  qanimut  sullikkusuppigit? Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik tunniusimasumik akisussaassuseqartumillu naalakkersuisumut allatsissarsiorpoq, Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisumut naammassinnissinnaassusilimmik pitsaasumillu sullissinissamut qulakkeerinnissinnaasumik.

Atorfiniffissaq: 1. november imaluunniit sukumiinerusumik isumaqatigiissuteqarnikkut.

Atorfik pillugu:

Naalakkersuisumut allatsi Naalakkersuisumut ikiortitut atuutissaaq, pineqartullu ulluinnarni sapinngisamik pitsaanerpaamik ingerlanissaata qulakkeerneqarnissaanik akisussaaffeqassalluni. Atorfik ataqatigiissaarinninnermik, allaffissornikkut ikorfartuinermik aamma naalakkersuinermik suliallit suliaannik allaffissornikkullu suliaqartunik qanimut suleqateqartarnermik suliassaqarfiusarpoq.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoq qaninnertut qullersarissavat aamma qullersaqarfimmi allatsi Naalakkersuisoqarfimmilu pisortaqatigiit qanimut suleqatigisassavatit.

Suliassat:

• Naalakkersuisup ullorsiutaanik, ataatsimiiffissaanik angalasarnissaanillu ataqatigiissaarinninneq
• Ataatsimiiffissanik sulinermullu atatillugu angalanissanik, angalanermi pisussat ilanngullugit pilersaarusiorneq piareersaanerlu
• Oqalugiaatissanik, ataatsimiinnermi atortussanik, aggersaanernik tusagassiorfitsigullu nalunaarutissanik suliaqartarnerit
• Pisariaqartillugu ataatsimiinnerni angalanernilu peqataaneq. Sulianik ilisimasalinnik peqataasoqartinnagu ataatsimiinnerni imaqarniliornerit/allakkiornerit
• Inatsisartut ataatsimiinnissaannut il. il. ataatsimiissutissanik atortussanillu nalunaarsuinerit
• Tusagassiutinut attaveqarneq
• Kissaatigineqarpat, naalakkersuinermik suliallit suliassaat pillugit siunnersuineq
• Suliassat takkussuuttut malillugit sullissineq
• Allaffissornermut attuumassutilimmik imaluunniit inuiaqatigiilerinermik ilinniagaqarputit
• Attaveqaqateqartarnermik misilittagaqarputit
• Naalakkersuinermik sulialinnik kiffartuussinermik pisortanilu allaffissornermik misilittagaqarputit
• Ulapaarfiusumik avatangiiseqartumi aaqqissuussaasumik sulisinnaavutit aamma tamakkiisumik isiginnissinnaavutit
• Allattariarsornikkut oqaatsitigullu attaveqaqatigiittarnikkut piginnaasaqarluarputit
• Eqaatsumik suleriuseqarputit, malunnaarsaartuuvutit pitsaasumillu sullissisinnaallutit
• Kalaallisut danskisullu oqalulluarsinnaavutit
• Naalakkersuinikkut suliallit aalajangiisarnerini qitiusumik isumaqarluartumillu suliaqartarnerit
• Suliffimmi avatangiisit tamatigoortut tunniussimaffiusullu
• Naalakkersuinikkut aqutsinermik assigiinngitsunillu suliallit suleqatigiittarnerinik ilisimasaqarluarputit
• Suliassat allanngorartut unammillernartullu
• Ilinniarsimasamut inuttullu ineriartornissamut periarfissat pitsaasut

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik pillugu

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi meeqqat, inuusuttut ilaqutariillu atugaannik pitsanngorsaanissaq qitiutipparput aamma suliassaqarfimmi naalakkersuinikkut suliallit anguniagaannik piviusunngortitsiniarluta sulisarluta. Suliassaqarfimmik kivitseqataarusukkuit, Naalakkersuisoqarfimmi naalakkersuisumut allatsitut atorfik immaqa ilinnut piukkunnarpoq.

Annertunerusumik paasissutissat:

Atorfik pillugu annertunerusumik paasisaqarusukkuit attavigisinnaavat: Immikkoortortaqarfimmi pisortaq Heidi Dalager, oqa. 59 13 04 imaluunniit hdlr@nanoq.gl

Akissuteqarnissamut piffissaliussaq tassaavoq 15. oktobari 2026

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.