Aqutsinermut Allattoqarfik fuldmægtiginik/suliniutinik aqutsisunik/ataqatigiissaarisunik marlunnik pissarsiorpoq – Piffissaq tamakkiisuunngitsumik atorfinissinnaasoqarluni

Aqutsisoqatigiit Naalakkersuisorlu ulluinnarni suliffigisaannut qulakkeerinnikkusuppit? Suleqatigiit ulapaarfinni pitsaassutsimillu qaffasissumik angusaqartartut akornanni suliassarpassuarnik ataqatigiissaarisarneq nuannaraajuk? Aamma allatat pitsaassusaannik qulakkeerisarneq, suliffeqarfiup iluani aaqqissuussineq ingerlatsinerlu, kiisalu IT-mut atortut suliffeqarfiullu iluani suleriaatsit ineriartortinneqarnerannut siuttuunissat nuannaraajuk?

Taamaappat illiuvoq Naalakkersuisoqarfiup Aqutsinermut Allattoqarfiani atorfissaqartitarput. 

2026-imi novembarip aallaqqaataani imaluunniit isumaqatigiissuteqarnikkut piaartumik atorfinitsitsitsisoqassaaq. 

Atorfik pillugu

Aqutsinermut Allattoqarfik Naalakkersuisoqarfimmi immikkoortortaqarfiit sisamaasut ilagaat, tassanilu ineqarneq, sanatitsisutut inissisimaneq, illunut oqartussaaneq, attaveqaasersuutit, isorliunerusut upalungaarsimanerlu pillugit Naalakkersuisoqarfiup suliassai isumagineqartarput. Naalakkersuisoqarfimmi sulisut 50-it missaanniipput. Aqutsinermut Allattoqarfik arfineq marlunnik sulisoqarpoq, aammalu Naalakkersuisoqarfimmi sulisunut sullissiviulluni. 

Immikkoortortaqarfimmi suliassat ilaatigut tassaapput Naalakkersuisoqarfimmut Naalakkersuisumullu saaffiginnissutinik ataqatigiissaarisarneq ingerlatitseqqittarnerlu, Naalakkersuisunut Inatsisartunullu aammalu taakkunanngaanniit suliassanik isumaginninneq, allakkat, tusarniaanerit, nutserinerit, pitsaassutsinik qulakkeerisarnerit, arkivimik aqutsineq, kiisalu sulianik aqutsineq ineriartortitsinermilu suliassat. Taakku saniatigut sammisaqartitsinernut, saqqummiinernut aamma assersuutigalugu suliani sullissinissamut suliffeqarfimmi ilitsersuutit, malittarisassat, suleriaatsit ilitsersuutillu pillugit sanilinut ilinniartitsinernut, pisiniartarnernut, kiffartuussinernut suliffeqarfiullu iluani suliassanut allanut pilersaarusiorneq ingerlatsinerlu ilaatinneqarput. Aamma imikkoortortaqarfimmi Naalakkersuisoqarfimmi qitiusumik IT-mut atortut suleriaatsillu digitaliusut ingerlanneqarneri, ataqatigiissaarneqarneri ineriartorteqqinneqarnerilu akisussaaffigineqarput, taakkununngalu atuisunut ikiuuttarneq, atortunik aqutsineq aaqqiissutissanillu ditigaliusunik nutaanik atulersitsisarneq ilaatinneqarput.

Fuldmægtiginik/suliniutinik aqutsisunik/ataqatigiissaarisunik marlunnik immikkoortortaqarfimmi sulisut Naalakkersuisoqarfimmilu aqutsisut suleqatigalugit Naalakkersuisoqarfiup suliassaataanik ataqatigiissaarisarnermi qitiusumik suliassat isumagineqarnerini, kiisalu Naalakkersuisumut kiffartuussinermi suleqataasinnaasunik pissarsiorpugut. Atorfik immikkoortortaqarfimmi suleqatit allat kiisalu naalakkersuisoqarfimmi immikkoortortaqarfiit qanimut suleqatigilluinnarlugit sulinermik imaqarpoq. 

Suleqatigiinni pinngitsoorneqarsinnaanngitsutut suleqataassaatit, aammalu suliassatit piginnaaneqarfitit, misilittakkatit soqutigisatillu nassatarisatit tunngavigalugit aaqqissuunneqassapput. Tassalu sulisut ataasiakkaat suliassatut allassimasunik tamanik isumaginninnissaat naatsorsuutigineqanngilaq; suliassat fuldmægtigit/suliniutinik aqutsisunik/ataqatigiissaarisunik marluusut akornanni agguarneqassapput, suliassat naapertuuttumik oqimaaqatigiissumillu agguarneqarnissaat qulakkeerniarlugu. 

Pikkoriffiit piginnaaneqarfiillu matuma kinguliani taaneqartut amerlanersaat pigissagitit naatsorsuutigaarput:

• Attuumassutilimmik ingerlaqqiffiusumik ilinniagaqassasutit. 
• Oqaatsit atorlugit taamatullu allattariarsorlutit attaveqaqateqarsinnaaneq pikkoriffigissagit.
• Kalaallisut danskisullu oqaatsit allattariarsorlutit oqaluinnarlutilluunniit pitsaalluinnartumik atorsinnaassagitit, aammalu tuluttut minnerpaamik oqaloqateqarsinnaassasutit.
• Ataqatigiissaarineq taamatullu namminersorlutit sulisinnaaneq pikkoriffigissagitit
• Pisuni ulapaarfiusuniluunniit eqaatsumik aamma aaqqiisinnaassasutit.
• Ilikkartikkuminartuussasutit, kisiannili aamma nammineerlutit misileraallutit ilinniarsinnaassasutit.
• Ilakkuminartuussasutit suleqateqarnerlu pikkoriffigissavit. 
• Kalaallit kulturiannik inuiaqatigiinnillu ilisimaarinnittuussasutit. 

Neqeroorutigaavut:

• Atorfik, politikkikkut aalajangiisarnerit qanillugit suliffiusoq. 
• Sullivimmi avatangiisit pingaartorsiorfiunngitsut, naalakkersuinikkut aqqutit naatsut suleqatillu suliatigut pitsaalluinnartumik aaqqiinissamik pingaartitsillutik tunniusimasut.
• Sullivimmi avatangiisit allanngorartut.
• Inuttut suliatigullu ineriartornissaq.

Paasissutissat amerlanerusut 

Atorfik pillugu annertunerusumik paasisaqarusukkuit Immikkoortortaqarfimmi Pisortaq Aviâja Mørch Amondsen telefonnr. 34 52 52-imut imaluunniit e-mail avma@nanoq.gl aqqutigalugu attaveqarfigisinnaavat.

Namminersorlutik Oqartussat pillugit annertunerusumik paasisaqarusukkuit, Naalakkersuisut nittartagaat www.naalakkersuisut.gl aqqutigalugu atuagaqarsinnaavutit.

Atorfinitsitsinissamut oqaloqatiginninnerit ingerlaavartumik ingerlanneqartarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.