Allagarsiuteqqitaq - Inatsisilerituut atorfinitsitsinermut inatsisinik soqutigisallik

Atorfinitsitsisarnermut inatsisit pissanganarivigit?
Atorfimmut immikkut atorfinitsitsinermut inatsisit aammalu ataatsimoortumik atorfinitsitsinermut inatsit aallaavigalugit suliassanik assigiinngitsunik suliaqartussamik ataatsimik inuttassarsiuivugut. Qinnuteqartoq eqqortoq misilittagalik immikkut siunnersortitut/siunnersortinut pisortatut atorfinitsinneqarnissaminut periarfissaqarpoq. Ilinniakkaminnik naammasseqqammisut aamma kajumissaarpagut qinnuteqaqqullugit. 

Atorfik pillugu


Sulisoqarneq aamma Inatsisilerineq Aningaasaqarnermut Sulisoqarnermullu Aqutsisoqarfimmi (ASA-mi) allaffeqarput, tassanilu qitiusumik allaffeqarfimmi aqutsisut siunnersorlugillu aqqutissiuuttarpagut, immikkoortortaniittut kiisalu peqqinnissaqarfimmi sulisut sulisoqarnermut inatsiseqartitsinerit pillugit apeqqutini ikiuuttarluta. Taakku saniatigut Namminersorlutik Oqartussat aamma Kalaallit Nunaanni kommunit sinnerlugit sulinissamut isumaqatigiissutit pioreersut nutartertarnissaat, nassuiartarnissaat nutaanillu taarsertarnissaat suleqataaffigisarpavut. 

Sulisoqarnermut inatsisilerituutut pingaarnertut suliassatit

• Allakkatigut mianersoqqussutinik, soraarsitsinernik peersitsinermillu aalajangiinerit aamma illuatungerisamik tusarniaanerit suliaralugit
• Atorfinitsitsinermi inatsisitigut tunngaviit pillugit aqutsisunut tunngaviusumik siunnersuineq aqqutissiuussinerlu
• Isumaqatigiissutit, tjenestemandit pillugit inatsisit aamma atorfeqartitsinermi inatsisit allat, nalunaarutit kaajallaasitallu pillugit nassuiaanerit siunnersuisarnerillu.
• Kalaallit Nunaanni pisortat sinnerlugit isumaqatigiissutinik akissarsiallu pillugit isumaqatigiissutinik nutarsaaneq pillugu isumaqatiginninniartarnernut ikiuuttarnerit. 
• Pissusissanik saneqqussinermi suliani, soraarnermi isumaqatigiissutinut tunngasunik aamma isumaqatigiinngitsoqartillugu isumaqatigiissitsiniartarnerit
• Isumaqatigiissitsiniarnerit - illullu inatsisilerituua suleqatigalugu eqqartuussinermi suliat suliarineri.
• Atorfinitsitsinermi inatsisitigut allakkiorneq kiisalu ilitsersuisarnerit aamma malittarisassanik suliaqartarneq
• Namminersorlutik Oqartussani sulisunut aqutsisunullu atorfinitsitsinermi inatsisinik tunngaviusunik ilinniartitsineq kiisalu atorfinitsitsinermut inatsisinik isumaqatigiissutinillu pisariaqartitsisoqarnerani ilinniartitsineq

Sulisoqarnermut inatsisilerituut allat suleqatigalugit pisariaqartitsineq, soqutigisat, piginnaasat ineriartornissamullu kissaatit aallaavigalugit suliassanik naleqqussaanerit. Qinnuteqartoq piukkunnaatilik ASA-mi digitalinngortitsinermik suliassat suleqataaffigisinnaavai. 

Makku piginnaasaqarfigissavatit

• Cand. jur./Cand.merc.jur/BA.jur sulinermi inatsisit soqutigigitit
• Suleqatiginnillaqqissuuvutit, isumasioqateqallaqqissuullutit aamma ilisimasannik suleqatitit avitseqatigillaqqillugit.
• Sapiissuseqarluartuuvutit, unammillernartumik suliaqarnissamut naammassinninnissamullu tunuarsimaartuunngilatit
• Oqalulluni allattarissatigullu oqaasertaliornermut piginnaassuseqarluarneq
• Silatusaartoq, kiffartuusserusussusilik inussiarnersorlu

Kisitsisinik paasinnillaqqissuunerit inatsisinik/ aningaasaqarnermik paasinnillaqqissuuguit iluaqutaassapput. Taamatuttaaq saniatigut, inuiaqatigiinnut kalaallinut oqaasiinullu ilisimasaqaruit kiisalu inuiaqatigiinni pissutsit pillugit ilisimasaqaruit pingaartinneqarpoq.

Neqeroorutigivagut

• Suliffik pissanganartoq, akisussaaffittalik inuttut suliassallu eqqarsaatigalugit ineriartornissamut periarfissagissaartoq
• Suliffik suliffigiuminartoq najukkami pissutsinut, oqaatsitigut kulturikkullu ilisimasaqarluartoq
• Suliffik eqaatsumik suliffiusoq aamma suliassaqarfiit assigiinngitsut suleqatigiillutik isumasioqatigiittarlutik
• Suliannut sunniuteqarluarlutit sulisinnaassaatit
• Suliffik matumani siunersiueqateqartarnerit annertuumik pingaartinneqartut
• Persuarsiorpalaanngitsumik oqaloqatigiittarneq aamma suleqatit pitsaasut

Uatsinnut tunngasut 

Sulisoqarneq aamma Inatsisilerinerlu allaffeqarfiuvoq, matumani sulilernermi arfineq-pingasunik sulisunut siunnersortilik, sulisullu pillugit inatsisilerituunik pingasunik sulisulik. Sulisoqatigiit immikkut tamarmik allaffimmik pisortaqarput. Sulisoqarneq aamma Inatsisilerineq Aningaasaqarnermut Sulisoqarnermullu Aqutsisoqarfimmi allaffeqarpoq, Aningaasaqarnermut Naalakkersuisoqarfiup ataaniilluni, kiisalu Naalakkersuisunut ilaalluni. 

Aningaasaqarnermut Sulisoqarnermullu Aqutsisoqarfik aamma uagut naleqartitagut pillugit itinerusumik uani atuarsinnaavutit: www.asa.gl.

Paasissutissat amerlanerit 

Atorfik pillugu paasisaqarnerorusukkuit allaffiup pisortaa Inuk Uukkaaq Lundblad mailikkut: iuld@nanoq.gl imaluunniit oqarasuaatikkut. nr. +299 34 66 07 attaveqarfiginissaanut tikilluaqquneqarputit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
 

Qinnuteqarnissamut piffissarititaq atorfininnerlu
Qinnuteqarnissamut killissarititaq tassaavoq ulloq  3. september 2026. 

2026-imi oktoberip ulluisa aallaqqaataanni isumaqatigiissuteqarnikkulluunniit atorfininnissaq naatsorsuutigineqassaaq. 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.