Allaffissornermut pisortaq qullersamut tullersortitut atuuffilik Peqqissaanermik Ilinniarfik (PI), Nuuk

Atorfik

Siumut isiginnissinnaassusilimmik iliuuseqarsinnaassusilimmillu, PI-mi allaffissornikkut suliassanik aqutsisussamik ilinniarfiullu aqutsisuinut tullersortaasussamik allaffissornermut pisortassarsiorpugut.

Ilinniarfiup ulluinnarni aqunneqarnerani sulilu ineriartornerani pisortamut ikorfartuissaatit iliuusissatullu siunniussanik politikikkullu aalajangikkanik piviusunngortitsillutit. Aningaasaqarnerup, nukissat, sulisut ingerlatsinerullu ataqatigiinnissaannik qulakkeerinissamut pingaarutilimmik inissisimassaatit.

Suliassatit pingaarnerit tassaapput

• PI-ip iliuusissatut siunniussaasa politikkikkullu aalajangikkat piviusunngortinnissaat malitseqartitsinissallu qulakkeernissaa.
• Aningaasaqarnermik-, aningaasartuutissanik missingersuusiornermik- nukissanillu atuinermik aqutsineq.
• Allaffissornermik sulialinnik kantiinamilu sulisunik aqutsineq ataqartigiissaarinerlu.
• Suleriaatsinik eqaatsunik, pitsaassutsimik piffissarlu eqqorlugu sulianik naammassinnittarnermik qulakkeerineq.
• Aningaasaqarneq pillugu nalunaarusiorneq, sulianik saqqummiussineq aalajangiinissamullu tunngavissanik suliaqarneq.
• Apeqqutini iliuusissanik siunniussinermut, aningaasaqarnermut aqutsinermullu tunngasuni ilinniarfiup pisortaanik siunnersuillunilu ikorfartuineq.
• Aqutsinermut tunngatillugu suliakkiussanik isumaginninneq ilinniarfiullu pisortaanut isumaqatigiissuteqarnikkut taartaasarneq. 
• Attaveqatigiinnermik qaffasissumik pitsaassusilimmik ilutsinni avataaneersunillu suleqatigisanik suleqateqarluarnissamik qulakkeerineq.

Illit

Qaffasissumik naapertuuttumik; allaffissornermut, aningaasaqarnermut, aqutsinermut taamaaqataanulluunniit tunngatillugu ilinniagaqarsimanissat naatsorsuutigaarput.

Tamatuma saniatigut aningaasaqarnermut- nukissanillu aqutsinermut, sulisunik aqutsinermut, siunnerfeqarluni aqutsinermut aaqqissuussaanikkullu inerisaanermut tunngatillugu, misilittagaqarnissat kiisalu suliffeqarfimmik politikkikkut aqutsinermik ilisimasaqarnissat pingaartippagut. Attaveqatigiinneq allakkatigut oqaatsitigullu ersarissumik qaffasissumillu pitsaassusilimmik ingerlassinnaavat.

Inuttut piginnaasatit

Siumut isiginnissinnaassuseqarputit, aalajangiisinnaassuseqarputit ulluinnarnilu paasilertoruminaatsuni ataatsimut isiginnissinnaassuseqarlutit. Aaqqissuusamik periuseqarputit, politiskimut tunngasunik paasinnillaqqissuullutit nammineersinnaassutsimik naliliisinnaassutsimillu pitsaasumik takutitsisarlutit.

Tatiginnilersitsisarputit, ersarissumik oqartarlutit sulisullu anguniakkamut ataatsimoorussamut katersorsinnaallugit. Tamatuma peqatigisaanik ulluinnarni ingerlatsineq aaqqissuussaanikkullu inerisaaneq iluaraatit, pingaarnersiuinerillu allanngorartut iliuuseqarfigisinnaallugit.

Aaqqisuussaanikkut inissisimaneq

Aaqqissuussaanikkut toqqaannartumik Ilinniarfiup pisortaata ataani inissisimassaatit PI-milu aqutsisoqatigiinni inerisaanermilu suleqatigiinni peqataallutit. Sulisut allaffissornermik ilinniagarlu pillugu siunnersuinermik suliallit kantiinamilu sulisut katillugit aqqanillit akisussaaffigissavatit.

Allaffissornermi pisortatut, ilinniarfiup pisortaanut tullersortaasutut, allaffissornermik ingerlalluartumik qulakkeerinissami pingaarutilimmik inissisimassaatit PI-llu anguniagaasa anguniarnissaannut peqataallutit.

E-mailikkut qinnuteqaatinik tigusineq ajorpugut.

Paasissutissat sukumiinerusut

Atorfik 1. december 2026 aallarnerfigalugu imaluunniit isumaqatigiissuteqarnikkut inuttalerneqassaaq.

Atorfik pillugu paasisaqarnerorusukkuit, pisortaq Bettina Hanghøj Johansen attavigisinnaavat, oqarasuaatikkut: 349950 imaluunniit e-mailikkut: behj@pi.gl.

Kalaallit Nunaat aamma Namminersorlutik Oqartussat pillugit paasissutissat sukumiinerusut uani atuarneqarsinnaapput: www.nanoq.gl, immikkoortoq “Job”.

Akissarsiat atorfeqartitaanermilu atugassarititaasut:
Atorfik akissaateqarfimmi 36-mut naapertuuttumi maanna inissisimavoq. Akissarsiat aalajangersimasumik agguarneqarsimapput ukiunut aalajangersimasunut isumaqatigiissuteqarnermut tapit ilanngullugit LR 36 aallaavigalugu 1. april 2026-mit  qaammammut Kr. 57.531 ukiumullu Kr. 690.372.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Piffissaq suliffiusoq aallaavik sap.ak. tassaavoq 40t, saniatigullu atorfimmut ukiumut piareersimasussaatitaaneq annertussusilerneqarsimavoq 320t, tassa qaammatit pingasukkaarlugit 80t.
 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.