AC-fuldmægtig Avatangiisinut, Pinngortitamut, Nukissiutinut Ilisimatusarnermullu Naalakkersuisoqarfiup aqutsinermut allattoqarfianut

Ulloq atorfiniffissaq: 1. nov 2026-mi imaluunniit isumaqatigiissuteqarnikkut piaarnerpaamik atorfinitsitsisoqassaaq.  
 

AC-fuldmægtigimi atorfilittamik misilittagalimmik namminersorsinnaasumillu, oqaatsinut attaveqaqatigiinnermullu piginnaassaqarluartumik suleqatissarsiorpugut.

Suliassatit pingaarnerit (Naalakkersuisoqarfiup akisussaaffigisai akimorlugit) tassaassapput:

• Qularnaatsumik kukkunersiorneq oqaatsinillu paasinninneq qaffasissumik piginnaaneqarfiginissaa.
•  Naalakkersuisoqarfiup pisortaaneranut attaveqaqateqarnermut siunnersuisuuneq.
•  Tusagassiorfinnik suleqateqarnermik allanngutsaaliuineq ineriartortitsinerlu.
• Tusagassiorfinnut nalunaarutinik, oqalugiaatissanik, Q&A-nik, oqallinnermi ilanngutassanik tunuliaqutassatullu allakkianik suliaqarneq.
• Innuttaasunik ataatsimiititsinissanut pilersaarusiorneq ingerlatsinerlu.
• Paasititsiniutinik attaveqaqatigiinnernillu innuttaasunut sammitinneqartunik ineriartortitsineq.

Sulinerunissamut piffissallu suliffiusut nikerarnissaannut eqaatsumik aaqqiisinnaanissat pisariaqartinneqassaaq.

Ilinnut tunngasut

Attuumassutilimmik ilinniagarsimaneq, minnerpaamik bacheloritut, soorlu oqaasilerineq, atuakkialerineq tusagassiuutilerinerlu, aammalu angusanik misilittakkanillu atorfimmi piumasaqaatinut annertuunut nallersuunneqarsinnaanissat uppernarsaasinnaanissat naatsorsuutigaarput.

Iluaqutaasinnaavoq ukiuni arlalinni pisortani oqartussaasuniit, Ministereqarfimmiit, aqutsisoqarfimmiit imaluunniit aaqqissuussaanermit annertusumit, politikkikkut pisariusunik suliaqarfiusumiit misilittagaqarsimanermut uppernarsaammik takutitsisinnaavutit.

Tamatuma saniatigut naatsorsuutigaarput:

• pisortanut periusissiorluni oqaatsinut attaveqaqatigiinnissamullu siunnersuisarneq pillugu misilittagaqarneq uppernarsarsinnaassagit,
• tusagassiorfiit tunngaviinik ilisimaarinnissasutit aammalu tusagassiornerup silarsuaani isumannaatsumik sulisinnaassasutit,
• aaqqissuussaanerni pisariusuni akimuilluni ataqatigiissaarinermik misilittagaqassasutit,
• aaqqissuussamik sulisinnaassasutit, ulappuffiullu nalaani suliassat paasisimaarinerinik attassiinnarsinnaassasutit,
• Kalaallisut oqaatsit ersarissut eqqortullu atorlugit allassinnaassasutit, tunniussanik piginnittutut saqqummersinnaassasutit, aalajangiinerit naammassillugit atorsinnaasumillu tunniussinnaassagitit, aamma
• suleqateqarnissamik siunnerfeqassasutit, sulianik sungiussisimassasutit pilersitsinissamullu ikiuussinnaassasutit – suliassat sukkasuumik suliarineqartariaqaraluarpataluunniit.

Aamma pisortani sullississutinik (soorlu F2-mik) misilittagaqarnerit, kiisalu ajornartoornerni aqutsissutinik oqartussaasullu suleqatigiinnerinik ilisimasaqarnerit iluaqutaassaaq.

Kalaallisut oqaatsinik, kulturiannik, kiisalu kalaallinik inuiaqatigiinnik ilisimasaqarne. 

Avatangiisinut, Pinngortitamut, Nukissiutinut Ilisimatusarnermullu Naalakkersuisoqarfik pillugu

Naalakkersuisoqarfimmi sulisut 45-t missaanniippugut, taakkunanngalu pingasut Aqutsisut Allattoqarfianni sulisuupput. 

Naalakkersuisoqarfimmi inuiaqatigiit pillugit suliassat pingaarutillit, aammalu Kalaallit Nunaannut iluaqutaasut isumagisaraagut. Ulluinnarni attaveqaqatigiilluarpugut, aammalu suliat inernerinut nammineerluni sunniisinnaanissaq inissaqartipparput.

Suliassat ineriartortitsiffiusut pissanganartorpassuit suliaraagut, aammalu suliffinni ineriartorsinnaallutit misiginissat uagutsinnut pingaaruteqarpoq. 

Naalakkersuisoqarfimmi pisortat toqqissisimanerup nukittorsarnissaa tamatumalu qaffasinneranik attassiinnarnissaq pingaartippaat. Naalakkersuisoqarfimmi ilisarnaaterput tassaavoq ingerlaavartuugatta, ilungersuussisuugatta akisussaaffimmillu tigusisaratta. Naalakkersuisoqarfittut ataatsitut ataatsimoorpugut, tassanilu assigiinngiiaarneq nukittoqqutigaarput. Taamaattumik avatangiisit nuannaralugit tamatumunnga tapersersuisinnaallutit takusinnaassavat. 

Annertunerusunik paasisaqarusuppit? 

Atorfik pillugu paasissutissat annertunerusut Naalakkersuisoqarfimmi pisortaaneq Natuk Lund Meire tlf. +299 34 64 76-imut, e-mail: natl@nanoq.gl, attaveqarfigalugu pissarsiarisinnaavatit.

Qinnuteqarnissamut killigititaq

Qinnuteqaat, CV-mik soraarummeernermullu uppernarsaatit assilinerinik ilaqartinneqartoq kingusinnerpaamik 15. Oktober 2026-mi link matuma kingulianiittoq aqqutigalugu nassiutissavat, aammalu ingerlaavartumik oqaloqatiginnittarpugut. E-mail-ikkut qinnuteqaatinik tigusineq ajorpugut. 

Aningaasarsiat atorfinitsitaanermilu atugassarititaasut 

Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissiaq
Atorfinittussamut sulisunut inissiamik innersuussinnaanngilagut. Qinnuteqartoq Namminersorlutik Oqartussani atorfeqarnerminut atatillugu sulisunut inissiami najugaqareersimaguni sulisunut inissiamut innersuunneqarsinnaatitaanini pigiinnassavaa. Sulisunut inissiaq atorfeqarnermut atasuuvoq, aammalu atorfeqarnerup uninnerani qimanneqartussaavoq.