Qaqortumi Ilinniarnertuunngorniarfimmi ilinniartitsisut

Ilinniarnertuunngorniarfik Qaqortumiittoq atuartitsissutini Danskisut, Kalaallisut, & IT ilinniartitsisussanik pissarsiorpoq.

Qaqortumi Ilinniarnertuunngorniarfik Campus Kujallermi immikkoortortaqarfiuvoq. Campus Kujalleq inuussutissarsiutinik ilinniarfeqarlunilu (EUD) ilinniarnertuunngorniarfeqarpoq.

Atorfinittussaq aggustip 15.-ani 2026 imaluunniit isumaqatigiissuteqarnikkut atorfinitsinneqassaaq.

Tunngaviatigut ataavartumik atorfinitsitsinissaq pissaaq. Piffissamili aalajangersimasumi atorfinitsitsisoqarsinnaavoq, sivitsuinissamik periarfissiisumik.

Qaqortumi Ilinniarnertuunngorniarfiup illorsua avatangiiserissaartuuvoq. Illit Ilinniarnertuunngorniarfimmi ilinniartitsisutut sulineq nuannarisarigukku, ilinniartitsisuusut allat suleqataasullu allat peqatigalugit kivitseqatigiilluni sulinermik pitsaasumillu pingaartitsisuuguittaaq, illiusinnaavoq atorfimmut piukkunnaatilik.

Campus Kujalleq pillugu nittartakkat makku iserfigalugit paasisaqarnerusinnaavutit: www.cak.gl aamma på www.iserasuaat.gl.

Campus Kujallermi ilinniartut amerlanerpaartaat ilinniartut ineqarfiini najugaqartuupput. Taamaattumik qanimut ilinniartunik attaveqartarnissat naatsorsuutigissavat, aammalu pisariaqartitsineq naapertorlugu ilinniartitsinerup avataatigut annikitsunik suliakkerneqarsinnaanerit naatsorsuutigisinnaavat.

Illit piukkunnaateqarninnut tunngaviusut makkuupput:

• Kandidatitut ilinniarsimasuussaatit assigisaanilluunniit qaffasissusilimmik ilinniarsimasuussaatit.
• Ilinniarnertuunngorniarfik, suleqatissatit ilinniarnertuunngorniartullu pillugit aqutsisuusut aalajangiussaannut tunniusimallutit unneqqarissuuvutit.
• Ilinniartut pillugit akuersaartumik suleriuseqartuuvutit.
• Suleqatigiit amerlanngitsuni suleqataalluarsinnaavutit, tassanimi sulisut tamarmik ataatsimut kivitseqatigiissinnaassusaat pingaaruteqarluinnarpoq.
• Nunatsinni ilinniarnertuunngorniarfimmik avatangiisigissaartumik ingerlatseqataarusussuseqartuusutit.

Atorfik ilinnut soqutiginartuuvoq, illit:

• Kiffaanngissuseqartumik akisussaaffeqartumilli sulinissamik kissaateqartuuguit.
• Nutaanik misilittagaqarusuttuuvutit, taamaattorli ilinniarnertuunngorniarfimmi ilinniartitsisuunermik tunniusimasuullutit.
• Suleqatinik ikiuukkumatuunik suleqateqarusuttuuvutit.
• Nunami nuannersumi najugaqarusuttuuvutit, pinngortitamilu inuunissamik pingaartitsillutillu atorluaasartuuvutit.

Ilinniartitsiseriaatsit pillugit ilinniakkamik (pædagogikum) naammassinnissimaguit ajunngeqaaq, taamaanngippat ilinniartitaanerup taassuma ingerlannissaanut periarfissinneqarsinnaavutit.

Illoqarfimmi pinnersumi kulturimilu allaanerulaartumi inuunissannik kajumikkuit, innuttaasuusunik qanilaartunik avatangiiseqarlutit inoorusukkuit immaqa atorfik ilinnut soqutiginartuuvoq? Ilinniartut nuannaartut avatangiiseralugit sulerusuttuuguit atorfik ilinnut piukkunnarsoraajuk?

 
Qaqortup illoqarfiata avataaneersuullutit atorfinissaguit inigigallagassamut inissinneqaqqaarnissat naatsorsuutigissavat. Taamatullu inissisimanissat Ilinniarnertuunngorniarfiup oqartussaaffiginngilaa.

Qinnuteqarfissaq kingulleq tassaassaaq 11. august 2026, nunatta nalunaaqutaa malillugu nal. 13.00. Qinnuteqartut takkussuunneri malillugit qinnuteqaatinik suliarinnissinnaalluta pisinnaatitaavugut.

Paasisaqarnerorusukkuit Ilinniarnertuunngorniarfimmi rektori Heidi Rosing allaffigalugu attavigisinnaavat hr@cak.gl (mailto:hr@cak.gl) imaluunniit oqarasuaatikkut +299 54 89 64 sianerfigisinnaavat.
Qinnuteqaatinnik nassitsinissat qilanaaraarput.

Maluginiaruk: Danmarkimi najugaqaruit nunatta Danmarkillu nalunaaqutaasa nikinganeri eqqumaffigissavat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaavoq, taakkulu akileraarusersorneqassallutik. Sulisunut inissiani utaqqiisaasumik imaluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaateqartoqarsinnaanngilaq.