Ilinniartitaanermik Aqutsisoqarfik aaqqissuimik sulisussarsiorpoq
Ilinniartitaanermut Aqutsisoqarfimmi Ilinniusiorfik, ilinniusianik saqqummersitsinermi pitsanngorsaavoq. Ilinniusiorfimmi ilinniusianik nutaanik ulapputeqaleruttorpugut, ilaatigut atuartitsissusianik atuartunik suliaqalerusulersitsisunik suliaqartoqarpoq, aammalu systeminik ingerlatsilluta, soorlu aamma digitalimik suliaqarlutalu suleriusitsinnik nutarsaasugut. Suliaq aqutsisoqarfiup siunnersortai avataaneersullu immikkut sulisorisat suleqatigalugit ingerlanneqarpoq.
Suliaqarnitsinnut atatillugu Ilinniartitaanermut Aqutsisoqarfik aaqqissuisumik Ilinniusiorfimmiittussamik sulisussarsiorpoq. Atorfinittussaq ilinniusiornermi nutaanik eqqarsarsinnaassuseqassaaq, aammalu pissutsit nutaaliaasut teknologiillu atorneqartut ilisimasaqarfigissallugit.
Suliniummut atatillugu ukioq 2027-ip naaneranut, sivitsorneqarsinnaasumilli, atorfeqarsinnaasunik sulisussarsiorpugut.
Septemberip aallaqqaataani isumaqatiissuteqarnikkulluunniit atorfinitsitsisoqassaaq.
Atorfik pillugu:
Aaqqissuisoqarfimmi ilinniusianik naqitanik digitaliusunillu ineriartortitsinerit, nalimmassaanerit, siammaterinerit oqaatsitigullu aaqqissuinerit ingerlanneqartarput. Atorfinittussat Ilinniusiorfimmi aaqqissuisut allat peqatigalugit sulissapput. Kiisalu Ilinniartitaanermut Aqutsisoqarfimmi siunnersortit aamma avataaneersut suleqatigisat peqatigalugit suleqateqarneq ingerlanneqassaaq.
Illit pillutit:
Qinnuteqartoq piukkunnaatilik naatsorsuutigaarput:
- Naleqquttumik ilinniagaqarsimasoq
- Pamersaanermik kiisalu didaktikimut nutaajunerusumut ilisimasaqassasoq
- Aaqqissuisutut suliaqarnermik misilittagaqassasoq IT-millu atuisinnaassasoq
- Teknologi atorlugu atuartitsinermik misittagaqassasoq
- Aaqqissuussaasumik, akisussaassuseqartumik naammassissaqarfiusumillu sulisinnaassasoq
- Nutaaliortuullunilu aallarnisaasinnaassasoq
- Eqaatsumik namminersorlunilu suliaqarsinnaassasoq
- Paasinarluartumik attaveqariaaseqassasoq
- Kalaallisut qallunaatullu qaffasissumik atuisinnaassuseqarluassasoq
Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik politikikkut aqutaavoq, aqutsisoqarfik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani inissisimavoq. Aaqqissuisoqarfimmi suliarineqartartut arlaqarput, aqutsisoqarfinni nalinginnaasumik suliarineqartartut saniatigut ilaatigut nammineq saqqummersitsisarfeqarpugut, naqiteriveqarpugut, paasissutissiisarfeqarlutalu atuakkanullu atorniartarfiuteqarluta. Aqutsisoqarfimmi pingaarnertut atuarfiit, efterskolit friskolillu kiisalu GUX-it, Attat NUIKI-lu suliassaqarfigaagut. Suleqatigiit 50-it missaanniippugut, persuarsiortorsuunngikkaluarluta sammisatsinnut tunngasutigut qaffasissumik pitsaassusilinnik naammassisaqartarnissamik pingaartitsisuuvugut.
Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik politikikkut aqutaavoq, aqutsisoqarfik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani inissisimavoq. Aaqqissuisoqarfimmi suliarineqartartut arlaqarput, aqutsisoqarfinni nalinginnaasumik suliarineqartartut saniatigut ilaatigut nammineq saqqummersitsisarfeqarpugut, naqiteriveqarpugut, paasissutissiisarfeqarlutalu atuakkanullu atorniartarfiuteqarluta. Aqutsisoqarfimmi pingaarnertut atuarfiit, efterskolit friskolillu kiisalu GUX-it, Attat NUIKI-lu suliassaqarfigaagut. Suleqatigiit 50-it missaanniippugut, persuarsiortorsuunngikkaluarluta sammisatsinnut tunngasutigut qaffasissumik pitsaassusilinnik naammassisaqartarnissamik pingaartitsisuuvugut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Atorfik pillugu annertunerusumik paasisaqarusukkuit uunga saaffiginnissinnaavutit:
Immikkoortortami pisortaq Nuka Mette R. Larsen Merl@nanoq.gl tlf: +299 346291
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job