Angerlarsimaffik Ivaneq Namminersorlutik Oqartussanit pigineqarpoq aamma aaqqissuussaaneq naapertorlugu Isumaginninnermut Aqutsisoqarfiup ataani inissisimavoq.

Sulilerfissaq: 15 september 2026, imaluunniit isumaqatigiissuteqarnikkut atorfininneq ingerlanneqarsinnaalluni.

Inissat amerlassusaat aamma immikkoortortaqarfiit

Imikkoortortanut arfinilinnut agguataarsimasunut 25-inut inissaqarpoq. Ukioqatigiiaat 0-17 inut ukiulinnut inissisimavoq. 

Siunertaq

Toqqissisimanartumik, angerlarsimaffippalaartumik aaqqissuussaasumillu avatangiiseqarluni patajaatsunik inissaqartitsisunillu inersimasortaqarluni meeqqat ilorrisimaarlutik ineriartorlutik ilinniartinneqarnerinik akisussaaffilinnik siunertaqarnissaq Ivaneq-rup neqeroorutigissallugu siunertaraa. Meeqqat inuit ataatsimoornerini takuneqarlutillu tusaaneqarnertik malugissavaat. Meeqqat inuit attaveqarfigisarnerini assigiinngitsunilu ataatsimoortarnerini attaveqartariaatsit ilinniarnissaat aamma siunertaapput pingaarutillit, paaqqinnittarfimmi inuuneq, atuartuuneq, sunngiffimmi inuuneq aamma ikinnguteqarneq ilinniagassaanut pingaartunut aamma ilaapput. Meeqqap angajoqqaaminnut imaluunniit qanigisaminnut allanut attaveqarsinnaatitaaneri najorteqarsinnaatitaanerilu Ivaneq-rup tapersersussallugit pingaartitarai. Meeqqat ulluinnarni suliassanik unamminartunillu ilinniartinneqarnissaat aamma siunertaavoq, taamaalillutik siunissami paaqqinnittarfimmiikkunnaarunik nammineerlutik inuuneqarlutik akisussaaffimmik tigusisinnaanngortillugit sungiusarneqassapput.

Inummik perorsaariaaseq

Ivaneq-rmi akuersaarluni, attaveqartarluni attaveqaqatigiittarlunilu tunngaviusumik perorsaasoqartarpoq. Inunnik allanik naapitsisarluni inooqateqarlunilu meeraq imminut paasiartulertarpoq, imminut naleqartikkiartulersarpoq aamma imminut tatigiartulertarpoq, soorlu aamma inuit allat inooqatigalugit meeqqap akuersineq tigooqqarlugulu tunniussornissaanut ilinniartartoq. Patajaatsunik akuutitsisunik akuersaartunillu inersimasunit tunngaviusumik attaveqartarluni meeraq ilorrisimaarluni inuulertarpoq namminerlu piginnaasami misilerarsinnaalersarpai. Perorsaasup pingaarnerup pingaarnerullu tulliata meeraq toqqissisimanartumik isumannaatsumillu talerarnissaanut inissisimaffiit tigummisarpai. Ivaneq-rmi sullissinermi suleqatigiinnermilu oqaatsit pingaarit allat tassaapput akuersaarneq, peqqissaarneq, akisussaassuseq aamma suliaq aallaavigalugu sullissineq.

Perorsaanermi suliatta pingaarutillit aamma ilagivaat

• Toqqissisimasumik meeqqamut tunngavik - Pingaarnertut aappaattullu attaveqaatit atortinneqarneri
• Sanarfineqarneq siumullu nalunanngitsoq - aaliangersimasumik ullup ingerlarnga immikkoortortani tamani
•  Ulloq sammisassaqarfiusoq - meeqqat ullut tamaasa neqeroorfigineqassapput sammisassanik ukiuinut naleqquttunik
• Atugarissaarneq pillugu ataatsimoortumik isumaq - inooriaatsimut malitassat immikkoortortani tamani

Isumaginninnermut Aqutsisoqarfiup kommuninillu suleqatiginerisa saniatigut suleqatigisartakkat

Ivaneq-rup najukkami atuarfiit, peqqinnissaqarfik politiillu pitsaasumik suleqatigissallugit pingaartitarai. Tarnip pissusaanik immikkut ilisimasallit suliffeqarfiup avataaneersut atuartitsisartut aamma oqaloqatigiinneq atorlugu imaajaasartut suleqatigineqartarput.

Immikkut ittumik neqeroorutit/ atugassarititaasut

Ivaneq inunnik persorsaanermini pinngortitaq akuttunngitsumik atortarpaa, imaatigut angalaarneq illuaqqaniinnerlu matumani ilanngullugit atortarlugit.

Akisussaaffitsigut piginnaatitaanikkullu – Pisortamut Tullersorti/Sinniisoq

Pingaarnerit

• Pisortamut tullersortip toqqaannaq siullertut pisortaq saaffissarivaa, taakku marluullutik Angerlarsimaffik Ivaneq aquppaat.
• Pisortaq peqanngissatillugu peqannginnerani pisortamut tullersortip paarlattarpaa aqutsinikkuusinnaalluni allaffissornikkuusinnaallunilu. 
• Pisortamut tullersortip Pisortani tatiginassuseqaqatigalugu ornigulluni suliassatigut peqatigisassavaa isumassarsinartunillu avitseqatigisinnaallugulu suleqatigilluarsinnaasussaavaa.
• Tullersortip qulakkiissavaa, pisortani aqutsisullu allat peqatigalugit, angerlarsimaffiup anguniagaanik ineriartortitsinissaq naleqassutsikkullu pingaartitaanik atuutsitsisalernissaq.
• Tullersortip akisussaaqataaffigivai, sulisunut isumaginnittarnissaq, ineriartortitsinissaq, aserfallatsaaliinissat kiisalu Meeqqat Illuanni perorsaanikkut suliaqarnermi allannguititsisarnissaq atuutsitsilertarnissarlu.
• Tullersortip akisussaaffiinut ilaapput qullersaqatigiit peqatigalugit angerlarsimaffiup anguniagaanik, iliuusissiaanik periusissiaanillu suliarinneqataasarnissaq ukkassinissarlu.
• Tullersortip akisussaaqataaffigivai, qulakkeerinneqataaffigissallugu, angerlarsimafiup tunngaviatigut naleqartitaasa ulluinnarni takuneqarsinnaasuunissaat (akisussaassuseqarneq, ilisarsisisinnaassuseqarneq, oqaloqatigiittarneq, isumassuisarnerlu.

Ilinnut tunngsut:

Om dig

• Perorsaasutut ilinniarsimasoq assingusimilluunniit ilinniagalik
• Aqutsinermik misilittakkalik
• Ulloq unnuarlu angerlarsimaffimmi sulinermi misilittagaqartoq
• Suliassanit unamminarsinnaasunik suliaqarnermi nuannarisalik, aporfissarsiorani periarfissarsiornermik ujartuisinnaasoq iluarsiissuteqarsinnaalluni. 

• Tigussaasut

Tullersortip suliassamisut makku tigummivai: 

Allarfissornikkut

• Pisortat suliassaasa iluini aaliangersimasut pisortamik isumaqateqareersimanermigut suliassamisut tigumissinnaavai 

Sulisoqarnikkut

• Meeqqerisutut allatigulluunniit atorfinitsitsiniaanerni oqaloqateqarnissani akisussaaqataaneq
• Sulisunik oqaloqateqarnissani MUS´samatalertitsisarnisanullu akisussaaqataaneq
• Immikkortortani pisortanut isumasiueqatiginnittussaatitaavoq
• Angerlarsimaffik Ivanermi ilinniartunut qullersatut ataqatigiissaarisuullunilu akisussaasuutitaq
• Aqutsisunit aallartitatut sillimaniarnikkut ataatsimiititaliami ilaasortaallunilu suliffimmi isumannaallisaanikkut akisussaaqataasoq

Perorsaanikkut

• Ineriartortitsinissatigut pilersaarusiornernut ineqartullu immikkut tamarmik nalunaarusiorneqartussanngorfiini peqataasarnissaq
• Aqutsisut ataatsimeeqatigiinnerini sulisullu ataatsimeeqatigiittarnerisa ilaanni peqataasarnissaq 
• Sulisunik ilinniartitsisarnissaq siunnersuisarnissarlu

Aallartitaasarneq avataanilu suleqatigisartakkat

• Avataani suleqatigisartakkanut tunngatillugu suliassaqalertarneq aaliangersimasumik siunertalinnik soorlu ukunani: Atuarfeqarfiit, napparsimaviit, MISI, politiit il.il.
• Suliassartallit ornittariaqartakkat aallartitaqarnikkut pisortap isumaqatigereernerata kingorna
• Qullersatut akisussaasoq, atuarfiit aqutsisuinik MISI´millu suleqateqartarnerni

Tullersorti pisussaaffeqarpoq sukkulluunniit ajornartorsiummik aporfeqartoqalertillugu pinartoqalertilluguluunniit pisariaqavissumik aggersagaariataarsinnaasartussaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.