Kalaallit Nunatsinni oqartussat pingaarnersaasa ilaanni siuttoorusuppit?

Akileraartarnermut Aqutsisoqarfik inuiaqatigiinni kalaallini qitiusumik inissisimavoq aamma inerisaalluni suliat malunnaatillit suliarissallugit aallarnisarluni. IT-imik aaqqiissutit nutaat, nakkutilliilluni sulineq nukittorsagaq aamma suliffeqarfiup aqutsisullu inerisaqqinneri imminnut ingiaqatigiittut oqartussaqarfiup ataatsip, sulianik Kalaallit Nunaanni tamarmi inuiaqatigiinni pinngitsoorneqarsinnaanngitsunik suliaqartartup, isumannaatsumik eqaatsumillu ingerlanneqarneranut iluaqutaassapput.

Illit aqutsiveqarfimmi pisortatut sulisut tamarmiusut 127-it missaanniittut akisussaaffigissavatit aamma Aningaasaqarnermut Naalakkersuisoqarfimmut naalakkersuinermillu suliallit aqutsinerini qitiusumik siunnersortaallutillu suleqataasassaatit. Taamaalillutit oqartussap ataatsip inuiaqatigiit kalaallit atugarissaarisa aningaasalersorneqarnerannut malunnaatilerujussuarmik siunnerfeqarnera aamma ineriartornerani sunniisinnaaninnut periarfissinneqassaatit.

Akileraartarnermut Aqutsiveqarfik pillugu

Akileraartarnermut Aqutsisoqarfiup suliat Kalaallit Nunaanni inuiaqatigiinnit, innuttaasunit, suliffeqarfinnit pisortanillu pinngitsoorneqarsinnaanngitsut arlallit suliarisarpai. Aqutsisoqarfiup akileraarutinik akitsuutinillu akileeqqusisarneq, nioqqutissat eqqussorneqartut nakkutigineqarneri akisussaaffigai – matumani aanngaajaarniutinik nakkutilliineq kiisalu Namminersorlutik Oqartussanut, kommuninut, Inissiaatileqatigiiffik INI A/S-imut aamma Nukissiorfinnut akiitsut akileqqusarneri ilanngullugit. Taakku saniatigut Akileraartarnermut Aqutsisoqarfiup soraarnerussutisiaqalernissamut aaqqissuussinermut peqataasussaatitaaneq aqutaraa.

Akileraartarnermut Aqutsisoqarfik nunani tamalaani suleqateqarnermini OECD-imik, FN-imik nunanilu avannarlerni immikkut ittumik akileraarutit, akitsuutit akiliisitsiniartarnerlu pillugit suleqatiginnittarami aamma pingaarutilimmik inissisimavoq.

Akileraartarnermut Aqutsisoqarfiup sulisut 127-t qimmillu sulinermut atatillugu qimmerineqartut arfineq-pingasut sulisorivai. Suliassat Nuummi qitiusumik allaffimmi, nunap immikkoortuini sisamani Qaqortumi, Maniitsumi, Sisimiuni Ilulissanilu kiisalu Danmarkimi allaffimmi immikkoortortami minnerusumi suliarineqartarput.

Aqutsiveqarfik aaqqissuussaanikkut Aningaasaqarnermut Naalakkersuisoqarfiup ataani inissisimavoq, aamma aqutsisoqarfiup pisortaata naalakkersuisoqarfimmi pisortaq qaninnertut pisortaraa.

Illit pillutit 

Attuumassutilimmik ilinniagaqartutit suliffeqarfimmilu unammilligassarpassualimmi aqutsinermik misilittagaqarluartutit.

Inuiaqatigiit kalaallit ilisimaarilluaritit aamma Naalakkersuisut, Inatsisartut kommunillu imminnut suleqatigiittarnerinik paasisimasaqarluartuunerit iluaqutaassapput. Kalaallit Nunaanni naalakkersuinermik suliallit aamma allaffissornermik suliallit qularnaatsumik sullissinnaassavatit aamma Kalaallit Nunaanni nuna tamakkerlugu oqartussap ataatsip aqunneqarnerani atugassarititaasut immikkuullarissut paasisimassavatit.

Pingaartipparput illit:

• qaffasissumik ilinniagalik aningaasaqarnermik, inatsisinik aamma oqartussat unammilligassaannik paasisimasaqarluartoq
• patajaatsumik aqutsinermik misilittagalik, matumani toqqaannartumik sulisunik aqutsineq aamma aqutsisut aqqutigalugit aqutsineq ilanngullugit
• inerisaanermik periusissianillu atuutilersinnermik aamma inerisaanerit annerumaat allanngueriaatsillu ingerlanneqarnerinik misilittagaqartutit, matumani IT-mik aaqqissuussat nutaat atuutilersinneqarneri ajornanngippat ilanngullugit
• erseqqissumik aqutsineq attaveqarluartarnerlu aqqutigalugit angusaqarsinnaasutit
• atorfimmut naleqquttunik ingerlaqqiffiusumik ilinniaqarsimassasutit
• suliffeqarfik naalakkersuinermik sulialinnit aqutaq isumannaatsumik suliffigisinnaagit aamma naalakkersuinermik allaffissornermillu suliallit aalajangigaannik eqaatsumik oqartussatut ingerlatsinermut nuussinnaagitit.

Illit aqutsisutut inussiarnersuussaatit, erseqqissuullutit, aalajangiisinnaassuseqarlutit aamma tutsuiginartuullutit. Angusaqarusuttuussaatit erseqqissumillu anguniagalersuisinnaallutit, malinneqarsinnaanerit pilersissavat ilutigalugulu aqutsisut sulisullu akisussaaffimmik inissaqartillugit tunisassavatit.

Kalaallisut, danskisut tuluttullu piginnaasaqaruit kiisalu kalaallit kulturiat aamma inuiaqatigiit kalaallit ilisimasaqarfigigukkit iluaqutaassapput.

Akileraartarnermik akitsuusersuisarnermillu misilittagaqarneq malunnartumik iluaqutaassaaq, piumasaqaataanngilarli. Aqutsineq suliallu pillugit suliaqarfimmi sukkasuumik ilikkagaqarsinnaanerit pingaartipparput, aamma oqartussaqarfik unammillernartorpassualik ilaatigut akileraarutinik, akitsuutinik, ilanngaaserinermik, nakkutilliinermik akiliisitsiniartarnermillu akisussaaffilik aqussinnaassagit.

Atorfik pillugu

Akileraartarnermut Aqutsisoqarfik sulianik malunnartumik inerisakkanik arlalinnik suliaqaleruttorpoq. Aqutsisoqarfiup IT-ikkut iluaqusersuutaasa nutarterneqarneri qitiutillugit sammineqarput, matumani IT akileraarutinut aaqqissuussaa nutaaq ilanngullugu. Peqatigisaanik nakkutilliinermik suliallit nukittorsarneqarput, aamma aaqqissuussaaneq, aqutsisut suleriaatsillu suli inerisarneqassapput.

Akileraartarnermut Aqutsisoqarfik aamma sulisoqarpoq soqutiginnittorpassuarnik misilittagartuunillu, taakkua ilai arlallit suliffeqarfimmi ukiorpassuarni sulisuunikuupput. Taamaattumik aqutsiveqarfik suliatigut aaqqissuussaanikkullu, illersorneqarnissaminik ingerlateqqinneqarnissaminillu pingaarutilinnik, malunnartumik ilisimasaqarluarpoq. Taamaattumik illit aqutsiveqarfimmi pisortatut, pingaarutilimmik suliassaqarputit, piginnaasallit pisinnaatitaaffiillu nukittorsarneqarnissaannik, ilisimasat pillugit avitseqatigiinnissamut sinaakkutit pitsaasut pilersinneqarnissaannik, aamma suliffeqarfimmi ingerlaavartumik suliaqartarnerit qulakkeerneqarnissaannik ukiunimi aggersuni kinguaariit tulliisa pissusissamisoortumik tigusinissaat nalinginnaasumik pisinnaaniassammat.

Illit aqutsiveqarfimmi pisortatut oqimaaqatigiinnerup oqartussallu patajaatsumik ingerlatsinerisa aamma pisarialimmik inerisaanerup nutarterinerullu akornanni oqimaaqatigiissumik ingerlanneqarnissaat qulakkiissavatit. Aqutsisutut akisussaaffimmik annertuumik tunineqassaatit aamma Aningaasaqarnermut Aqutsisoqarfik qanimut suleqatigalugu ineriartornerup taassuma siunnerfilerneqarnerani qitiusumik inissisimaffeqassallutit.

Atorfimmut ilaapput Aningaasaqarnermut Naalakkersuisumik aamma Aningaasaqarnermut Naalakkersuisoqarfimmik qanimut suleqateqarluni akileraartarnermik akitsuuserinermillu suliaqarfimmik inerisaaneq.

Taamaattumik illit ilinniagaqassutsip, ingerlatsinerup, naalakkersuinermik suliallit pingaarnersiuinerisa aamma siunissami ungasinnerusumi suliffeqarfiup inerisarneqarnissaanik pissangaartumik suliaqarfiusuni sulisinnaasariaqartassaatit.

Aqutsisoqarfimmi pisortatut illit makku ilaatigut akisussaaffigilissavatit:

• Akileraartarnermut Aqutsisoqarfimmik aqutsineq inerisaanerlu aamma suliffeqarfiup anguniagassaata erseqqissumik periusissiornera
• ingerlatsinerup patajaatsuullunilu eqaatsuunissaanik qulakkeerinninneq
• naalakkersuinermik suliallit aquttaanni suliatigut patajaatsumik aalajangiinissamut tunngaviliorneq
• naalakkersuinermik allaffissornermilu suliallit aalajangigaannik atuutilersitsinerit
• aqutsisoqarfiup naalakkersuisoqarfimmik suleqatigisartakkanillu allanik suleqateqarluni sulianik aaqqiisarneranik ataqatigiissaarinninneq
• qaffasissumik pitsaassusilinnik suliaqarnerit aamma inatsisinik, maleruagassanik suleriaatsinillu atuuttunik malinninnerit tapersersorneri
• suliffeqarfiup iluani avataanilu suleqatigisartakkanut attaveqariaatsit nukittorsarneri
• nunanik tamalaanik suleqateqarluni sinniisutut aallartitatullu suliaqarnerit
• piginnaasanik aamma pisinnaatitaaffinnik nukittorsaaneq kiisalu aaqqissuussaasumik ilisimasanik aveqateqartarneq, taamaalilluni aqutsisoqarfiup suliatigut nukittunera aamma suliffeqarfittut misilittagai ingerlaqqissinnaaniassammata aamma kinguaariinnut tulliuttunit inerisarneqarsinnaaniassammata
• atugarissaarneq, ineriartorneq aqutsisugissaarnerlu aqqutigalugit Akileraartarnermut Aqutsisoqarfiup suliffeqarfittut kajungernartuujuarnissaanik qulakkeerinninneq.

Akissarsiat- atorfinitsitaanermilu atugassarititaasut

Atorfik aallaavimmigut ukiuni aalajangersimasuni atorfeqarnissamik atugassarititaqarluni ukiuni sisamani inuttalerneqartussaassaaq. Atorfik akissaateqarfimmi LR 39-mi maanna inissisimavoq.  1. april 2026 LR 39-mi tunngaviusumik akissarsiaq tapiillu aalajangersimasut, soraarnerusutissianullu illuartittagaq ilanngullu, sivisussusilimmik atorfinitsitsinermut tapeq ilanngullugu antterussuseqarput qaamammut   Kr. 88.927 ukiumullu Kr. 1.067.124.

Aallaavittut isumaqatigiissutini atugassarititaasut malillugit atorfinitsitsisoqassaaq. Qinnuteqartoq tjenestemanditut atorfeqareersimaguni Kalaallit Nunaanni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Atorfik piffissap suliffiusussap qanoq sivisutiginissaa killilersugaanngilaq, aamma qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat pillugit aalajangersagaq atorneqarsinnaanngilaq. Sulinerup sivisussusaa aallaavittut sapaatip akunneranut akunnerit 40-put.

Akissarsianut atorfeqartitaanermullu piumasaqaatit, matumani atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq ilanngullugit, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Naalagaaffimmi atorfillit, isumaqatigiissut apeqqutaalluni, Kalaallit Nunaanni Namminersorlutik Oqartussat ataanni atorfininnerminni akissarsiaqaratik sulinngiffeqarnissaminnik periarfissaqartinneqartarput. Naalagaaffiup kommunini nunallu immikkoortuini atorfillit Kalaallit Nunaanni Namminersorlutik Oqartussat ataanni atorfininnermi sulinngiffeqarnissaminnut qinnuteqarsinnaaneri aamma periarfissaqartippai. Aaqqiissummi katissimallugu aapparisaq imaluunniit inooqataasoq ilaatinneqarpoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Ulloq 29. september 2026 qinnuteqarnissamut killigititaavoq

Soqutiginnippit?

Atorfik pillugu apeqqutissaqaruit Partner Dorthe Flies, Flies HR-imeersoq oqarasuaammut uunga: +299583117 imaluunniit mailimut uunga dorthe@flieshr.dk attavigisinnaavat

Flies HR-ip sulisussarsiorneq isumagisassaraa, taamaammat saaffiginninnerit tamarmik tassunga ingerlateqquneqarput. Qinnuteqartut piukkunnartut oqaloqatigineqarnissamut aggersarneqartassapput. 

Atorfik pillugu paasisaqarnerorusukkuit Naalakkersuisoqarfimmi pisortaq Nikolai S. Christensen nsch@nanoq.gl-mut saaffiginnissinnaavutit.

Tusarfiginissat qilanaaraarput.