Ilisimatusarfimmi ilinniartunik siunnersuisartutut atorfik
Ilinniartunik ikiuerusuttuuit? Ilisimatusarfimmi ilinniartuuneq pitsaasoq qaffassarusuppiuk? Suleqatit pitsaasut, ulluinnaq allanngorartoq, allanngueqataasinnaaneq namminerlu sunniuteqarsinnaaneq pingaartippigit – aap, taava atorfik ilinnoorluinnartoq pigaarput.
Ilisimatusarfimmi ilinniartunik sullissivik ilinniartunik siunnersuisartussamik maannangaaq ujaasivugut. Atorfik sapaatip akunneranut 40 tiimit suliffiuvoq.
Ilinniartunut siunnersuisarfik pillugu:
Ilinniartunik Sullissivimmi ilinniartunut 600-t missaanniittunut ilinniarfinni aqqaneq marlunni agguataarsimasunut sullissisut suleqatigiit aqqaneq marluuvugut. Ilinniartunut Sullissivik Ilisimatusarfiup allattoqarfiata ataaniippoq suliffeqarfimmi pingaarutilerujussuuvoq ilinniartunik, ilinniartitsisunik, suleqatinik, innuttaasunik suleqatigisartakkanillu tapersersuiffiusoq. Pingaaruteqarpoq illit inunnut assigiinngitsorpassuarnut attaveqartartussatut ¬ aammattaarli pingaarnertut ilinniartut pillugit maaniittutut – imminut isiginissat - ilinniartullu ikiorneqartariaqaraangata piareersimasarpugut.
Atorfik pillugu
Suliassaq pingaarnerpaaq tassaavoq Ilisimatusarfimmi ilinniartunik inuttut paasisimasalittullu immikkoortortani pisortat massakkullu ilinniartunik sullissivimmiut suleqatigalugit siunnersuisarnissaq. Siunnersuisartut ilinniartunik tamanik attaveqartuummata oqaatsit pingasut atorsinnaanissai pingaaruteqarpoq, Ilisimatusarfimmi nunanit tamalaaniit ilinniarfiummat, nunanit allaneersunit ilinniartoqarluni. Taamaakkaluartoq ilinniartut amerlanersaat kalaallisut oqaaseqartuupput, taamaattumik pingaaruteqarpoq siunnersuisartoq kalaallisut oqalussinnaanissaa, aammalu ilinniartoqarmat qallunaatut allamiutullu oqaaseqartunik taamaattumik piumasaqaataavoq qallunaatut tuluttullu aamma oqaaseqarnissaq.
Ilinniartunut siunnersuisartussaq Ilinniartunut siunnersuisarfiup sulisuinut ilaavoq, pisariaqartitsisoqartillugulu suliassanut assigiinngitsunut suleqataasassaaq.
Ilinniartunik siunnersuinermik suliamut ilaapput:
- Ilinniartunik ataasiakkaanik, eqimattakkaanik ataatsikkullu arlalinnik siunnersuisarneq
- Sullivissatut periarfissat pillugit ilinniartunik aqqutissiuineq
- Qinnuteqartunut siunnersuisarfinnullu ilinniakkat pillugit qaammarsaallunilu siunnersuineq
- Ilinniakkanik ingerlariaqqiffiusunik, inuussutissarsiorfiusunik soqutigisaqaqatinillu suleqateqarneq
- Soraarummeernermi annilaanganeq atuariaatsillu il.il. pillugit ilinniartunut saqqummiussaqartarneq workshoppertitsisarnerlu
- Immikkoortortat akimorlugit assigiinngitsunik suliaqaqatigiissitsineq ilinniakkamik naammassinnittartut procentiinik qaffassaajumalluni Ilisimatusarfimmilu ilinniartunik atugarissaarnerulersitsiumalluni
- Pisariaqartitsisoqartillugu suliassanut assigiinngitsunut suleqataaneq
Neqeroorutigaagut:
- Suliaqarfiup iluani suliatigut isumasioqatigiinnikkut ineriartornissamik periarfissarissaarneq, superviseerneqarnikkut pikkorissarnikkullu ilisimasanik qaffassaanissamut periarfissat pitsaasut
- Suliffeqarfik Ilisimatusarfimmi ilinniartunut allanngueqataaffiusinnaasoq
- Suliffeqarfik sulisut avatangiisaata pitsaasuunissaannik pingaartitsilluinnartoq
- Suleqatigiitsialaat pikkorissut tunniusimasullu
- Avataanit suleqatigisanik superviseerertissinnaaneq
Ujartorpatsigit illit…
- Isumaginninnermut Siunnersortitut assigisaanilluunniit ilinniagaqarputit saniatigut VGU-mut ilinniaqqissimasoq imaluunniit VGU-mi qaffasinnerusumik ilinniagaqartoq
- Ilinniartunik sullissinermik aammalu assingusumik misilittagaqarneq iluaqutaassaaq
- Ilitsoqqussatut kalaallisut oqaasilik kiisalu qallunaat tuluillu oqaasiinik piginnaasalik, sullissineq siunnersuinerlu oqaatsit pingasut oqaluttarissatigut allattarissatigullu ingerlasarmat
- Inuiaqatigiinnik kalaallinik kalaallillu kulturiannik ilisimasalik. Inuusuttunik inersimasunillu ilinniartunik ikiuerusussusilik pitsaasumillu allanngueqataanissamut piumassusilik
- Aallarnisaasoq allanullu sunniuteqarluarusuttoq aamma sukasaalluarsinnaasoq
- Sammisat akimorlugit suleqatigiinnissamut piumassusilik piginnaasalillu
- Ilisimatusarfimmi immikkoortortanik allanittaaq suleqateqarnissap pingaarutaanik paasinnittoq
- Inoqatinut akuliusimasoq tamatumunngalu piginnaasalik
- Sulianut pitsaasumik tunniusimasoq, nammineerluarsinnaasoq akisussaassuseqartorlu
- Inatsisinut suliamut naleqquttunut paasinnilluarsinnaasoq, allaffissornikkut ingerlatsilluarsinnaasoq naleqquttumillu aalajangiisinnaassuseqartoq
Suliamut ilaavoq inunnut assigiinngitsorpassuarnut attaveqartarneq. Taamaattumik inoqatinnut ammasuussaatit, attaveqarniarlutit iliuuseqartartuussallutit inunnullu allanut attaveqallaqqissuussallutit, oqaatsitigullu piginnaasaqarluartuussallutit.
Suliaq inuppassuarnik oqaloqateqarfiusarpoq – aamma ilinniartut ilinniakkaminnut atugaannut tunngassutilinnik, inuttullu atukkamikkut sorsuutigisaannik imaannaanngitsunik oqaloqateqartarfiuvortaaq, ilinniarnermut kingunerluutaasinnaasunik. Amerlasuutigut ilinniartunit imaannaanngitsorsiortunit siullertut attavigineqartassaatit. Taamaattumik nukittusariaqarlutillu pimoorussisuusariaqarputit, aammali ajornartorsiutinik aaqqeerusussuseqartuussaatit minnerunngitsumillu maligassiuisuussallutit ilinniartunit toqqissisimaffiulluni oqaloqatigineqarsinnaasoq.
Siunnersuinermut tunngatillugu pilersaarutinik malinnittoqartuaannarsinnaannginneranik paasinnittuuvugut. Taamaattumik akornuserneqakulasarneq sulininni atukkatut iluaralugulu ulluinnarisinnaasariaqarpat.
Qinnuteqaat
Ilinniartunut siunnersuisutut qinnuteqarnissavit saniatigut ataani allassimasut aamma qinnuteqaammi ilaassasut piumasarineqarput:
Ilanngussaq 1: Curriculum Vitae
Ilanngussaq 2: Ilinniarsimanermut uppernarsaatit
Ilanngussaq 3: Inunnut pingasut angullugit amerlassusilinnut paasissutissanik aallerfiusinnaasunut attaveqaatinut paasissutissat
Atorfinitsitsinerup ingerlanneqartarnera
Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.
Attavigisassat/ paasissutissat
Atorfik pillugu sukumiinerusunik paasisaqarusukkuit, tikilluaqquneqarputit Ilinniartunik Sullissiviup pisortaa Rosa Lynge Lorentzen paasiniaavigissallugu oqarasuaammut: +299 347315-imut.
Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl.
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
- Ilinniartitsinermik Ilisimatusarfik
- Inuiaqatigiilerinermik, Aningaasaqarnermik Tusagassiornermillu Ilisimatusarfik
- Kulturimik, Oqaatsinik Oqaluttuarisaanermillu Ilisimatusarfik
- Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilimmarfimmi immikkoortortaqarpoq. Immikkoortortat ilinniartitsivinni ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit allaffissornikkut aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qaammatini pingasuni misiliilluni atorfeqarneq
Uani atorfimmi qaammatini pingasuni misiliilluni atorfinitsitsisoqassaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job