Ilisimatusarfimmut Ilinniartunik sullissivimmi aqqutissiuisoq /psykoterapeut
Ilinniartunik ikiuerusuttuuit? Ilisimatusarfimmi ilinniartuuneq pitsaasoq qaffassarusuppiuk? Suleqatit pitsaasut, ulluinnaq allanngorartoq, allanngueqataasinnaaneq namminerlu sunniuteqarsinnaaneq pingaartippigit – aap, taava atorfik ilinnoorluinnartoq pigaarput.
Ilinniartunik sullissivimmi aqqutissiuisoq /psykoterapeutitut Ilisimatusarfiup ilinniartunik ikiuineranik ataatsimoortitsillutillu inerisaassaatit.
Ilisimatusarfimmut piaartumik aqqutissiuisoq /psykoterapeutimik pissarsiorpugut. Atorfik sapaatip akunneranut nalunaaquttap akunnerini 40-ni suliffiuvoq.
Ilinniartunik sullissineq pillugu:
Ilinniartunik sullissivimmi sulisut 12-iuvugut ilinniartunik 600 missaannik ilinniakkanut 12-inut agguataarsimasunut sullissisut.
Ilinniartunik sullissivik Ilisimatusarfiup allaffissornikkut sullissivimmut ilaavoq, aaqqissuussaanermi pingaarutilerujussuartut inissisimavoq, taamatuttaarlu ilinniartunut, ilinniartitsisunut, suleqatinut, innuttaasunut avataanilu suleqatinut pingaarutilerujussuulluni. Pingaartuuvoq illit imminut inunnut assigiinngisitaartunut sanillersuunnissat, taamaattorli eqqaamallugu pingaarnerpaamik ilinniartut pillugit maaniinnerput – ikiortariaqalerfiinilu maaniissalluta.
Akisussaaffitit
Ilinniartut atugaannut ilinniakkamillu toqqaanerannut ataqatigiissaarineq ineriartortitsinerlu ataatsimut akisussaaffigissavatit:
- Eqimattanik oqaloqateqarnikkut, saqqummiinikkut assigisaatigullu ilinniartoq ilinniakkaminik naammassinninnissaanik ikiorlugu
- Immikkoortortani aqutsisut ilinniartunik oqaloqateqarnerini superviseererneritigut ilitsersorsinnaallugit
- Ilinniarnermut aqqutissiuisup aappaa suleqatigalugu ilinniartunik ilinniakkap aallartinnerani ilinniarneratalu naammassinissaannut kiisalu inuttut alloriarfissaanut tullermut ikiuinerani tapertaaneq.
- Ilinniarnermut aqqutissiuisup aappaa suleqatigalugu ilinniartup ilinniarnerata ataqatigiissumik ingerlanissaa pillugu qulakkeerinninnerni aqqutissiuussisumut tapertaaneq.
- Ilinniartunut neqeroorutinut periutsinik ilitsersuutinillu suliaqarneq
- Illup iluani pikkorissaanernik paasissutissiornernillu ingerlatsinerit
- Tarnikkut ikiueqqaarnermut ataatsimut atugassamik najoqqutassiorneq
- Sulianik inississuineq
- Allaffissorneq annikinnerusoq
- Suliassat assigiinngitsut takkussuuttut
Neqeroorutigaagut:
- Suliaqarfiup iluani suliatigut ineriartornissamik suleqatiigiinnermi isumasioqatigiinnikkut periarfissarissaarneq, superviseerneqarnikkut pikkorissarnikkullu ilisimasanik qaffassaanissamut periarfissat pitsaasut
- Suliffeqarfik Ilisimatusarfimmi ilinniartunut allanngueqataaffiusoq
- Suliffeqarfik sulisut avatangiisaata pitsaasuunissaannik pingaartitsilluinnartoq
- Suleqatigiitsialaat pikkorissut tunniusimasullu
- Avataanit suleqatigisanik superviseeriilluni ikiuineq
Ujartorpatsigit illit…
- Ilinniarnermut aqqutissiuisutut/isumaginninnermi siunnersortitut/ psykoterapeutitut imaluunniit assingusumik ilinniagaqarsimavoq ilinniaqqissimasoq
- Ilinniartunik sullissinermik misilittagalik
- Ilitsoqqussatut kalaallisut oqaasilik kiisalu qallunaat tuluillu oqaasiinik piginnaasalik
- Inuusuttunik inersimasunillu ikiuerusussuseqarluartoq
- Sammisat akimorlugit suleqatigiinnissamut piumassusilik piginnaasalillu
- Inoqatinut akuliusimasoq tamatumunngalu piginnaasalik
- Ilisimatusarfimmi immikkoortortanik allanittaaq suleqateqarnissap pingaarutaanik paasinnittoq
- Inuiaqatigiinnik kalaallinik kalaallillu kulturiannik ilisimasalik
Qinnuteqaat
Atorfininnissamut qinnuteqaat qinnuteqaatip saniatigut makkuninnga imaqassaaq:
Bilag 1: Curriculum Vitae
Bilag 2: Soraarummeersimanernut uppernarsaatit
Bilag 3: Inunnut pingasut angullugit amerlassusilinnut paasissutissanik aallerfiusinnaasunut attaveqaatinut paasissutissat.
Attavigisassat/ paasissutissat:
Atorfik pillugu sukumiinerusunik paasisaqarusukkuit, tikilluaqquneqarputit Ilinniartunik sullissivimmi pisortaq Rosa Lorentzen oqarasuaat +299 347315 attavigissallugu imaluunniit Ilisimatusarfiup pisortaa Christine Tønnesen oqarasuaat: +299 347303 attavigissallugu. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl.
Atorfinitsitsinerup ingerlanneqartarnera
Qinnuteqaatit tiguneqartut tamarmik atorfinitsitsinermut ataatsimiititaliamit suliarineqassapput.
Qaammatini pingasuni misiliilluni atorfeqarneq
Uani atorfimmi qaammatini pingasuni misiliilluni atorfinitsitsisoqassaaq.
Ilisimatusarfik pillugu
Ilisimatuarfik, Kalaallit Nunaata Universitetia, 1987-imi pilersinneqarpoq, ilinniakkanik assigiinngitsunik 13-inik ingerlatsilluni kiisalu piffissap ilaannaa ilinniakkanik ataasiakkaanik ingerlataqarluni, soorlu diplomimut masterimullu ilinniarnernik.
Ilisimatusarfik issittumi universitetiuvoq ilisimasanik aallarnisaanermillu piffimmi ineriartortuartumi pilersuisoq. Siulersuisut tassaapput universitetip aqutsisuini qullersaasut. Ulluinnarni aqutsineq rektorimit universitetillu direktørianit ingerlanneqarpoq. Instituttit sisamaasut Instituttini aqutsisunit Instituttimi siunnersuisoqatigiinnit siunnersorneqartartunit aqunneqarput.
Ilisimatuarfik sisamanik instituteqarpoq:
- Ilinniartitaanermut Institutti
- Inuiaqatigiilerinermut, Aningaasaqarnermut Tusagassiuteqarnermullu Institutti
- Kulturimut, Oqaatsinut Oqaluttuarisaanermullu Institutti
- Peqqissaanermut Pinngortitamullu Institutti
Qitiusumik allattoqarfik:
Qitiusumik allattoqarfiup universiteti tamaat sullitaraa. Taanna direktørimik aqutsisoqarpoq. Qitiusumik allattoqarfik Ilimmarfimmi Ilinniarfissuarmilu immikkoortortaqarpoq. Immikkoortortat sammisanik ataasiakkaanik qanimut suleqateqarpoq, iluminnilu aamma suleqatigiillutik. Qitiusumik allattoqarfiup suliassarai: Ilinniartunik sullissineq, sulisunik sullissineq, siulersuisunik ilinniagartuullu isumasioqatigiivinik sullissineq aammalu universitetimi sulisunut ilinniartunullu tunngatillugu suliassat allat. Qitiusumik allattoqarfiup Ilimmarfiup illutaasa ingerlanneqarnerat isumagisaraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qaammatini pingasuni misiliilluni atorfeqarneq
Uani atorfimmi qaammatini pingasuni misiliilluni atorfinitsitsisoqassaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Om Naalakkersuisut
Søger du udfordringer og har lyst til at præge hverdagen gennem dit arbejdsliv og være med til at forme fremtiden, så er et job hos Grønlands Selvstyre noget for dig. Vi forventer stor ansvarlighed og vægter faglige kvalifikationer, en sund analytisk tilgang til tingene samt omstillingsparathed højt hos medarbejderne. Herudover er din evne til at strukturere hverdagen og bevare overblikket vigtig. Grønlands Selvstyre består af en Centraladministration, med mere end 650 ansatte fordelt på flere departementer, samt en lang række decentrale enheder. Tilsammen er vi mere end 2500 mennesker tilknyttet Grønlands Selvstyre. Centraladministrationens opgave er, at sikre Naalakkersuisut (regeringen) et solidt politisk beslutningsgrundlag, samt at føre de politiske beslutninger ud i livet. Du kan læse mere om Grønlands Selvstyre på http://www.naalakkersuisut.gl/job